Sombath Somphone | ສົມບັດ ສົມພອນ

ສົມບັດ ສົມພອນ ນັກພັດທະນາ ສັງຄົມລາວໄດ້ຖືກລັກພາຕົວ ໄປເມື່ອ ເດືອນທັນວາປີແລ້ວນີ້ ໃນນະຄອນຫຼວງວຽງຈັນ ແຕ່ບໍ່ມີເຈົ້າໜ້າທີ່ຜູ້ໃດເລີຍ ທີ່ຢາກຈະເປີດເຜີຍເບາະ ແສວ່າລາວຫາຍຕົວໄປໃສ ຫຼື ຊາຕາກຳຂອງລາວຕອນນີ້ເປັນແນວໃດ.

ຕັ້ງແຕ່ວັນທີ 15 ເດືອນທັນວາປີທີ່ ຜ່ານມາ ທີ່ ສົມບັດ ສົມພອນ ນັກພັດທະນາສັງຄົມ ແລະ ທັງເປັນຜູ້ໄດ້ ຮັບລາງວັນແມັກໄຊໄຊໄດ້ຫາຍ ຕົວໄປ ເຮັດໃຫ້ ອຶງ ຊຸຍມິງ (Ng Shui Meng) ຜູ້ເປັນພັນລະຍາ ຕ້ອງໄດ້ໃຊ້ເວລາເກືອບທັງໝົດຂອງ ຕົນເອງໄປກັບການຮຽກຮ້ອງຂໍຄວາມເປັນທໍາ ແລະ ຊອກຫາຫົນທາງ ເພື່ອໃຫ້ໄດ້ຕົວສາມີກັບຄືນ ມາຫາ ຄອບຄົວຢ່າງປອດໄພ, ເຊິງຖືວ່າເປັນການໃຊ້ຊີວິດຕໍ່ສູ້ກັບຄວາມຍາກລຳບາກ ໃນແຕ່ລະມື້ໂດຍທີ່ຈົນເຖິງປັດຈຸບັນກໍຍັງບໍ່ໄດ້ຮັບໝາກຜົນໃດໆ ເລີຍ.

ຄັ້ງສຸດທ້າຍທີ່ເຫັນສົມບັດ ແມ່ນລາວກໍາລັງຂັບລົດຈິບໃນນະຄອນຫຼວງວຽງຈັນ ແລະຖືກຕໍາຫຼວດ ເອີ້ນໃຫ້ ຢຸດຢູ່ທີ່ປ້ອມຕຳຫຼວດ ແລະ ຫຼັງຈາກນັ້ນກໍເຫັນມີຄົນຂັບລົດກະບະມາເອົາຕົວລາວໄປ.

ແນ່ນອນຄົນໃນຄອບຄົວຂອງສົມບັດ ເຊິ່ງກໍລວມທັງແມ່ໄວອາຍຸ 85 ປີ ຕ່າງກໍມີຄວາມກັງວົນເຖິງທີ່ ສຸດຕໍ່ຊາຕາກຳຂອງສົມບັດ. ແມ່ຂອງລາວທີ່ເຖົ້າແກ່ຫຼາຍແລ້ວ ແລະ ບໍ່ຄ່ອຍມີເຫື່ອມີແຮງກໍ ຍັງຄົງລໍຖ້າຢ່າງມີຄວາມຫວັງວ່າຈະເຫັນໜ້າລູກຊາຍກົກຂອງຕົນກັບມາຫາໃນຊ່ວງບຸນປີໃໝ່ລາວ.

ເປັນເລື່ອງລຳບາກໃຈສຳລັບ ຊຸຍມິງ ທີ່ຈະຕ້ອງອະທິບາຍໃຫ້ກັບແມ່ຂອງສາມີຕົນເອງວ່າຍ້ອນຫຍັງ ສົມບັດຈຶ່ງຖືກເອົາຕົວໄປ ແລະ ຍ້ອນຫຍັງຜູ້ຄົນທີ່ມີອຳນາດຈຶ່ງປະຕິເສດບໍ່ຢາກໃຫ້ຄວາມຊ່ວຍເຫຼືອ ຊອກຫາຕົວ ຫຼື ອະທິບາຍຂໍ້ສັນນິຖານກ່ຽວກັບການຫາຍຕົວໄປຂອງສົມບັດ.

ສົມບັດເກີດໃນຄອບຄົວທຸກຍາກຢູ່ທີ່ບ້ານດອນຂຽວ, ແຂວງຄຳມ່ວນ ແລະຊ່ວງຕົ້ນຂອງຊີວິດໄດ້ ຕໍ່ສູ້ກັບ ຄວາມທຸກຍາກລຳບາກ, ຄວາມຫິວໂຫຍ, ແລະ ຄວາມບໍ່ປອດໄພ. ລາວແລະຄອບຄົວຕ້ອງໄດ້ ຊອກຫາ ບ່ອນອົບພະຍົບໃນຊ່ວງສົງຄາມອິນດູຈີນ ຊຸມປີ 1960. ສົມບັດກໍຄືກັບຄົນອື່ນໆ ທີ່ໂຊກດີ ໄດ້ຮັບໂອກາດເດີນທາງໄປຕ່າງປະເທດ ແລະ ມີຜູ້ຍື່ນໂອກາດໃຫ້ສາມາດພັກອາໃສຢູ່ຕ່າງປະເທດໄດ້ຢ່າງຖາວອນ, ແຕ່ວ່າລາວຫາກເລືອກທີ່ຈະກັບມາບ້ານເກີດເມືອງນອນຂອງລາວ ແລະ ທຸ່ມເຫື່ອເທແຮງໃຫ້ກັບການເຮັດວຽກເພື່ອຊ່ວຍ ເຫຼືອປະເທດຂອງຕົນເອງ ແລະ ເພື່ອນຮ່ວມຊາດ ໃຫ້ມີການພັດທະນາທີ່ດີຂື້ນ.

Continue reading “ຄອບຄົວຂອງນັກພັດທະນາສັງຄົມຜູ້ທີ່ຫາຍຕົວໄປສົມຄວນໄດ້ຮັບການຊ່ວຍເຫຼືອ ແລະ ໄດ້ຮັບຄຳຕອບ”

March 25, 2013December 26, 2015

ທ່ານແກຣີ ລັດຖະມົນຕີຕ່າງປະເທດຂອງ ສະຫະຣັດອະເມຣິກາຮຽກຮ້ອງມາຍັງ ສປປລາວ ໃນກໍລະນີຂອງບຸກຄົນທີ່ຫາຍຕົວໄປ

New York Times: 24 March 2013

ໂດຍ Jane Perlez

ວຽງຈັນ, ປະເທດລາວ – ມື້ທີ 100 ຊຶ່ງເປັນການຫາຍສາບສູນຂອງນັກຊ່ຽວຊານ ຄົນລາວດ້ານການກະເສດທີ່ຈົບ ການສຶກຈາກສະຖາບັນການສຶກສາອະເມຣິກັນ, ລັດຖະມົນຕີຕ່າງປະເທດຂອງສະຫະຣັດອະເມຣິກາ ທ່ານຈອນແກຣີ ໄດ້ຮຽກຮ້ອງ ມາຍັງລັດຖະບານລາວໃນວັນຈັນ ໃຫ້ປະກາດໃຫ້ມວນຊົນຊາບ ຜົນຂອງການສືບ ສວນວ່າ ໄດ້ມີຫຍັງແດ່ ເກີດຂຶ້ນກັບສົມບັດ, ແລະກໍໃຫ້ສົມບັດກັບຄືນສູ່ຄອບຄົວ ຂອງລາວ.

ຖະແຫຼງການຂອງທ່ານແກຣີ ເປັນຖະແຫຼງການເທື່ອທີສອງຂອງສະຫະຣັດ ອະເມຣິກາ ຫຼັງຈາກ ສົມບັດສົມພອນ ອາຍຸ 60 ປີ ໄດ້ຖືກເຈົ້າໜ້າທີ່ຕຳຫຼວດ ຢຸດລົດຈິບຂອງລາວ ຢູ່ຖະໜົນໃຫຍ່ໃນນະຄອນຫຼວງວຽງຈັນ ໃນວັນທີ 15 ທັນວາ 2012. ຖະແຫຼງການນັ້ນ ໄດ້ປະກາດຢູ່ກະຊວງຕ່າງປະເທດ ທີ່ກຸງ ວໍຊິງຕັນ ໃນມື້ວັນທິດໃນຂະນະທີ່ ທ່ານແກຣີຢ້ຽມຢາມປະເທດອີຣັກ.

ການປະຕິເສດຂອງລັດຖະບານລາວ ທີ່ບໍ່ຮັບຮູ້ ຄວາມຮັບຜິດຊອບໃດໆ ວ່າທ່ານ ສົມບັດຢູ່ໃສນັ້ນ ໄດ້ເພີ້ມ ຄວາມຢ້ານກົວກ່ຽວກັບຄວາມປອດໄພຂອງ ທ່ານສົມບັດ ແລະກໍພາໃຫ້ມີການຕຳໜິຮຸນແຮງທີ່ບໍ່ເຄີາມີມາ ຈາກ ສະຫະຣັດອະເມຣິກາ, ປະເທດຢູໂຣບແລະສິງກະໂປ (ພັນລະຍາຂອງທ່ານສົມບັດເປັນຄົນ ເຊື້ອຊາດ ສິງກາໂປ).

ປະເທດລາວເປັນປະເທດໜຶ່ງທີ່ຍາກຈົນ ມີປະຊາກອນ 6 ລ້ານຄົນ ໃນແຖບ ແມ່ນໍ້າຂອງ, ລາວເປັນປະເທດ ກອມມູນິສຕ໌ ທີ່ມີຜູ້ນຳປະກອບດ້ວຍຜູ້ຫຼັກແຫຼ່ງ ຂອງຂະບວນການປະເທດລາວທີ່ເປັນຂະບົດ ໄດ້ເອົາໄຊຊະນະໃນປີ 1975 ຈາກລັດຖະບານ ທີ່ມີສະຫະຣັດອະເມຣິກາໜູນຫຼັງ.

ລັດຖະບານໄດ້ມີຄວາມໄກ້ຊິດທະວີຄູນກັບປະເທດຈີນ ທີ່ເປັນເພື່ອນບ້ານທາງພາກເໜືອ. Beijing ໄດ້ລົງທຶນກໍ່ສ້າງຫຼາຍໂຄງການພື້ນຖານອັນສຳຄັນຂອງລາວ ແລະ ປະກອບສ່ວນໃນລະບົບການຮັກສາຄວາມປອດໄພ ໃຫ້ປະຊາຊົນ, ລວມທັງ ການຕິດຕັ້ງກ້ອງຖ່າຍຮູບວົງຈອນປິດ ທີ່ບັນທຶກເອົາຮູບຂອງສົມບັດຕອນສຸດທ້າຍ ກ່ອນສົມບັດ ຖືກຫາຍຕົວໄປ.

2 ມື້ ຫຼັງຈາກສົມບັດບໍ່ໄດ້ກັບມາເຮືອນ ໃນວັນເສົາຂອງເດືອນທັນວານັ້ນ ພັນລະ ຍາຂອງສົມບັດ ນາງຊຸຍມິງ ພ້ອມ ດ້ວຍໝູ່ເພື່ອນຫຼາຍຄົນ ກໍໄດ້ໄປຫາ ສະຖານີ ຕຳຫຼວດນະຄອນບານ ແລະເບິ່ງວິດີໂອຈາກກ້ອງຖ່າຍຮູບວົງຈອນປິດ ທີ່ຕິດຕັ້ງ ໃກ້ປ້ອມຕຳຫຼວດບ່ອນຢຸດລົດທ່ານສົມບັດສົມພອນ.

ໃນຂະນະທີ່ ວີດີໂດ ໄດ້ສາຍຢູ່ນັ້ນ ຊຸຍມິງແລະໝູ່ຂອງລາວໄດ້ອັດເອົາ ດ້ວຍ ໂທລະສັບມືຖື. ຮູບທີ່ມີໃນວີດີໂອນັ້ນ ໄດ້ອອກກະຈາຍໃນ ຢູທູບ ແລະ ແວບ ໄຊຕ໌ sombath.org ທີ່ເປັນສ່ວນໜຶ່ງຂອງການເຜີຍແຜ່ສາກົນ ເພື່ອໃຫ້ມີການໄປ ເຖິງຈຸດຕົ້ນຕໍ ຂອງການຫາຍສາບສູນຂອງສົມບັດສົມພອນ.

ກ້ອງວີດີໂອຄົບວົງຈອນປິດ ເວລານັ້ນຍາກທີ່ຈະພິສູດ ສະແດງໃຫ້ເຫັນວ່າ ທ່ານ ສົມບັດ ຖືກຢຸດລົດ ອອກຈາກ ລົດຈິບຂອງລາວ ແລະຍ່າງໄປທາງບ່ອນກວດກາ ຂອງຕຳຫຼວດ. ຕໍ່ຈາກນັ້ນມາ ຄົນຂີ່ລົດຈັກກໍມາ ຈອດລົດຈັກໄວ້ ແລ້ວຂື້ນລົດຈິບ ຂອງທ່ານສົມບັດ ແລ້ວຂັບລົດຈິບໜີໄປ. ບໍ່ທໍ່ໃດນາທີ ມີລົດກະບະສີຂາວ ຄັນ ໜຶ່ງ ມາໃນເຫດການ ນັ້ນຊຶ່ງ ມີ 2 ຄົນ ອອກມາ ແລະທ່ານສົມບັດກໍຂື້ນລົດ ກະບະໄປນຳພວກຂະເຈົ້າ. ລົດກະບະກໍຂັບອອກໄປເລີຽ.

ເຈົ້າໜ້າທີ່ສະຖານທູດໄດ້ເວົ້າວ່າ ສະຖານທູດອະເມຣິກັນປະຈຳວຽງຈັນໄດ້ສະເໜີດ້ານວິຊາການ ໃຫ້ລັດຖະບານລາວ ເພື່ອເຮັດໃຫ້ ວິດີໂອທີ່ບັນທຶກການຈາລາ ຈອນນັ້ນ ໃຫ້ມີຄຸນນະພາບຕື່ມ ພາໃຫ້ເຫັນແຈ້ງ ປ້າຍຂອງລົດຈັກ ແລະລົດ ກະບະ. ລັດຖະບານປະຕິເສດການສະເໜີ.

ສ່ວນໃຫຍ່ ການຊ່ວຍເຫຼືອຂອງສະຫະຣັດອະເມຣິກາຕໍ່ລາວ ສຸມໃສ່ດ້ານ ສາທາ ລະນະສຸກແລະການກູ້ລະເບີດ ທີ່ຍັງບໍ່ທັນແຕກ ເຫຼືອຈາກການຖິ້ມລະເບີດທີ່ ສະຫະຣັດໄດ້ປະຕິບັດ ເພື່ອບໍ່ໃຫ້ວຽດນາມເໜືອ ເອົາລາວເປັນເສັ້ນທາງ ລຳລຽງ ແລະຂົນທະຫານໃນສົງຄາມວຽດນາມ.

ນັກການທູດໄດ້ເວົ້າວ່າ ສະຫະຣັດອະເມຣິກາແລະປະເທດຢູໂຣບ ຍັງບໍ່ທັນໄດ້ ຂົ່ມຂູ່ຕັດການຊ່ວຍເຫຼືອໃຫ້ລາວ ເນື່ອງດ້ວຍກໍລະນີທ່ານສົມບັດ ແຕ່ກໍໄດ້ພະຍາ ຍາມຊີ້ໃຫ້ເຫັນການເສັຍຫາຍ ຂອງການມີຊື່ລືນາມຂອງ ລັດຖະບານລາວ.

ມີຫຼາຍຢ່າງ ຊຶ່ງທ່ານສົມບັດໄດ້ມີຄວາມພິເສດສຳລັບສະຫະຣັດອະເມຣິກາ. ສົມບັດໄດ້ໄປຢ້ຽມອາເມຣິກາຄັ້ງທຳອິດ ໃນນາມການແລກປ່ຽນນັກສຶກສາມັດທະ ຍົມ ໂຄງການ American Field Service ໃນປີ 1969. ເວລາທີ່ສົມບັດ ໄປກິນ ນອນນຳຄອບຄົວ ຢູ່ Wisconsin ເປັນເວລາ 1 ປີ ສົມບັດເວົ້າແຕ່ພາສາອັງກິດ ພື້ນຖານທີ່ລາວໄດ້ຮຽນຢູ່ລາວ ນຳນັກຮຽນຮູ້ອາເມຣິກັນ.

ໃນເວລາຕໍ່ມາ ສົມບັດກໍໄດ້ຮຽນຢູ່ມະຫາວິທະຍາໄລຮາວາຍໄດ້ຮັບປຣິນຍາຊັ້ນສູງ ດ້ານກະສິກັມ ຂະແໜງການທີ່ເປັນ ຈຸດສຸມໃນອາຊີບຂອງສົມບັດ ທີ່ຊຸກຍູ້ການ ການເຮັດນາຮົ້ວສວນແບບຍືນຍົງ. ສົມບັດໄດ້ກໍ່ຕັ້ງສູນພັດທະນາທີ່ມີ ສ່ວນຮ່ວມ ຢູ່ວຽງຈັນ ເພື່ອສິດສອນຊາວໜຸ່ມລາວໃຫ້ໄດ້ຄວາມຊຳນານ ທີ່ໂຄງການພັດທະ ນາຊຸມຊົນຕ້ອງການ ແລະສົມບັດກໍຍັງເປັນບຸກຄົນໜຶ່ງ ຊຶ່ງປະເທດເອເຊັຍ ແລະ ອາຟຣິກກາ ນັບໜ້າຖືຕາ ຍ້ອນວຽກງານທີ່ລາວໄດ້ເປັນຜູ້ ລິເລີ້ມລົງມືເຮັດດ້ວຍ ຕົນເອງ.

ທ່ານສົມບັດເປັນຜູ້ກ່າວຄຳປາໄສເບື້ອງຕົ້ນຢູ່ໃນກອງປະຊຸມ ເວທີປະຊາຊົນ ເອເຊັຍ-ເອີໂຣບ ໃນເດືອນ ຕຸລາ 2012 ຢູ່ນະຄອນຫຼວງວຽງຈັນ ທີ່ລວມຜູ້ນຳ ຊຸມຊົນລາວແລະພະນັກງານຂອງການຊ່ວຍເຫຼືອຕ່າງປະເທດ. ເນື້ອຫາອັນສຳຄັນ ຂອງເວທີແມ່ນເຈົ້າໜ້າທີ່ລັດຖບານຍຶດເອົາດິນ, ຜູ້ທີ່ໃຫ້ການສະໜັບສະໜູນ ສົມບັດ ຈຳນວນໜຶ່ງ ຄິດວ່າ ສົມບັດຖືກເອົາຕົວໄປນັ້ນ ເປັນການເຕືອນ ໃຫ້ການຕຳໜິລັດຖະບານງຽບໄປໃນບັນຫານັ້ນ.

ນາງຊຸຍມິງ ພັນລະຍາຂອງ ທ່ານສົມບັດ ອະດີດພະນັກງານຊັ້ນສູງຂອງອົງ ຢູນິແຊບ (ອົງການແມ່ແລະເດັກຂອງ ອົງການສະຫະປະຊາຊາດ) ໄດ້ຈັດຕັ້ງການ ເຜີຽແຜ່ ເພື່ອຊຸກໃຫ້ລັດຖະບານບອກໃຫ້ຮູ້ ກ່ຽວກັບການຫາຍຕົວຂອງ ສົມບັດ. ເດືອນໜຶ່ງ ຫຼັງຈາກສົມບັດໄດ້ຫາຍຕົວໄປ ລັດຖະມົນຕີຕ່າງປະເທດຂອງ ສະຫະຣັດ Hillary Rodham Clinton ກໍໄດ້ຮ້ອງຂໍໃຫ້ລັດຖະບານລາວໃຫ້ ຂໍ້ມູນ.

ນາງຊຸຍມິງວ່າ “ແຕ່ກ່ອນ ລັດຖະບານລາວກໍໄດ້ໃຫ້ຂໍ້ມູນ ທີ່ອ້າງອີງເຖິງ ການ ຫາຍສາບສູນຂອງປະຊາຊົນລາວຜູ້ອື່ນ, ແຕ່ວ່າເຈົ້າໜ້າທີ່ລາວຍັງບໍ່ທັນໄດ້ສູ້ໜ້າ ຈັກເທື່ອ ກັບຄວາມສົນໃຈຂອງສາກົນ”.

ສະຫະຣັດ ກໍຍັງໄດ້ສະແດງຄວາມຫ່ວງໃຍ ຕໍ່ການປະຕິເສດຂອງລັດຖະບານ ລາວ ເພື່ອຊ່ວຍການສືບສວນ ຫາຄົນຖືສັນຊາດອາເມຣິກັນ 2 ຄົນ ແລະຜູ້ 1 ເປັນຜູ້ທີ່ມີອະນຸຍາດຢູ່ອະເມຣິກາ ເປັນເຊື້ອຊາດລາວ ທີ່ສູນຫາຍໄປໃນປີນີ້.

ເຈົ້າໜ້າທີ່ຂອງສະຖານທູດອະເມຣິກັນ ໄດ້ເວົ້າວ່າ ໃນເດືອນນີ້ເອງ ເຈົ້າໜ້າລາວ ທີ່ສະຫວັນນະເຂດ ແຂວງພາກໃຕ້ ໄດ້ຫ້າມບໍ່ໃຫ້ ຄະນະສືບສວນອະເມຣິກັນ ໄປສະຖານທີ່ໆ 3 ຄົນ ຍັງໄດ້ເຫັນຕົວໃນເດືອນ ມັງກອນ ຄື: ສຸລິ ກອງດາລາ ວົງ, ບຸນທ່ຽງ ອິນສີຊຽງໃໝ່ແລະບຸນມາ ພັນໂຍທາ.

March 25, 2013December 26, 2015

ຖະແຫຼງການຂອງທ່ານ Kerry ລັດຖະມົນຕີວ່າການກະຊວງການຕ່າງປະເທດ ສະຫະລັດອາເມລິກາ

100 ວັນຂອງການຫາຍຕົວໄປຂອງທ່ານ ສົມບັດ ສົມພອນ, ຫົວໜ້າອົງການຈັດຕັ້ງສັງຄົມ

24 ມີນາ 2013

ມື້ນີ້ແມ່ນວັນທີ່ 100 ແລ້ວ ທີ່ທ່ານ ສົມບັດ ສົມພອນ ຫົວໜ້າອົງການຈັດຕັ້ງສັງຄົມຂອງລາວ ໄດ້ຫາຍຕົວໄປ, ເປັນບຸກຄົນທີ່ໜ້ານັບຖື ແລະ ຮູ້ຈັກກັນດີຕໍ່ກັບພາລະກິດວຽກງານຂອງທ່ານ ໃນບັນດາອົງການຈັດຕັ້ງທ່ີບໍ່ຂຶ້ນກັບລັດຖະບານ, ອົງການຈັດຕັ້ງຂອງລັດຖະບານ ກໍຄືວົງຄະນາຍາດສາກົນ. ພາບບັນທຶກຈາກກ້ອງວົງຈອນປິດ ໄດ້ສະເໜີໃຫ້ຮູ້ວ່າ ທ່ານ ສົມບັດ ອາດຖືກລັກພາຕົວໄປຈາກປ້ອມຕຳຫຼວດໃນນະຄອນຫຼວງວຽງຈັນ. ສະຫະລັດອາເມລິກາ ສະແດງຄວາມເປັນຫ່ວງເປັນໄຍຮ່ວມກັບວົງຄະນາຍາດສາກົນ ຕໍ່ກັບຄວາມເປັນຢູ່ ກໍຄືຄວາມປອດໄພຂອງທ່ານສົມບັດ. ພວກຂ້າພະເຈົ້າ ຂໍຮ້ອງໃຫ້ລັດຖະບານລາວ ເຮັດທຸກຄວາມສາມາດເພື່ອຮັບຜິດຊອບຕໍ່ກັບການຫາຍຕົວໄປຂອງທ່ານສົມບັດ ໂດຍບໍ່ແກ່ຍາວເວລາ. ພວກຂ້າພະເຈົ້າ ມີຄວາມວິຕົກກັງວົນຕໍ່ກັບຂໍ້ມູນສຳຄັນທ່ີບໍ່ພຽງພໍ ທ່ີພວກຂ້າພະເຈົ້າໄດ້ຮັບຈາກລັດຖະບານລາວ ກ່ຽວກັບກໍລະນີຂອງທ່ານສົມບັດ, ແຕ່ເຖິງແນວໃດກໍ່ຕາມ ພວກຂ້າພະເຈົ້າກໍຍັງຂໍສະເໜີໃຫ້ການຊ່ວຍເຫຼືອໃນການສືບຄົ້ນຫາ ແລະ ມີຄວາມເປັນຫ່ວງເປັນໄຍຢ່າງຫຼວງຫຼາຍຕໍ່ກັບສະຫວັດດີພາບຂອງທ່ານສົມບັດຢູ່.

ການຫາຍຕົວໄປຂອງທ່ານສົມບັດ ໄດ້ສ້າງຄວາມສົນໃຈເປັນທ່ີຈົດຈຳໃນຕົ້ນສັກກະຫຼາດ ເມື່ອມັນເປັນການຫາຍສາບສູນທີ່ອະທິບາຍບໍ່ໄດ້. ພວກຂ້າພະເຈົ້າ ສັງເກດໄດ້ວ່າ ປະເທດລາວບັນລຸໄດ້ຫຼາຍບາດກ້າວໃນຊຸມປີຜ່ານມາ ກາຍເປັນຄູ່ຮ່ວມງານທີ່ມີຄວາມຮັບຜິດຊອບຂອງວົງຄະນາຍາດປະຊາຊາດຕ່າງໆ, ຊຶ່ງລວມມີ ການເຂົ້າເປັນສະມາຊິກອົງການການຄ້າໂລກ ແລະ ການເປັນເຈົ້າພາບຈັດງານກອງປະຊຸມສຸດຍອດອາຊີ-ເອີຣົບ ໃນເດືອນພະຈິກຜ່ານມາ. ແຕ່ເປັນໜ້າເສຍໃຈ ທີ່ຍັງມີການຫາຍຕົວໄປອະທິບາຍບໍ່ໄດ້ຂອງທ່ານສົມບັດ ຜູ້ຊຶ່ງໄດ້ຮັບຄວາມນັບຖືຢ່າງກວ້າງຂວາງ ແລະ ເປັນພົນລະເມືອງລາວທີ່ມີຄວາມຕັ້ງໃຈໃນການເຮັດວຽກງານເພື່ອໃຫ້ມີຜົນປະໂຫຍດຍິ່ງໃຫຍ່ຫຼາຍເພີ່ມຂຶ້ນ ໃຫ້ແກ່ພີ່ນ້ອງຮ່ວມຊາດຂອງຕົນເອງ, ມັນຈຶ່ງເຮັດໃຫ້ມີການຕັ້ງຄຳຖາມກ່ຽວກັບຄວາມຕັ້ງໃຈຂອງລັດຖະບານລາວຕໍ່ລະບຽບກົດໝາຍ ກໍຄືພັນທະຢ່າງມີຄວາມຮັບຜິດຊອບຕໍ່ກັບສາກົນ.

ພວກຂ້າພະເຈົ້າ ຮ່ວມກັບຫຼາຍບັນດາອົງການຈັດຕັ້ງ, ລັດຖະບານ, ສື່ມວນຊົນ ກໍຄື ປະຊາຊາດໃນທົ່ວໂລກ ຂໍຮຽກຮ້ອງຄຳຕອບ ຕໍ່ກັບການຫາຍຕົວໄປຂອງທ່ານສົມບັດ ແລະ ຂໍເລັ່ງທວງໃຫ້ນຳທ່ານສົມບັດກັບຄືນມາບ້ານໂດຍໄວ.

###

March 17, 2013July 28, 2015

ລາວຊິອ່ອນໃຫ້ ອີຢູ ບໍ? ກ່ຽວກັບການກົດດັນ ເລື່ອງສົມບັດ?

(Will Laos bend over EU pressure on Sombath?)

Asian Correspondent: 16 March 2013

Rob O’Brien

ເປັນເວລາຫຼາຍກວ່າ 3 ເດືອນ ຕັ້ງແຕ່ສົມບັດສົມພອນ ນັກເຄື່ອນໄຫວ ແລະ ຜູ້ເຜີຍແຜ່ ການພັດທະນາແບບຍືນຍົງ ໄດ້ເຫັນເປັນຄັ້ງສຸດທ້າຍ ຢູ່ທ້ອງຖະໜົນ ອັນສົບສົນໃນ ນະຄອນຫຼວງວຽງຈັນ.

Sombath Somphone

ຜູ້ທີ່ມີຊື່ສຽງຂອງອາຊີໄດ້ຖ່າຍຮູບຕໍ່ໜ້າສູນວັດທະນະທັມຂອງ ປະເທດຟີລິບປິນ ກ່ອນພິທີ ໄດ້ຮັບຫຼຽນແມັກໄຊໄຊໃນ ວັນພຸດວັນທີ 31 ສິງຫາ 2005 ຢູ່ມານີລາ ປະເທດຟີລິບປີນ. ຜູ້ທີ່ໄດ້ຮັບຫຼຽນຈາກຊ້າຍໄປ ມີ: ຜູ້ແທນສະພາສູງຂອງ ຣາຊອານາຈັກໄທ ທ່ານ Jon Ungphakorn ຍ້ອນວຽກງານໃນລັດຖະບານ, ທ່ານ Teten Masduki ຈາກ ອິນໂດເນເຊັຍ ຍ້ອນວຽກງານຂອງຊຸມຊົນ, Dr V. Shantha ຈາກອິນເດັຍ ຍ້ອນວຽກງານ ຂອງຊຸມຊົນ, ທ່ານ Sombath Somphone ຈາກປະເທດລາວ ຍ້ອນ ການນຳພາຊຸມຊົນ, ທ່ານ Matiur Rahman ຈາກບັງກລາເທດ ຍ້ອນການໜັງສືພິມ, ວັນນະຄະດີແລະປະດິດ ແຕ່ງສິລະປະ ການສື່ສານແລະຍານາງ Yoon Hye-Ran ຈາກເກົາຫຼີໃຕ້ ຍ້ອນ ການນຳພາ ຍຸກໃໝ່ (ຮູບຈາກ Associated Press/ຂອງ Bullit Marquez).

ກ້ອງຖ່າຍຮູບປິດວົງຈອນ ໃນປັດຈຸບັນນີ້ ໜ້າກຽດຊັງ ບັນທຶກພາບເວລາສຸດ ທ້າຍເຫັນຢ່າງຈະແຈ້ງວ່າ ການຫາຍ ສາບສູນຂອງສົມບັດສົມພອນ ໄດ້ມີການ ວາງແຜນຢ່າງລະອຽດເອົາຕົວໄປ. ລົດຈິບຂອງສົມບັດ ຖືກເຈົ້າໜ້າທີ່ຕຳຫຼວດ ຢຸດໃນມື້ວັນທີ 15 ເດືອນ ທັນວາ ກ່ອນທີ່ສົມບັດ ຈະຖືກເອົາຂື້ນລົດ ຕ່າງຫາກ ແລະສົມບັດກໍຫາຍສາບສູນໄປເລີຍ.

ລັດຖະບານແລະຕຳຫຼວດລາວ ຍັງສືບຕໍ່ປະຕິເສດຢູ່ ໃນທຸກພະລະໜ້າທີ່ ຂອງ ຕົນກ່ຽວກັບການຫາຍສາບສູນຂອງ ສົມບັດ ແລະການສຶບສວນທີ່ຍັງດຳເນີນບໍ່ໄດ້ ບັນລຸຜົນ ບໍ່ໄດ້ຮັບຄຳຕອບວ່າ ສົມບັດຢູ່ແຫ່ງໃດ ຫຼືວ່າ ກ່ອນອື່ນໝົດ ເປັນຫຍັງ ສົມບັດ ຈຶ່ງຖືກຄຸມຕົວໄປ.

ພ້ອມກັນກັບ ອົງກອນລາວແລະອົງກອນສາກົນ ທີ່ບໍ່ຂື້ນກັບລັດຖະບານແລະ ຜູ້ທີ່ໃຫ້ຄວາມສະໜັບສະໜູນອື່ນໆ ນາງຊຸຍມິງ ພັນລະຍາຂອງສົມບັດ ໄດ້ກໍ່ຕັ້ງ ການເຜີຽແຜ່ລະດັບສາກົນທີ່ຕິດຕາມ ລັດຖະບານລາວທີ່ຖືກກົດດັນ.

ຄະນະຜູ້ແທນສາກົນແລະນັກການທູດ ກໍຍັງສະແດງຄວາມຫ່ວງໃຍວ່າ ສົມບັດ ຢູ່ແຫ່ງໃດ, ໃນບໍ່ດົນມໍ່ໆມານີ້ ກໍຍັງມີຄະນະຜູ້ແທນ ອີຢູ, ແຕ່ວ່າ ເຖິງປັດຈຸບັນ ເຈົ້ານີ້ໜ້າທີ່ລາວກໍຍັງໃຫ້ຄຳຕອບທີ່ຂື້ນກັບຜູ້ອື່ນແລະ ຊຸຍມິງເວົ້າວ່າ ລາວໄດ້ຍິນ ຄຳຕອບລັກສະນະດຽວກັນ ຫຼາຍຫຼົບຫຼາຍຕ່າວ.

ພວກນັກການທູດໄດ້ພົບກັບ ເຈົ້າໜ້າທີ່ຊັ້ນສູງຂອງລັດຖະບານ ແລະລັດຖະ ມົນຕີ ແຕ່ວ່າຄຳຕອບຍັງຄືເກົ່າຢູ່: ‘ພວກເຮົາກໍມີຄວາມຫ່ວງໃຍຫຼາຍ ແລະກໍເຮັດ ທຸກຢ່າງທີ່ພວກເຮົາເຮັດໄດ້, ເຈົ້າໜ້າທີ່ຕຳຫຼວດໄດ້ເຮັດການສືບສວນ, ແຕ່ວ່າ ພວກເຮົາກໍຍັງຫາສົມບັດບໍ່ເຫັນ – ພວກເຮົາກໍເສັຽໃຈໃນເຫດການ ໆລໆ” ‘ນາງ ຊຸຍມິງກ່າວໃນທີ່ສຸດ.

ອາທິດໜ້າຈະເປັນ 100 ວັນ ຕັ້ງແຕ່ ສົມບັດຫາຍສາບສູນໄປ ແລະ ອີຢູ ໄດ້ໃຫ້ຄຳໝັ້ນສັນຍາວ່າ ການກົດດັນຈະຜ່ານ ລະບົບໃໝ່ ຂອງກິຈະກັມສາກົນ ທີ່ຖືວ່າ ກໍລະນີຂອງສົມບັດເປັນບຸລິມະສິດຂອງສະພາ ອີຢູ ຢູ່ໃນກັມມາທິການ ຂອງອົງການສິດທິມະນຸດຂອງອົງການສະຫະປະຊາຊາດ.

ຜູ້ແທນສະພາສູງຂອງເນເທີແລນດ໌ ແລະຫົວໜ້າຄະນະຜູ້ແທນທ່ານ Tuur Elzinga ໄດ້ມີຄວາມຈົງໃຈທີ່ສະແດງ ອອກວ່າ ຢູອີ ຕົກລົງຈະບໍ່ອ່ອນຕໍ່ການ ຫາຍຕົວຂອງນັກເຄື່ອນໄຫວ. “ຖ້າຫາກວ່າ ເຈົ້າໜ້າທີ່ລາວຄຶດວ່າ ປະເດັນຂອງ ການຫາຍສາບສູນຂອງສົມບັດ ຈະຖືກຫຼົງລືມໄປນັ້ນ? ພວກເພິ່ນຄຶດຜິດ” ທ່ານ Elzinga ໄດ້ກ່າວ.

ແຕ່ວ່າ ຂີດໝາຍ 100 ວັນ ໃກ້ເຂົ້າມາແລ້ວ, ມັນເປັນຫຼາຍວັນທີ່ຍືດເຍື້ອ ຍາວນານຂອງການເຜີຽແຜ່ທີ່ພັນລະຍາຂອງ ສົມບັດ ກຳລັງມີການໃຊ້ຈ່າຍ.

ຂ້ອຍເມື່ອຍຫຼາຍແລະໝົດກຳລັງໃຈ ທີ່ວ່າ ອາທິດແລ້ວອາທິດເລົ່າ ບໍ່ມີຂ່າວ ຫຍັງ ແລະບໍ່ມີການແນະນຳທາງໃໝ່ ແຕ່ວ່າ ຂ້ອຍບໍ່ມີທາງເລືອກ ມີແຕ່ວ່າ ທົດລອງເລື້ອຍໄປແລະໃຊ້ຄວາມອົດທົນ ແລະທົດລອງການແນະນຳທຸກຢ່າງ ແລະຊ່ອງທາງທຸກອັນທີ່ຈະໄດ້ພົບເຫັນສົມບັດ” ນາງໄດ້ກ່າວ.

ຊີວິດຂອງຂ້ອຍຢຸດສະງັກ – ລໍຖ້າ, ລໍຖ້າ, ຫວັງ ແລະ ຫວັງ ແລະບາງຄັ້ງ ມີຄວາມຮູ້ສຶກວ່າໃຜຊ່ອຍຫຍັງບໍ່ໄດ້ ແລະ ກໍມີຄວາມໝົດຫວັງ. ຂ້ອຍຫາກໍ່ມີ ຄວາມເຊື່ອໃນໃຈວ່າ ສົມບັດຍັງມີຊີວິດຢູ່…ຍ້ອນວ່າ ທຸກສິ່ງທຸກຢ່າງບໍ່ຄາດຝັນ ຈະເປັນໄປໄດ້ໝົດ”.

March 10, 2013July 29, 2015

ຄະນະຜູ້ແທນສະພາຢູໂຣບໄປ ສປປ ລາວ ກ່ຽວກັບການຫາຍສາບສູນຂອງ ທ່ານສົມບັດສົມພອນ

ຄະນະຜູ້ແທນສະພາຢູໂຣບໄດ້ໄປວຽງຈັນ ນະຄອນຫຼວງຂອງປະເທດລາວ ລະຫວ່າງວັນທີ 6 ຫາ 9 ມີນາ 2013 ເພື່ອສະແດງເຖິງຄວາມຫ່ວງໃຍ ອັນເລິກຊຶ່ງ ທີ່ສົມບັດສົມພອນ ສະມາຊິກຂອງອົງກອນລາວເພື່ອປະຊາຊົນ ຜູ້ທີ່ ມີຄົນນັບໜ້າຖືຕາຫຼາຍ, ຍັງບໍ່ທັນໄດ້ກັບສູ່ຄອບຄົວດ້ວຍຄວາມປອດໄພ. ສົມບັດ ໄດ້ຫາຍຕົວໄປວັນທີ 15 ເດືອນ ທັນວາ 2012, ຖືກຄຸມຕົວຂຶ້ນລົດກະບະ ດ້ວຍຄົນບໍ່ຮູ້ໜ້າ ຫຼັງຈາກທີ່ເຈົ້າໜ້າທີ່ຕຳຫຼວດໄດ້ຢຸດລົດ ຢູ່ໃນນະຄອນຫຼວງ ວຽງຈັນ. ຍັງບໍ່ມີໃຜໄດ້ເຫັນ ຫຼື ໄດ້ຍິນຂ່າວຄາວຂອງສົມບັດ ນັບຕັ້ງແຕ່ນັ້ນມາ.

ຄະນະຜູ້ແທນໄດ້ສະເໜີເປັນທາງການ ຕໍ່ສະພາຜູ້ແທນລາສະດອນແຫ່ງ ຊາດລາວແລະຮອງລັດຖະມົນຕີກະຊວງ ຕ່າງປະເທດຂອງສປປ ລາວ, ມະຕິຕົກ ລົງຂອງສະພາຢູໂຣບກ່ຽວກັບ ‘ ລາວ: ກໍລະນີສົມບັດສົມພອນ ‘, ທີ່ສະພາຢູໂຣບ ໄດ້ລົງມະຕິຕົກລົງກັນເປັນເອກະສັນໃນວັນ 6 ກຸມພາ 2013.

ທ່ານ Tuur Elzinga ຜູ້ແທນສະພາສູງຂອງເນດເຕີແລນດ໌ ຫົວໜ້າຄະນະ ໄດ້ກ່າວຢໍ້າວ່າ ຄະນະຜູ້ແທນມີຄວາມ ຮູ້ສຶກຢ່າງເລິກຊຶ່ງວ່າ ມັນນອນຢູ່ໃນຄວາມ ຮັບຜິດຊອບຂອງລັດຖະບານ ສປປ ລາວ ທີ່ເຮັດແນວໃດໃຫ້ສົມບັດກັບຄືນສູ່ ຄອບຄົວດ້ວຍຄວາມປອດໄພແລະດັ່ງນັ້ນ ກໍເປັນການເໝາະສົມທີ່ການກະທຳ ໃດໆຕ້ອງມີບຸລິມະສິດ.

ທ່ານ Tuur Elzinga ຍັງໄດ້ກ່າວຢໍ້າອີກວ່າ ທຸກໆວັນທີ່ຜ່ານໄປ ທີ່ປາດສະ ຈາກສົມບັດຍັງບໍ່ທັນໄດ້ກັບສູ່ຄອບຄົວຂອງ ລາວ ຄວາມດີເດັ່ນຂອງປະເທດລາວ ກໍອ່ອນລົງ.

ວັນທີ 8 ເດືອນ ມີນາ 2013 ແມ່ນມື້ ທີ 83 ທີ່ສົມບັດສົມພອນ ໄດ້ຫາຍຕົວໄປ ແລະສຳລັບຫຼາຍອົງກອນ, 100 ວັນ ເປັນເວລາທີ່ມີຄວາມ ສຳນຶກຈິດ ແລະທົບທວນຄວາມກ້າວໜ້າ. ຖ້າຫາກວ່າບໍ່ໄດ້ຜົນທາງບວກ ຈະມີ ກິຈະກັມສາກົນ ຂຶ້ນມາໃໝ່ຢ່າງບໍ່ຕ້ອງສົງໃສ ໃນເມື່ອວ່າ ມະຕິຕົກລົງຂອງສະພາ ຢູໂຣບໄດ້ຮຽກຮ້ອງເປັນທາງການ ຂໍໃຫ້ ສະຫະພາບຢູໂຣບ ເອົາເຂົ້າໃນວາຣະ ກອງປະຊຸມທີ່ຈະມາເຖິງນີ້ ຖືເປັນບຸລິມະສິດ ຢູ່ໃນກັມມາທິການສິດທິມະນຸດ ຂອງ ອົງການສະຫະປະຊາຊາດ. ປີ 2012 ເປັນປີທີ່ລາວ ເລີ້ມຄວາມຈົບຄວາມ ງາມດີເດັ່ນ ທັງຢູ່ໃນປະເທດ ແລະສາກົນ, ຮັບກອງປະຊຸມ ອາແຊມທີ 9 ແລະເຂົ້າເປັນສະມາຊິກຂອງອົງການການຄ້າໂລກ. ແຕ່ວ່າບໍ່ເປັນຈັງບຸນ ໃນປັດ ຈຸບັນນີ້ ຄວາມຈົບຄວາມງາມດີເດັ່ນນັ້ນ ຖືກຄອນແຄນ.

ທ່ານຜູ້ແທນ Tuur Elzinga ໄດ້ກ່າວວ່າ: ຖ້າເຈົ້າໜ້າທີ່ລາວຄຶດວ່າ ບັນ ຫາການຫາຍຕົວຂອງສົມບັດຖືກລືມໄປ, ພວກທ່ານຄຶດຜິດແລ້ວ! ຈະມີການສົນ ທະນາ ກ່ຽວກັບລາວ ຢູ່ໃນທຸກວາຣະປະຊຸມຄັ້ງຕຳອິດ ບໍ່ວ່າ ລະຫວ່າງປະເທດ, ສາກົນ ແລະ ນານາຊາດ ຈົນກວ່າ ສົມບັດຈະໄດ້ກັບຄືນສູ່ຄອບຄົວຂອງລາວ.

ຫຼັງຈາກຄະນະຜູ້ແທນສະພາຢູໂຣບໄດ້ເຂົ້າໄປພົບກັບບຸກຄົນສຳຄັນຂອງລາວແລະພາກສ່ວນທີ່ກ່ຽວຂ້ອງຈຳນວນໜຶ່ງ ໃນກໍລະນີທ່ານສົມບັດສົມພອນ ເມື່ອວັນທີ 6-9 ເດືອນ ມີນາ 2013 ກໍໄດ້ເຮັດລາຍງານຢ່າງລະອຽດສົມຄວນ ດັ່ງມີເນື້ອໃນຢູ່ນີ້

ຂໍ້ມູນພຶ້ນຖານ:

ຄະນະຜູ້ແທນໄດ້ພົບກັບ:

ຜູ້ຕາງໜ້າລັດຖະບານສປປ ລາວ, ຮອງລັດຖະມົນຕີຕ່າງ ປະເທດ ທ່ານອາລຸນແກ້ວ ກິດທິຄຸນ
ຮອງປະທານສະພາຜູ້ແທນລາສະດອນສປປ ລາວ, ທ່ານສົມພັນ ແພງຄຳມີ ແລະສະມາຊິກສະພາຜູ້ແທນ ລາສະດອນທີ່ລວມມີ ທ່ານອ່ອນສີ ແສນສຸກ ຮອງປະທານກັມມະການຄວາມສະຫງົບ ແລະປ້ອງກັນຊາດ; ທ່ານກີສິນ ສິງພັນງາມ ຮອງປະທານ ກັມມະການກົດໝາຍ; ແລະທ່ານຄົງສີ ສີແສງເດືອນ ຮອງເລຂາ ທິການປະຈຳການ
ຜູ້ວ່າຫ້ອງການທັງເປັນຫົວໜ້າຂອງທູດຢູໂຣບປະຈຳລາວແລະ ເອກອັຄະລັດຖະທູດຂອງປະເທດທີ່ເປັນ ສະມາຊິກຂອງສະຫະ
ພາບຢູໂຣບ ຢູ່ລາວ
ຜູ້ຕາງຂອງອົງກອນການພັດທະນາ ຂອງລາວ
ຜູ້ຕາງໜ້າຂອງອົງກອນນານາຊາດທີ່ບໍ່ຂື້ນກັບລັດຖະບານຢູ່ລາວ

ຂໍ້ມູນສຳລັບການຂ່າວ:

Tuur Elzinga ຜູ້ແທນສະພາສູງ (ພັກສັງຄົມນິຍົມ) ຂອງສະພາເນເທີແລນດ໌ ແລະເປັນສະມາຊິກຂອງ ກັມມາທິການສະພາຢູໂຣບ.

Tuur Elzinga ຕິດຕາມດ້ວຍ Andy Rutherford ຜູ້ຕາງໜ້າຂອງ ກັມມະການສາກົນ ທີ່ຕຽມເວທີສາກົນຂອງ ປະຊາຊົນ ອາຊີ-ເອີໂຣບ. ກັມມະ ການໄດ້ເຮັດວຽກຢ່າງໃກ້ສິດກັບ ສົມບັດ ລະຫວ່າງ ວັນທີ 16 ຫາວັນທີ 19 ຕຸລາ 2012 ຢູ່ນະຄອນຫຼວງວຽງຈັນ ຫຼາຍອາທິດກ່ອນປະຊຸມ ອາແຊມທີ 9.

February 19, 2013December 26, 2015

ສະຫະຣັດອາເມຣິກາ ກົດດັນ ລາວ ກ່ຽວກັບການຫາຍຕົວໄປ ຂອງນັກເຄື່ອນໄຫວ

ຂ່າວເອແອຟປີ (Agence France Press = AFP) 19 ກຸມພາ 2013

ຕົວແທນສະຫະຣັດກ່ຽວກັບສິດທິ ໃນວັນຈັນ (18.2.2013) ໄດ້ຂໍຮ້ອງ ມາຍັງປະເທດລາວ ເພື່ອຊາບ ຂ່າວຕື່ມຂອງການຫາຍຕົວໄປ ໄດ້ 2 ເດືອນ ຂອງນັກເຄື່ອນໄຫວທີ່ມີຊື່ສຽງ, ໄດ້ເວົ້າວ່າ ເຫດການນີ້ໄດ້ມີ “ຜົນສະທ້ອນຊຶ່ງເຮັດໃຫ້ໝົດກຳລັງໃຈ” ຕໍ່ກຸ່ມທີ່ເຮັດວຽກ ກັບມວນຊົນ.

ສົມບັດສົມພອນ, ອາຍຸ 62 ປີ ຜູ້ກໍ່ຕັ້ງອົງກອນທີ່ບໍ່ສັງກັດ ລັດຖະບານ ຊຶ່ງເຜີຍແຜ່ ການພັດທະນາ ແບບຍືນຍົງ ໄດ້ຫາຍຕົວໄປຢູ່ນະຄອນວຽງຈັນ ເວລາຂັບລົດກັບບ້ານພັກ ໃນວັນທີ 15 ທັນວາ (2012) ແລ້ວນີ້.

ຮູບໃນກ້ອງຖ່າຍຮູບຄົບວົງຈອນ ເຫັນໄດ້ວ່າ ສົມບັດສົມພອນຖືກນຳ ຕົວໄປຈາກສະຖານີ ຕຳຫຼວດໂດຍ ຄົນ 2 ຄົນ ທີ່ບໍ່ຮູ້ໜ້າ.

“ເປັນການເຫຼືອເຊື່ອເຮັດໃຫ້ອ່ອນກຳລັງໃຈ ທີ່ການສືບສວນບໍ່ໄປບໍ່ມາ”. ທ່ານດານນິແອນ ແບຣ໌ ຮອງຜູ້ຊ່ວຍລັດຖະມົນຕີຕ່າງປະເທດຂອງ ສະຫະຣັດອາເມຣິກາ, ພະແນກ ປະຊາທິປະໄຕ, ສິດທິມະນຸສະຍະທັມ, ແລະແຮງງານ, ໄດ້ບອກ ເອແອຟປີ ທາງໂທລະສັບ ຈາກວຽງຈັນ ຫຼັງຈາກທີ່ທ່ານ ໄດ້ມີການໂອ້ລົມກັບ ຮອງລັດຖະມົນຕີ ຕ່າງປະເທດ ຂອງລາວ.

“ຂ້ອຍແນ່ໃຈວ່າ ພວກເພິ່ນກຳລັງມີການສືບສ່າວຫາ – ແມ່ນເທົ່າທີ່ ຮອງລັດຖະມົນຕີ ໄດ້ບອກກັບຂ້ອຍ – ແຕ່ວ່າ ຂ້ອຍເຂົ້າໃຈວ່າ ເພິ່ນ (ຮອງລັດຖະມົນຕີລາວ) ເຂົ້າໃຈວ່າ ຖ້າ ບໍ່ໄດ້ຮັບຂໍ້ມູນເພີ້ມເຕີ່ມ ກໍຊ່ອຍ ຫຍັງບໍ່ໄດ້”. ທ່ານແບຣ໌ໄດ້ເວົ້າ ທັງສະແດງຄວາມເສັຽຫວັງ ທີ່ທ່ານ ບໍ່ ໄດ້ພົບ ກັບເຈົ້າໜ້າທີ່ ຂອງກະຊວງຮັກສາຄວາມສະຫງົບ ຈັກຄົນ.

ເຈົ້າໜ້າທີ່ລາວ ໄດ້ໃຫ້ຄຳເຫັນກ່ອນແລ້ວວ່າ ສົມບັດອາດຖືກນຳຕົວໄປ ຍ້ອນການຜິດ ຖຽງກັນສ່ວນຕົວ ແຕ່ກໍຍັງເວົ້າວ່າ ບໍ່ມີຂໍ້ມູນກ່ຽວກັບ ສົມບັດສົມພອນ ຢູ່ແຫ່ງໃດໝົດ.

ຜູ້ເຜີຍແຜ່ (ການພັດທະນາແບບຍືນຍົງ) ໄດ້ຮັບຫຼຽນຣາມົງມາກໄຊໄຊ ໃນປີ 2005 ຍ້ອນການນຳພາ ຊຸມຊົນ, ວຽກງານກ່ຽວກັບການຫຼຸດຜ່ອນ ຄວາມຍາກຈົນແລະ ການພັດທະນາແບບຍື່ນຍົງຢູ່ໃນປະເທດ ທີ່ຍາກຈົນຫຼາຍກວ່າໝູ່ ໃນອາຊີອັກຄະເນ.

ລັດຄອມມູນິດທີ່ມີຄວາມປິດລັບ ມີພັກດຽວ – ຄວບຄຸມສື່ມວນຊົນທັງ ໝົດ ແລະບໍ່ມີ ການຜ່ອນສັ້ນຜ່ອນ ຍາວການຕິຕຽນ – ໃນຫຼາຍປີບໍ່ດົນ ມານີ້ ໄດ້ອະນຸຍາດໃຫ້ອົງກອນ ປະຊາຊົນພາຍໃນປະເທດ ໄດ້ມີການ ເຄື່ອນໄຫວ.

ແຕ່ວ່າ ການຫາຍຕົວໄປຂອງສົມບັດສົມພອນ ໄດ້ສົ່ງຄວາມກົງວົນໃຈໃນເຄືອຂ່າຍຂອງ ສົມບັດ.
ທ່ານແບຣ໌ໄດ້ເວົ້າວ່າ “ແນ່ນອນທີ່ມີຜົນສະທ້ອນຍ້ອນການເມີນເສີຍ”.

“ຕາບໃດວ່າ ເຫດການຍັງບໍ່ມີການແກ້ໄຂ ແລະສົມບັດຍັງບໍ່ທັນໄດ້ກັບ ມາສູ່ພັນລະຍາ ຂອງລາວ, ຊຸມຊົນທົ່ວໂລກ, ຜູ້ຄົນຢູ່ທີ່ນີ້ທີ່ຮູ້ຈັກມັກແກ່ນ ຮັກແພງສົມບັດ ກໍຄົງຍັງຈະສືບຕໍ່ ທວງຖາມຫາ” ທ່ານແບຣ໌ໄດ້ເວົ້າຕື່ມ.

February 8, 2013July 29, 2015

ສະພາຢູໂຣບໄດ້ພິຈາລະນາ ອະພິປາຍ ກໍລະນີທ່ານສົມບັດສົມພອນ

ໃນວັນທີ 7 ກຸມພາ 2013 ສະພາຢູໂຣບ ໄດ້ພິຈາລະນາອະພິປາຍກໍລະນີ ທ່ານສົມບັດສົມພອນ ທີ່ມີການລະເມີດສິດທິ ມະນຸສະຍະທັມປະຊາທິປະໄຕແລະການປະຕິບັດກົດໝາຍ.

ສະພາໄດ້ອອກຂໍ້ຕົກລົງເຫັນດີດັ່ງລຸ່ມນີ້:

ກ- ດ້ວຍເຫດວ່າ ສົມບັດສົມພອນ, ຜູ້ມີຊື່ສຽງດ້ານການພັດທະນາສັງຄົມ ແລະການສຶກສາໃຫ້ ຊາວໜຸ່ມ ໄດ້ຫາຍຕົວໄປ ໃນວັນທີ 15 ທັນວາ 2012 ໃນນະຄອນຫຼວງວຽງຈັນ; ດ້ວຍເຫດທີ່ ກ້ອງຖ່າຍຮູບຄົບວົງຈອນທີ່ທາງຄອບຄົວ ຂອງສົມບັດສົມພອນໄດ້ມາ ສະແດງໃຫ້ເຫັນວ່າ ສົມບັດສົມພອນໄດ້ເຫັນເປັນ ຄັ້ງສຸດທ້າຍ ຢູ່ກັບຕຳຫຼວດທ້ອງຖິ່ນຢູ່ສະຖານີຕຳຫຼວດ ທາງໄປ ທ່າເດື່ອ ປະມານ 6 ໂມງ ແລງ ໃນວັນ ທີ່ສົມບັດສົມພອນຫາຍຕົວໄປ ແລະມີຄົນນອກເຄື່ອງແບບ ພາຂັບລົດຂີ່ໜີໄປ;

ຂ- ດ້ວຍເຫດວ່າ ຖະແຫຼງການຂອງລັດຖະບານລົງວັນທີ 19 ທັນວາ 2012 ຮັບຮູ້ເຫດການ ທີ່ໄດ້ ບັນທຶກຢູ່ໃນກ້ອງຖ່າຍ ເພື່ອຮັກສາຄວາມສະຫງົບ, ໃນນັ້ນ ເຈົ້າໜ້າທີ່ ໄດ້ອອກໂຕວ່າ ສົມບັດ ສົມພອນ ຖືກພາຕົວໄປຮຽກຄ່າໄຖ່ ຍ້ອນມີ ການຜິດຖຽງກັນສ່ວນຕົວ ຫຼື ທາງທຸລະກິດ;

ຄ- ດ້ວຍເຫດວ່າ ອົງການສະຫະປະຊາຊາດ ແລະ 65 ອົງການສິດທິມະນຸດ ສະຍະທັມສາກົນ ໄດ້ສະແດງຄວາມຢ້ານກົວວ່າ ສົມບັດສົມພອນ ອາດຈະຖືກ ບັງຄັບຫາຍຕົວໄປ, ອາດຍ້ອນ ວຽກງານທີ່ລາວເຮັດ, ແລະສະແດງຄວາມກັງວົນ ຢ່າງເລິກຊຶ່ງກ່ຽວກັບຄວາມປອດໄພແລະການ ບໍ່ມີການຄືບໜ້າແລະຂ່າວການສືບສ່າວຫາ ຕາມຄວາມເປັນຈິງ ຂອງເຈົ້າໜ້າທີ່ລາວ ໃນການຫາຍຕົວໄປຂອງ ສົມບັດສົມພອນ;

ງ- ດ້ວຍເຫດວ່າ ຄອບຄົວຂອງສົມບັດສົມພອນ ຍັງຊອກຫາລາວບໍ່ທັນພົບຕັ້ງ ແຕ່ມື້ທີ່ໄດ້ໄປ ພົບເຈົ້າໜ້າທ້ອງຖິ່ນຫຼາຍຄັ້ງ ແລະການຊອກຄົ້ນຫາຢູ່ໃນເຂດ ອ້ອມແອ້ມ;

ຈ- ດ້ວຍເຫດວ່າ ສົມບັດສົມພອນ ເປັນຄົນທີ່ມີຄວາມນິຍົມຢ່າງກວ້າງຂວາງ ແລະມີຊື່ສຽງ ຍ້ອນ ວຽກງານການພັດທະນາແບບຍືນຍົງ ແລະທ່ຽງທັມ ໂດຍ ສະເພາະການກໍ່ຕັ້ງອົງການໃນປີ 1996 ອົງກອນ ປາເດດ ສູນອົບຮົມເພື່ອການ ພັດທະນາແບບມີສ່ວນຮ່ວມ ແລະທ່ານກໍໄດ້ຮັບ ຫຼຽນຣາມົງ ມາກໄຊໄຊ ໃນປີ 2005 ຍ້ອນການນຳພາຊຸມຊົນ;

ສ- ດ້ວຍເຫດວ່າ ໃນເດືອນ ຕຸລາ 2012 ສົມບັດສົມພອນ ຊຶ່ງມີສ່ວນຢູ່ ໃນຄະນະກັມມະການແຫ່ງ ຊາດລາວ ຈັດຕັ້ງກອງປະຊຸມ ອາຊີ-ເອີໂຣບ ຄັ້ງທີ 9 ຂອງ ເວທີ ປະຊາຊົນ ຕໍ່ ປະຊາຊົນ ຢູ່ວຽງຈັນ ກ່ອນ ປະຊຸມ ອາແຊມ ທີ 9, ແລະ ກໍເປັນຜູ້ໜຶ່ງທີ່ສຳຄັນເຊິ່ງໄດ້ອອກຄຳຄິດຄຳເຫັນ;

ຊ- ດ້ວຍເຫດວ່າ ຄະນະຜູ້ແທນ ອາຊຽນ ໄດ້ໄປຢ້ຽມຢາມລາວ ວັນທີ 14 ເຖິງ ວັນທີ 18 ເດືອນ ມົກກະຣາ 2013 ເພື່ອສືບສ່າວຫາ ສົມບັດສົມພອນ;

ຍ- ດ້ວຍເຫດວ່າ ທີ່ມີການລະເມີດສິດເສລິພາບພື້ນຖານ, ໂດຍສະເພາະ ສິດ ເສລິພາບ ຂອງສື່ສານມວນຊົນ, ສາສະໜາ, ການໂຮມຊຸມນຸມ, ວິຊາການ ແລະສິດເສລິພາບຂອງ ຊົນເຜົ່າຢູ່ລາວ;

ສະແດງຄວາມຫ່ວງໃຍອັນເລິກຊຶ່ງ ຕໍ່ການຫາຍຕົວໄປ, ຕໍ່ຄວາມປອດໄພ ແລະສະພາບການ ເປັນຢູ່ຂອງ ສົມບັດສົມພອນ;
ມີຄວາມເປັນຫ່ວງໃຍກ່ຽວກັບ ການຊັກຊ້າ ແລະການຂາດຄວາມປົ່ງໃສ ໃນການສຶບສວນ, ໃນການຫາຍຕົວໄປຂອງສົມບັດສົມພອນ; ຮຽກຮ້ອງ ໃຫ້ເຈົ້າ ໜ້າທີ່ລາວໄດ້ສືບສວນຢ່າງ ຮີບດ່ວນ, ປົ່ງໃສ ແລະ ຄົບຖ້ວນ, ອີງໃສ່ໜ້າທີ່ ຢູ່ ໃນກົດໝາຍສາກົນຂອງສິດທິມະນຸດ ສະຍະທັມ, ແລະເພື່ອຮັບປະກັນໃຫ້ສົມບັດ ສົມພອນໄດ້ກັບຄືນສູ່ຄອບຄົວຂອງລາວດ້ວຍ ຄວາມປອດໄພ;
ຮຽກຮ້ອງໃຫ້ HR/VP ຕິດຕາມຢ່າງໃກ້ຊິດ ໃນການສືບສວນຂອງ ລັດຖະບານລາວ ກ່ຽວກັບ ການຫາຍຕົວໄປຂອງ ສົມບັດສົມພອນ;
ຮ້ອງຂໍໃຫ້ເຈົ້າໜ້າທີ່ລາວໄດ້ ຢືນຢັນຢ່າງເປີດເຜີຍ ຄວາມຖືກຕ້ອງຕາມ ກົດໝາຍແລະ ຄວາມສຳຄັນ ຂອງການພັດທະນາແບບຍືນຍົງ ແລະຄວາມຍຸຕິທັມ ຂອງສັງຄົມ ເພື່ອສະກັດກັ້ນ ບໍ່ໃຫ້ມີ ການຢ້ານກົວເນື່ອງຈາກ ການຫາຍຕົວໄປ ເຊັ່ນກໍລະນີຂອງ ສົມບັດສົມພອນ;
ມີຄວາມຍິນດີໃນການຢ້ຽມຢາມລາວຂອງຄະນະຜູ້ແທນອາຊຽນ ໃນເດືອນ ມົກກະຣາ 2013 ເພື່ອເກັບກຳຂ່າວກ່ຽວກັບສົມບັດສົມພອນ ແລະ ຮຽກຮ້ອງ ມາຍັງ ກັມມະການສິດທິມະນຸດ ສະຍະທັມຂອງ ອາຊຽນ ໄດ້ຕັ້ງກັມມະການສອບ ສວນສືບສວນເຫດການ ໃນການຫາຍ ຕົວໄປດ້ວຍການບັງຄັບ ສົມບັດສົມພອນ;
ຮຽກຮ້ອງໃຫ້ ສະຫະພັນຢູໂຣບຈັດບັນຫາລາວ ເຂົ້າລາຍການ ເປັນບຸລິມະ ສິດ ໃນວາລະ ປະຊຸມ ຄັ້ງທີ 22 ຂອງກອງປະຊຸມສະພາ ຂອງອົງການສະຫະ ປະຊາຊາດກ່ຽວກັບ ສິດທິສະນຸດສະຍະທັມ;
ເນັ້ນໜັກໃຫ້ເຈົ້າໜ້າທີ່ລາວ ຕ້ອງເຮັດທຸກສິ່ງທຸກຢ່າງ ເພື່ອຢຸດຕິການຈັບ ກຸມຕາມລຳພັງ ແລະການຈັບກຸມຢ່າງລຶກລັບ; ຮຽກຮ້ອງໃຫ້ເຈົ້າໜ້າທີ່ລາວ ຖືວ່າ ການຫາຍຕົວໄປດ້ວຍ ການບັງຄັບນັ້ນເປັນການກະທຳຜິດກົດໝາຍອາດຊະຍະກັມແລະໃຫ້ (ເຈົ້າໜ້າທີ່ລາວ) ສັດຕະຍາບັນສັນຍາສາກົນ ກ່ຽວກັບການປ້ອງກັນ ທຸກໆຄົນ ຈາກການຫາຍຕົວໄປດ້ວຍ ການບັງຄັບ; ເນັ້ນໜັກວ່າ ການຫາຍຕົວ ໄປ ດ້ວຍການບັງຄັບ ແມ່ນການລະເມີດສິດທິ ມະນຸດສະຍະທັມຂັ້ນພື້ນຖານ ແລະລະເມີດການມີອິດສະຣະພາບຢ່າງຈະແຈ້ງ;
ຮຽກຮ້ອງໃຫ້ລັດຖະບານລາວ ນັບຖືສິດທິ ໃນການອອກຄຳຄິດຄຳເຫັນ ແລະ ມີສະມາຄົມ, ສິດຂອງບັນດາຊົນເຜົ່າ ແລະປ້ອງກັນສິດທິ ມີອິດສະຣະ ພາບ ທາງສາສນາ ຫຼືວ່າ ການເຊື່ອຖື, ຢຸດຕິການຫ້າມ ການໃຊ້ສິດທິດັ່ງກ່າວ ດັ່ງການຕວດສອບແບບເປັນລະຍະ ຂອງອົງການສະຫະປະຊາຊາດ ໃນວັນທີ 21 ກັນຍາ 2010 ໄດ້ໃຫ້ການແນະນຳ;
ມີຄຳສັ່ງໃຫ້ ປະທານ (ສະພາຢູໂຣບ) ສົ່ງມະຕິຕົກລົງໄປໃຫ້: ຄະນະກັມ ມະທິການ, ກັມມະການ, ຮອງປະທານກັມມະການ/ທ່ານຜູ້ຕາງໜ້າສະຫະພັນ ດ້ານກິຈະການ ຕ່າງປະເທດ ແລະ ນະໂຍບາຍຄວາມປອດໄພ, ບັນດາລັດຖະ ບານແລະສະພາຂອງ ປະເທດສາມະຊິກ, ກອງເລຂາອາຊຽນ, ອົງການສິດທິ ມະນຸສະຍະທັມຂອງອົງການ ສະຫະປະຊາຊາດ, ເລຂາທິການໃຫຍ່ຂອງອົງການ ສະຫະປະຊາຊາດ, ລັດຖະບານລາວ ແລະສະພາຜູ້ແທນລາສະດອນລາວ.

February 5, 2013December 29, 2015

ການຮຽກຮ້ອງດ່ວນຂອງສະມາຊິກສະພາທົ່ວທັງອາຊີ ແລະ ເອີຣົບ ຂອງທ່ານສົມບັດສົມພອນ

ການຮຽກຮ້ອງດ່ວນຂອງສະມາຊິກສະພາທົ່ວທັງອາຊີ ແລະ ເອີຣົບ ຂອງທ່ານສົມບັດສົມພອນ
ວັນທີ 5 ເດືອນ ກຸມພາ 2013

ຮຽນ ພະນະທ່ານທອງສິງ ທັມມະວົງ
ນາຍົກລັດຖະມົນຕີ
ສາທາລະນະລັດປະຊາທິປະໄຕປະຊາຊົນລາວ

ພະນະທ່ານທີ່ນັບຖື,

ເລື່ອງ: ການຮ້ອງຂໍໃຫ້ມີການສືບສວນດ່ວນ ກ່ຽວກັບ ການຫາຍຕົວໄປຂອງ ທ່ານສົມບັດສົມພອນ

ພວກເຮົາ, ສະມາຊິກສະພາຂອງປະເທດ ທົ່ວຂົງເຂດອາຊີ ແລະ ເອີຣົບ ຂຽນຈົດໝາຍມາຍັງທ່ານ ເພື່ອ ສະແດງຄວາມຫ່ວງໃຍຢ່າງຍິ່ງ ກ່ຽວກັບຄວາມປອດໄພ ແລະການເປັນຢູ່ຂອງທ່ານສົມບັດສົມພອນ ທີ່ເປັນຄົນລາວສຳຄັນຜູ້ໜຶ່ງທີ່ໄດ້ຮ່ວມຈັດຕຽມ ເວທີປະຊາຊົນ ຄັ້ງທີ 9 ຂອງອາຊີ-ເອີຣົບ; ທ່ານສົມບັດ ເປັນຜູ້ກໍ່ຕັ້ງ ປາເດກ (ສູນພັດທະນາ ຊຸມຊົນແບບມີສ່ວນຮ່ວມ) ແລະເປັນຜູ້ໜຶ່ງທີ່ໜ້ານັບຖື ແລະມີຊື່ສຽງ ທາງດ້ານການປາກເວົ້າ ໃນການພັດທະນາເສດຖະກິດ ແລະສັງຄົມ ຢູ່ລາວກໍຄືຢູ່ອາຊີ ແບບຍືນຍົງ ດ້ວຍການເນັ້ນໜັກໃສ່ປະຊາຊົນ.

ທ່ານສົມບັດສົມພອນ ໄດ້ຫາຍຕົວໄປຕັ້ງແຕ່ແລງວັນເສົາ ເດືອນທັນວາ 2012 ປະມານ 5 ໂມງ ແລງ. ພັນລະຍາຂອງທ່ານສົມບັດ ແລະ ເພື່ອນຮ່ວມງານ ໄດ້ເຫັນທ່ານສົມບັດເທື່ອສຸດທ້າຍ ໃນເວລາທີ່ທ່ານໄດ້ ອອກຈາກຫ້ອງການ ປາເດກ ຢູ່ວຽງຈັນເພື່ອກັບໄປບ້ານ. ທ່ານສົມບັດ ຂັບລົດສ່ວນຕົວອອກຈາກ ຫ້ອງການ, ພັນລະຍາຂອງທ່ານ ກໍຂັບລົດ ເມືອຕ່າງຫາກ. ທ່ານສົມບັດບໍ່ໄດ້ໄປຮອດບ້ານ ແລະ ຄອບຄົວຂອງ ລາວ ກໍບໍ່ໄດ້ຮັບຂ່າວຫຍັງໝົດ ຫຼື ຂ່າວຂອງການຫາຍຕົວຂອງລາວ ນັບຕັ້ງແຕ່ນັ້ນມາ.

ພວກເຮົາມີຄວາມຫ່ວງໃຍກ່ຽວກັບຄວາມປອດໄພ, ສຸຂະພາບ ແລະ ສະພາບການເປັນຢູ່ຂອງສົມບັດ ສົມພອນ.

ພວກເຮົາຮູ້ວ່າ ກັມມະການສາກົນເພື່ອຈັດຕຽມ ເວທີປະຊາຊົນ ອາຊີ-ເອີຣົບ ໄດ້ເຮັດວຽກຢ່າງເອົາຈິງ ເອົາຈັງ ກັບສົມບັດສົມພອນ ໃນລະ ຍະປີຜ່ານມາ. ການປະກອບສ່ວນຂອງສົມບັດສົມພອນ ດ້ວຍຜົນ ສຳເລັດຂອງ ເວທີປະຊາຊົນ ອາຊີ-ເອຣົບ ຄັ້ງທີ 9 ຢູ່ວຽງຈັນ ໃນວັນທີ 16-19 ຕຸລາ ມີຄວາມໝາຍ ສຳຄັນທີ່ສຸດ ຖືກຮັບຮູ້ຢ່າງ ກວ້າງຂວາງ ແລະມີການນັບຖືຢ່າງເລິກຊຶ່ງ. ນອກນີ້ ສົມບັດສົມພອນ ເປັນອາຈານ ທີ່ໜ້ານັບຖືຢ່າງສູງ, ເປັນຕົວຢ່າງໃນວຽກງານການພັດ ທະນາແບບຍືນຍົງ ແລະເປັນຜູ້ ໄດ້ຮັບຫຼຽນມາກໄຊໄຊທີ່ມີຊື່ສຽງ ໃນ ສາກົນ ໃນປີ 2005 ເນື່ອງດ້ວຍການນຳພາຊຸມຊົນ. ສົມບັດໄດ້ ອຸທິດຕົນເພື່ອ ການພັດທະນາແບບຍືນຍົງ ແລະການຫຼຸດຜ່ອນຄວາມ ຍາກຈົນໃນ ສປປລາວ, ແລະທ່ານສົມບັດຍັງໄດ້ປະກອບສ່ວນໃນທາງ ບວກຫຼາຍໆຄັ້ງ ຢູ່ເວທີສາກົນ ລວມທັງ ເວທີປະຊາຊົນ ອາຊີ-ເອີຣົບ ຄັ້ງທີ 9. ສົມບັດໄດ້ ເປັນຕົວຢ່າງ ໃນການປະຕິບັດຕົວຈິງ ໃຫ້ນັກ ພັດທະນາທົ່ວໂລກ.

ພວກເຮົາມີຄວາມຫ່ວງໃຍອັນເລິກຊຶ່ງໃນຄວາມປອດໄພ ແລະສະພາບການເປັນຢູ່ຂອງສົມບັດ; ການຫາຍຕົວໄປຂອງສົມບັດ ເປັນເຫດໃຫ້ມີ ຄວາມແຕກຕື່ນຢ່າງຍິ່ງ.

ພວກເຮົາຮຽກຮ້ອງ ໃຫ້ລັດຖະບານລາວຕ້ອງເລີ້ມ ການສືບສວນ ສອບສວນທັນທີ ແລະຮີບດ່ວນໃນການ ຫາຍຕົວໄປຂອງສົມບັດສົມພອນ. ແລະ, ພວກເຮົາຂໍຮ້ອງໃຫ້ລັດຖະບານຈົ່ງກະທຳທຸກສິ່ງທຸກ ຢ່າງ ທີ່ຈຳ ເປັນເພື່ອເຮັດແນວໃດໃຫ້ທ່ານສົມບັດສົມພອນ ກັບຄືນສູ່ຄອບຄົວຂອງລາວ ດ້ວຍຄວາມປອດໄພ.

ດ້ວຍຄວາມນັບຖື

ລົງລາຍເຊັນ

Continue reading “ການຮຽກຮ້ອງດ່ວນຂອງສະມາຊິກສະພາທົ່ວທັງອາຊີ ແລະ ເອີຣົບ ຂອງທ່ານສົມບັດສົມພອນ”

February 5, 2013December 29, 2015

ຄົນອົດສະຕຣາລີ ຂໍຮ້ອງ ບົບຄາຣ໌ ໃຫ້ຊ່ວຍ

ຮຽນພະນະທ່ານ ບົບຄາຣ໌, ຜູ້ແທນສະພາສູງ
ລັດຖະມົນຕີກະຊວງການຕ່າງປະເທດ

Level 10, Bligh House
4 – 6 Bligh Street, Sydney NSW 2000

Fax 02 9228 3655

ວັນຈັນ ວັນທີ 4 ກຸມພາ 2013

ພະນະທ່ານ,

ພວກຂ້າພະເຈົ້າ (ຜູ້ມີລາຍເຊັນຢູ່ລຸ່ມນີ້) ສົ່ງຈົດໝາຍມາຍັງທ່ານເພື່ອສະແດງ ຄວາມ ຫ່ວງໃຍຢ່າງເລິກ ເຊິ່ງ ໃນການຫາຍສາບສູນຂອງທ່ານສົມບັດສົມພອນ ນັກພັດທະນາການທີ່ ໜ້ານັບຖືຂອງລາວ.

ທ່ານສົມບັດເປັນອະດີດຜູ້ກໍ່ຕັ້ງທັງເປັນຫົວໜ້າຂອງສູນອົມຮົມການພັດທະນາທີ່ມີສ່ວນຮ່ວມ, ເປັນຜູ້ທີ່ ໄດ້ຮັບຫຼຽນຕາຄຳຊອບ ມາກໄຊໄຊ, ເປັນຄົນ ທີ່ເຮັດວຽກບໍ່ຮູ້ອິດບໍ່ຮູ້ເມື່ອຍ ເພື່ອການພັດທະນາຍືນຍົງ ແລະເພື່ອເຮັດໃຫ້ຊີວິດການເປັນຢູ່ ຂອງປະຊາຊົນ ຊົນນະບົດ ຂອງລາວໃຫ້ດີຂຶ້ນ.

ເມື່ອແລງວັນທີ 15 ຂອງເດືອນທັນວາ 2012 ຢູ່ນະຄອນຫຼວງວຽງຈັນ ທ່ານ ສົມບັດແລະພັນລະຍາ ໄດ້ກັບ ບ້ານພັກຂອງຕົນ ແຕ່ຂີ່ລົດຄົນລະຄັນ. ກ້ອງຖ່າຍຮູບຄົບວົງ ຈອນຂອງເຈົ້າໜ້າທີ່ຕຳຫລວດລາວ ໄດ້ ສະແດງໃຫ້ເຫັນວ່າ ທ່ານສົມບັດໄດ້ຢຸດ ແລະຈອດລົດ ຂອງລາວຢູ່ປ້ອມຕຳຫລວດ. ກ້ອງຖ່າຍຮູບຍັງ ເຮັດໃຫ້ ເຫັນວ່າ ລົດຈິບຂອງລາວ ຍັງມີຄົນຂັບ ໜີອີກ. ຕໍ່ມາ ສົມບັດກໍຖືກນຳຕົວຂຶ້ນລົດກະບະ ກັບ ສອງຄົນແລະກໍຂັບລົດນັ້ນໜີໄປ.

ນັບຕັ້ງແຕ່ນັ້ນມາ ຄອບຄົວຂອງທ່ານສົມບັດຍັງບໍ່ໄດ້ຮັບຂ່າວຄາວຫຍັງ.

ຂ່າວອັນດຽວ ທີ່ເປັນທາງການຂອງລັດຖະບານລາວກ່ຽວກັບບັນຫານີ້ ແມ່ນ ການປະຕິເສດ ວ່າ ທ່ານສົມບັດ ບໍ່ໄດ້ຖືກຕຳຫລວດກັກໄວ້ ແລະບໍ່ຮູ້ວ່າ ທ່ານສົມບັດຢູ່ບ່ອນໃດ, ແລະກໍຂ່າວວ່າ ອາດຈະ ເປັນເປົ້າໝາຍຂອງການຄຸມຕົວໄປປະກັນ. Continue reading “ຄົນອົດສະຕຣາລີ ຂໍຮ້ອງ ບົບຄາຣ໌ ໃຫ້ຊ່ວຍ”

February 5, 2013August 2, 2017

ຈົດຫມາຍທີ່ສາມຈາກພັນລະຍາຂອງສົມບັດ

ສາທາລະນະລັດປະຊາທິປະໄຕປະຊາຊົນລາວ
ສັນຕິພາບ ເອກະລາດປະຊາທິປະໄຕ ເອກະພາບວັດທະນະຖາວອນ

——-===000===——-

ຄຳຮ້ອງທຸກ

ຮຽນ: ບັນດາທ່ານທີນັບຖື

ເລື່ອງ: ຂໍຄວາມຊ່ວຍເຫຼືອຕິດຕາມການດຳເນີນການສືບຂ່າວຊອກຫາຄົນຫາຍຂອງ ເຈົ້າໜ້າທີ່

ຂ້າພະເຈົ້າ ນາງ ອຶງ ຊຸຍມິງ, ປະຈຸບັນຢູ່ບ້ານ ໂຄກນິນ, ເມືອງ ສີສັດຕະນາກ ນະຄອນຫຼວງ ວຽງຈັນ. ມີຈຸດປະສົງ ຂໍຮ້ອງທຸກມາຍັງທ່ານ ແລະນີ້ກໍເປັນຄຳຮ້ອງທຸກສະບັບທີສາມທີ່ຂ້າພະເຈົ້າໄດ້ຂຽນຂຶ້ນໃນເລື່ອງ: ການຂໍຄວາມຊ່ວຍເຫຼືອຕິດຕາມການດຳເນີນການສືບຂ່າວຊອກຫາການຫາຍຕົວຂອງສາມີ ຊື່ ທ້າວ ສົມບັດ ສົມພອນ, ອາຍຸ 60 ປີ, ທີ່ໄດ້ຫາຍຕົວໄປໃນວັນທີ 15 ທັນວາ 2012.

ມື້ນີ້ເປັນມື້ທີ່ 45ຫລັງຈາກສາມີຂອງຂ້າພະເຈົ້າໄດ້ຫາຍຕົວໄປ ແລະ ຂ້າພະເຈົ້າເຮັດທຸກຢ່າງທີ່ເປັນການຮ່ວມມືກັບເຈົ້າໜ້າທີ່ຕຳຫລວດໃນການໃຫ້ຂໍ້ມູນເພື່ອຊ່ວຍໃນການສືບຫາຕົວສາມີຂອງຂ້າພະເຈົ້າ ໃຫ້ໄວເທົ່າທີ່ຈະໄວໄດ້. ຂ້າພະເຈົ້າເອງກໍໄດ້ພົບກັບທ່ານຮອງປະທານສະພາແຫ່ງຊາດ ແລະພະນັກງານຂອງສະພາເອງເພື່ອຍື່ນຄຳຮ້ອງທຸກຕໍ່ສະພາແຫ່ງຊາດໃນນາມຂອງປະຊາຊົນເພື່ອຜັກດັນການສືບຫາໃຫ້ໄວຂຶ້ນ. ແຕ່ເຖີງຢ່າງໃດກໍ່ດີທຸກຂໍ້ມູນ ແລະທຸກຂະບວນການທີ່ຂ້າພະເຈົ້າໄດ້ເຮັດລົງໄປນັ້ນກໍບໍ່ໄດ້ຮັບຄວາມຄືບໜ້າຫຍັງທັງໝົດກ່ຽວກັບການສືບຂ່າວ, ນອກຈາກຖະແຫລງການທີ່ເຈົ້າໜ້າທີ່ໄດ້ບອກທາງສື່ມວນຊົນວ່າ ”ປະຈຸບັນເຈົ້າໜ້າທີ່ກໍາລັງທໍາການສືບຫາ”

ຍັງມີອີກບາງປະເດັນດັ່ງລຸ່ມນີ້ທີ່ຂ້າພະເຈົ້າຍັງບໍ່ທັນໄດ້ຮັບຄຳຕອບທີ່ຊັດເຈນຄື:

ເຈົ້າໜ້າທີສືບສວນໄດ້ສອບຖາມຫຍັງແດ່ຕໍ່ກັບຕຳຫລວດທີ່ໄດ້ຢຸດລົດຂອງສາມີຂ້າພະເຈົ້າ ໃນຕອນແລງຂອງວັນທີ 15 ທັນວາ 2012? ເຈົ້າໜ້າທີ່ໄດ້ຖາມບໍ່ວ່າ ເກີດຫຍັງຂຶ້ນໃນມື້ນັ້ນ ແລະ ພວກເຂົາໄດ້ເຫັນ ແລະໄດ້ຮູ້ຫຍັງແດ່?
ບໍ່ຮູ້ວ່າຄົນຂີ່ລົດຈັກທີ່ໄດ້ຂັບລົດຈິບຂອງ ສົມບັດໄປນັ້ນໄດ້ຖືກສືບຖາມ ແລະຂະຫຍາຍຜົນແນວໃດ?
ລົດຈິບຂອງສົມບັດ (ເລກທະບຽນ ກກ.2624) ໄດ້ຖືກພົບເຫັນຫລືຍັງ?
ບໍ່ຮູ້ວ່າລົດກະບະສີຂາວທີ່ໄດ້ຂັບມາຈອດຢູ່ປ້ອມຕຳຫລວດແລະຮັບເອົາຕົວສາມີຂອງຂ້າພະເຈົ້າໄປນັ້ນ ໄດ້ຖືກຂະຫຍາຍຜົນຕື່ມແນວໃດ?
ແລ້ວຄົນຂັບລົດກະບະສີຂາວນັ້ນໄດ້ຖືກສອບຖາມ ແລະຂະຫຍາຍຜົນຫລືຍັງ?
ຖ້າຫາກວ່າແຟ້ມພາບຈາກກ້ອງວົງຈອນປິດຫາກເຫັນບໍ່ຊັດເຈນຕາມການລາຍງານຂອງເຈົ້າໜ້າທີ່, ບໍ່ຮູ້ວ່າທາງກະຊວງປ້ອງກັນຄວາມສະຫງົບໄດ້ຂໍຄວາມຊ່ວຍເຫລືອດ້ານເຕັກນິກຈາກລັດຖະບານ ອື່ນຫລື ອົງການສາກົນອື່ນໆຫລືບໍ່? ແລ້ວກ້ອງວົງຈອນປິດທີ່ຕິດຕັ້ງ ຕາມສາຍທາງທ່າເດື່ອກໍ ເຫັນບໍ່ຊັດເຈນເຊັ່ນດຽວກັນທັງໝົດບໍ່?
ບໍ່ຮູ້ວ່າເຈົ້າໜ້າທີ່ຕຳຫລວດຂອງລາວໄດ້ຍົກປະເດັນນີ້ແຈ້ງ ແລະຂໍຄວາມຊ່ວຍ ເຫລືອຈາກ ຕຳຫລວດສາກົນ ຫລືບໍ່? ແລະໄດ້ແຈ້ງໃຫ້ແກ່ບັນດາເພື່ອນບ້ານ ໃນພາກພື້ນຮັບຮູ້ ແລະຊອກຫາຕົວ ສົມບັດຫລືບໍ່?

ທຸກຄຳຖາມຂ້າງເທິງນັ້ນຂ້າພະເຈົ້າຍັງບໍ່ທັນໄດ້ຮັບຄຳຕອບທີ່ເປັນໜ້າພໍໃຈ. Continue reading “ຈົດຫມາຍທີ່ສາມຈາກພັນລະຍາຂອງສົມບັດ”