Posts

Posted on

ກອງປະຊຸມໂຕະມົນຖາມເຣື້ອງ ທ.ສົມບັດ

ວິທະຍຸເອເຊຍເສຣີ: (20 ພະຈິກ 2014)

ບັນດາ ປະເທດ ຄູ່ຮ່ວມ ພັທນາ ຍັງຄົງ ສືບຕໍ່ ທວງຖາມ ທາງ ການລາວ ເຣື້ອງການ ລັກພາ ຕົວ ທ່ານ ສົມບັດ ສົມພອນ ຢູ່ ກອງປະຊຸມ ໂຕະມົນ ວັນທີ 14 ທີ່ ຜ່ານມາ ເຖີງວ່າ ຈະບໍ່ມີ ຄຳຕອບ ທີ່ຊັດເຈນ ກໍຕາມ ເພາະວ່າ ທາງ ກອງປະຊຸມ ຖືວ່າ ບັນຫາ ສິດທິ ແມ່ນ ເງື່ອນໄຂ ການ ຮ່ວມມື ກັບ ສປປລາວ.

ຕົວແທນ ຈາກ ສະຫະພາບ ຢູໂຣບ ສະຖານທູດ ເຢັຽຣະມັນ ສະຖານທູດ ຝຣັ່ງ ສະຖານທູດ ອັງກິດ ແລະ ສະຖານທູດ ອະເມຣິກາ ປະຈຳລາວ ຍັງສືບຕໍ່ ທວງຖາມ ເຣື້ອງ ການຫາຍ ສາບສູນ ຂອງ ທ່ານ ສົມບັດ ສົມພອນ ຢູ່ ໃນ ກອງປະຊຸມ ໂຕະມົນ.

ຜູ້ເຂົ້າຮ່ວມ ກອງ ປະຊຸມ ໂຕະມົນ ໄດ້ ຣາຍງານ ວ່າ ບັນດາ ຕົວແທນ ຈາກ ສະຫະພາບ ຢູໂຣບ ແລະ ຈາກ ສະຖານທູດ ດັ່ງກ່າວ ໄດ້ຕັ້ງ ຄຳຖາມ ຕໍ່ ເຈົ້າໜ້າຝ່າຍ ລາວ ກ່ຽວກັບ ທ່ານ ສົມບັດ ສົມພອນ ຈົນເຮັດໃຫ້ ເຈົ້າໜ້າທີ່ ຂັ້ນສູງ ທ່ານ ນຶ່ງ ເກີດອາການ ບໍ່ພໍໃຈ ແລ້ວ ຕອບໄປວ່າ ຄູ່ຮ່ວມ ພັທນາ ຄວນ ຈະສຸມໃສ່ ບັນຫາ ທີ່ໃຫຍ່ ແລະ ສໍາຄັນ ໃນ ປະເທດ ລາວ ຫລາຍກວ່າ ທີ່ ຈະມາເວົ້າ ເຣື້ອງ ທ່ານ ສົມບັດ ເພາະ ມັນເປັນ ເຣື້ອງ ເລັກນ້ອຍ.

ນອກຈາກ ນີ້ ສະຫະພາບ ຢູໂຣບ ປະຈຳລາວ ໄດ້ອອກ ຖແລງການ ເຖິງ ຣັຖບານ ລາວ ໃນໂອກາດ ທີ່ ເຂົ້າຮ່ວມ ກອງປະຊຸມ ໂຕະມົນ ໃນຄັ້ງນີ້. ເນື້ອໃນ ຂອງ ຖແລງ ການ ຕອນນຶ່ງ ແມ່ນໄດ້ ເວົ້າເຖິງ ກໍຣະນີ ຂອງ ທ່ານ ສົມບັດ ສົມພອນ ນັກ ພັທນາ ອະວຸໂສ ດີເດັ່ນ ຂອງລາວ ທີ່ ບໍ່ມີ ຄຳ ອະທິບາຍ ໃດໆ ຈາກ ທາງການ ລາວ ແລະ ຮຽກຮ້ອງ ໃຫ້ ຣັຖບານ ລາວ ແກ້ໄຂ ບັນຫາ ນີ້ ຢ່າງ ຮີບດ່ວນ.

ໃນຕອນນຶ່ງຂອງຖະແຫລງການດັ່ງກ່າວໄດ້ວ່າເວົ້າ: ໃນກອງປະຊຸມໂຕມົນປີທີ່ຜ່ານມາ ພວກເຮົາໄດ້ຍົກ ບັນຫາການຫາຍໂຕແບບບໍ່ສາມາດອະທິບາຍໄດ້ຂອງ ທ່ານ ສົມບັດ ສົມພອນ ພວກເຮົາໄດ້ຮັບການຢືນຢັນຈາກ ຣັຖບານ [ລາວ] ວ່າ ຣັຖບານລາວໄດ້ດຳເນີນທຸກຂັ້ນຕອນ ເພື່ອສືບຕໍ່ການສືບສວນ ແລະ ນຳຜູ້ກະທຳຜິດມາ ລົງໂທດຕາມກົດໝາຍ. ປີນຶ່ງຜ່ານ (ແລະ ເກືອບສອງປີ ພາຍຫລັງການຫາຍໂຕໄປຂອງທ່ານ ສົມບັດ) ພວກເຮົມມີຄວາມເປັນຫວ່ງຢ່າງສູງ ທີ່ຄະດີບໍ່ມີຄວາມຄືບໜ້າເທົ່າທີ່ຄວນ ແລະ ທ່ານ ສົມບັດ ຍັງບໍ່ສາມາດ ເກັບຄືນມາສູ່ຄອບຄົວຂອງເພີ່ນ. ອີກຢ່າງນຶ່ງ ພວກເຮົາຂໍຮຽກຮ້ອງມາຍັງຣັຖບານ ລາວ ແກ້ໄຂກໍລະນີນີ້ ຢ່າງຮີບດ່ວນ. Continue reading “ກອງປະຊຸມໂຕະມົນຖາມເຣື້ອງ ທ.ສົມບັດ”

Posted on

ຜູ້ ໃຫ້ ການ ຊວ່ຍ ເຫລືອ ຕອ້ງ ພັກດັນ ໃຫ້ ລັຖະບານ ສປປ ລາວ ແກ້ໄຂ ປັນຫາ ສິດທິ ມະນຸດ

FIDH_pinar_selekInternational Federation for Human Rights/Lao Movement for Human Rights (13 ພຶສະຈິກາ 2014)

ປາຣີ , 14 ພຶສະຈິກາ 2014 – ‘ຕ່າງ ປະເທດ ທີ່ ໃຫ້ ການ ຊ່ວຍເຫລືອ ຄວນ ຈະ ທົບທວນ ຄືນ ເຖີງ ເງື່ອນໄຂ ຂອງ ການ ຊວ່ຍເຫລືອ ໂດຍ ຣຽກຣອ້ງ ໃຫ້ ທາງການ ສປປ ລາວ ແກ້ໄຂ ປັນຫາ ໂດຍ ແທ້ຈີງ’, ສະຫະພັນ ສາກົນ ເພື່ອ ສິດທິ ມະນຸດ ແລະ ຂະບວນ ການ ລາວ ເພື່ອ ສິດທິ ມະນຸດ ໃດ້ ກ່າວ ໃນ ສານ ສະບັບ ລົງ ວັນທີ່ 13 ພຶສະຈິກາ 2014 ສົ່ງ ເຖີງ ບັນດາ ນັກ ການ ທູດ ແລະ ອົງການ ທີ່ ໃຫ້ ການ ຊວ່ຍເຫລືອ ທີ່ ນະຄອນ ວຽງຈັນ.

LMHR-Logoໃນ ວັນທີ່ 14 ພຶສະຈິກາ 2014, ທາງການ ສປປ ລາວ ແລະ ຄະນະ ຕ່າງ ປະເທດ ທີ່ ໃຫ້ ການ ຊວ່ຍເຫລືອ ມີ ໝາຍ ກຳນົດ ເຂົ້າ ຣວ່ມ ກອງ ປະຊູມ ໂຕະມົນ ທີ່ ນະຄອນ ຫລວງ ວຽງຈັນ ຊື່ງ ມີ ເປົ້າໝາຍ ທົບທວນ ເຖີງ ການ ດຳເນີນ ນະໂຍບາຍ ການ ພັທະນາ ສັງຄົມ ແລະ ເສຖກິດ ແຫ່ງ ຊາດ ສະບັບ ທີ່ 7, ຕລອດ ເຖີງ ປັນຫາ ອື່ນໆ ທີ່ ຢິບຍົກ ຂື້ນ ມາ ສົນທະນາ ໃນ ໂອກາດ ກອງປະຊູມ ໂຕະມົນ ເມື່ອ ປີ ທີ່ ຜານ ມາ, ຄັ້ງ ເດືອນ ພືສະຈິກາ 2013. ກອງ ປະຊູມ ໃນ ມື້ ນີ້ ຍັງ ຈະ ເປັນ ໂອກາດ ໃຫ້ ທັງ ສອງ ຝ່າຍ ໃດ້ ແລກປ່ຽນ ຂໍ້ມູນ ແລະ ຄວາມຄິດ ຄວາມເຫັນ ກ່ຽວກັບ ຍຸທະາດ ແລະ ແຜນການ ພັທະນາ.

ເມື່ອ ບໍ່ ເທົ່າ ໃດ ປີ ທີ່ ຜ່ານ ມາ, ການ ຊວ່ຍເຫລືອ ການ ພັທະນາ (Official Development Assistance-ODA) ໃຫ້ ສປປ ລາວ ໃດ້ ເພີ້ມ ຂື້ນ ຢ່າງ ຕໍ່ເນື່ອງ, ເຖີງ 23% ຈາກ 630 ລ້ານ ໂດລາ ສະຫະຣັດ ໃນ ປີ 2012-2013. ແຕ່ ໜ້າ ເສັຍດາຍ ທີ່ ຄວາມ ປາຖນາ ຂອງ ຜູ້ ໃຫ້ ການ ຊວ່ຍເຫລືອ ຢາກ ໃຫ້ ຊິວິດ ການ ເປັນຢູ່ ຂອງ ປະຊາຊົນ ລາວ ດີ ຂື້ນ, ບໍ່ ໃດ້ ຣັບ ຄວາມ ປາຖນາ ດີ ດັ່ງ ດຽວ ກັນ ຈາກ ທາງການ ສປປ ລາວ ໃນ ການ ຢາກ ຕັ້ງໃຈ ສົ່ງເສີມ ແລະ ປົກປອ້ງ ສິດທິ ພື້ນຖານ ຂອງ ປະຊາຊົນ, ນີ້ ຄື ຄຳ ເວົ້າ ໃນ ຈົດໝາຍ ຂອງ ສະຫາພັນ ສາກົນ ເພື່ອ ສິດທິ ມະນຸດ ແລະ ຂະບວນ ການ ລາວ ເພື່ອ ສິດທິ ມະນຸດ.

‘’ ໃນ ສປປ ລາວ ຊັບ ສົມບັດ ຈາກ ການ ຊວ່ຍເຫລືອ ຕ່າງ ປະເທດ ບໍ່ ໃດ້ ນຳພາ ໃຫ້ ຊື່ງ ການ ນັບຖື ສິດທິ ມະນຸດ ແຕ່ ປະການ ໃດ. ເຖີງ ເວລາ ແລ້ວ ທີ່ ຜູ້ ໃຫ້ ການ ຊວ່ຍເຫລືອ ຈະຕອ້ງ ວາງ ເງື່ອນໄຂ ພັກດັນ ໃຫ້ ລັຖະບານ ສປປ ລາວ ນັບຖື ສິດທິ ມະນຸດ ‘’ ທ່ານ ກາຣີມ ລາຣີດຈີ, ປະທານ ສະຫະພັນ ສາກົນ ເພື່ອ ສິດທິ ມະນຸດ ໃດ້ ກ່າວ. Continue reading “ຜູ້ ໃຫ້ ການ ຊວ່ຍ ເຫລືອ ຕອ້ງ ພັກດັນ ໃຫ້ ລັຖະບານ ສປປ ລາວ ແກ້ໄຂ ປັນຫາ ສິດທິ ມະນຸດ”

Posted on

ທ່ານຈະຮູ້ສຶກແນວໃດ?

ຖາມແທ້… ຢາກຮູ້ອີ່ຫຼີ… ຖ້າເປັນຄົນໃນຄອບຄົວທ່ານ ຫາຍຕົວໄປຈະຮູ້ສຶກແນວໃດ? ທ່ານຈະຮູ້ສຶກແນວໃດ ຖ້າຫາກວ່າ ຢູ່ດີໆມີຄົນເອົາຄົນໃນຄອບຄົວທ່ານໄປ ໂດຍບໍ່ຮູ້ສາເຫດ ແລ້ວຄົນໆ ນັ້ນກັບກາຍເປັນຄົນທີ່ ສັງຄົມຢ້ານກົວຂື້ນມາໂດຍບໍ່ຮູ້ຕົ້ນປາຍສາຍເຫດ…

ລຸງສົມບັດຫາຍໄປໃກ້ຈະຮອດສອງປີແລ້ວ ແຕ່ວ່າ ຂ່າວຄາວຍັງງຽບ ແຖມສັງຄົມຍັງຄົງຢ້ານກົວ ບໍ່ກ້າຮອດເວົ້າເຖິງຊື່ລາວ..ແມ້ແຕ່ຮ້ານຂາຍເຄື່ອງ ເຂົາກໍຍັງບໍ່ກ້າເວົ້າເຖິງຊື່ #ສົມບັດສົມພອນ.

ຖາມແທ້.. ຖ້າເປັນເຈົ້າ..ເຈົ້າຈະຮູ້ສຶກແນວໃດ? ໃກ້ຈະຮອດສອງປີແລ້ວ ຂະໜາດອົງກອນທີ່ເຮັດວຽກຄືກັນກັບເພິ່ນ … ທີ່ຮູ້ດີທີ່ສຸດວ່າວຽກເພິ່ນແມ່ນຫຍັງ… ຮູ້ດີທີ່ສຸດເພາະຫາກິນ ລ້ຽງຊີບດ້ວຍວຽກງານດຽວກັນກໍຍັງບໍ່ກ້າເວົ້າເຖິງ ຊື່ລຸງສົມບັດ ສັງຄົມເຮົາກຳລັງເກີດຫຍັງຂື້ນ?? ນ້ຳໃຈຂອງເຮົາຫາຍໄປໃສ?

ຄົນເຮົາທຸກຄົນມີຊີວິດເປັນຂອງຕົນເອງ ຢູ່ດີໆ ຈະຖືກບັງຄັບໃຫ້ບໍ່ມີຕົວຕົນໄດ້ບໍ? ຈະປ່ອຍໃຫ້ຄົນໜຶ່ງຫາຍໄປ ທັ້ງໆ ທີ່ຮູ້ວ່າບໍ່ແມ່ນເລື່ອງທີ່ຖືກຕ້ອງທີ່ຢູ່ດີໆ ຢາກມີຄົນມາເອົາໄປຊື່ໆ ແທ້ໆ ຫວະ? ເລື່ອງຄົນຫາຍມັນຄວນຈະເປັນ ເລື່ອງທຳມະດາບໍ? ຄວນເປັນເລື່ອງໃຜມັນບໍ? ລະຄອບຄົວຕ້ອງຮັບຜິດຊອບຄົນດຽວບໍ? ເຮົາບໍ່ໄດ້ເຮັດຫຍັງຜິດ ຕຳຫຼວດ ທະຫານກໍບໍ່ໄດ້ບອກວ່າເຮົາຜິດ ສານກໍບໍ່ໄດ້ວ່າເຮົາຜິດ ແລ້ວເປັນຫຍັງຕ້ອງຢ້ານທີ່ຈະເວົ້າເຖິງຊື່ #ສົມບັດສົມພອນ ລອງຄິດເບິ່ງດີໆ .. ຖ້າເລື່ອງນີ້ເປັນເລື່ອງທຳມະດາ ແລ້ວຄົນອື່ນໆ ຫາຍໄປກໍຈະເປັນ ເລື່ອງທຳມະດາເຊັ່ນກັນ

Posted on

ສະຫະພາບຢູໂຣບຖາມເຖິງ ເຣື້ອງ ທ່ານ ສົມບັດ

ວິທະຍຸເອເຊຍເສຣີ: (ພະຈິກ 2014)

European Unionສະຫະພາບ ຢູໂຣບ ປະຈຳລາວ ໄດ້ອອກ ຖແລງການ ເຖິງ ຣັຖບານ ໃນໂອກາດ ທີ່ ເຂົ້າຮ່ວມ ກອງປະຊຸມ ໂຕະມົນ ກັບ ຣັຖບານ ລາວ ທີ່ ຈະມີຂຶ້ນ ໃນມື້ນີ້ ວັນທີ 14 ພຶສຈິກາ.

ເນື້ອໃນ ຂອງ ຖແລງການ ຕອນນຶ່ງ ແມ່ນໄດ້ ເວົ້າເຖິງ ກໍຣະນີ ການ ຫາຍສາບສູນ ຂອງ ທ່ານ ສົມບັດ ສົມພອນ ນັກ ພັທນາ ອະວຸໂສ ດີເດັ່ນ ຂອງລາວ ທີ່ ບໍ່ມີຄຳ ອະທິບາຍ ຈາກ ທາງການ ລາວ ແລະ ຮຽກຮ້ອງ ໃຫ້ ຣັຖບານ ລາວ ແກ້ໄຂ ບັນຫາ ນີ້ ຢ່າງ ຮີບດ່ວນ.

ສະເພາະ ວາລະ ກອງປະຊຸມ ໂຕະມົນ ປະຈຳປີ ໃນຄັ້ງນີ້ ມີສອງ ຫົວຂໍ້ ຫລັກ ຄື: ອັນທີ ນຶ່ງ ແມ່ນການ ປະຕິບັດ ແຜນ ພັທນາ ເສຖກິດ ສັງຄົມ ຄັ້ງທີ 7 ແລະ ອັນທີສອງ ແມ່ນ ຄວາມ ຄືບໜ້າ ຂອງ ການ ປະຕິບັດ ແຜນງານ 16 ຂໍ້ ທີ່ໄດ້ມີ ການຕົກ ລົງ ກັນເອົາໄວ້ ຢູ່ໃນ ກອງປະຊຸມ ໂຕະມົນ ໃນປີ ທີ່ ຜ່ານມາ.

ເຈົ້າໜ້າທີ່ ຈາກ ອົງການ ຈັດຕັ້ງ ທາງ ສັງຄົມ ທ່ານ ນຶ່ງ ກ່າວວ່າ ພວກເຮົາ ຕ້ອງໄດ້ມີ ການ ທົບທວນ ແລະ ທວງຖາມ ທາງການ ລາວ ວ່າ ແຜນງານ ທີ່ ໄດ້ຕົກລົງ ກັນໃນປີ ທີ່ ຜ່ານມາ ມີຫຍັງ ປະຕິບັດ ໄດ້ແດ່ ແລ້ວ ແລະ ມີຫຍັງໄດ້ ຮັບການ ປັບປຸງ ແລ້ວ.

ນຶ່ງໃນ ແຜນງານ 16 ຂໍ້ ນັ້ນ ແມ່ນເຣື້ອງ ການທົບທວນ ສິດທິມະນຸດ ໂດຍສະເພາະ ຂະບວນ ການທົບທວນ ປະຈຳ ລະຍະ ກ່ຽວກັບ ປະຕິບັດ ວຽກງານ ດ້ານ ສິດທິມະນຸດ ຢູ່ ລາວ. ໃນ ກອງປະຊຸມ ໂຕະມົນ ກັບ ຣັຖບານ ລາວ ໃນ ປີ 2013 ທີ່ ຜ່ານມາ ສະຫະພາບ ຢູໂຣບ ກໍໄດ້ອອກ ຖແລງການ ແລະ ເນື້ອໃນ ສ່ວນນຶ່ງ ຂອງ ຖແລງການ ກໍໄດ້ຍົກ ກໍຣະນີ ເຣື້ອງການ ຫາຍສາບສູນ ຂອງ ທ່ານ ສົມບັດ ສົມພອນ ແຕ່ບໍ່ໄດ້ ຮັບ ຄຳຕອບ ໃດໆ ຈາກ ທາງການ ລາວ.

 

Posted on

ເວທີເອເຊັຽຢູໂຣບກ່າວເຖິງ ທ.ສົມບັດ

ວິທະຍຸເອເຊຍເສຣີ: 16 ຕຸລາ 2014

aepf10logoຖແລງການ ຂັ້ນ ສຸດທ້າຍ ຂອງ ເວທີ ກອງປະຊຸມ ພາກ ປະຊາຊົນ ເອເຊັຽ ຢູໂຣບ ຄັ້ງທີ 10 ທີ່ ມີຂຶ້ນ ເມື່ອ ວັນທີ 10 ຫາ 12 ຕຸລາ ຢູ່ ເມືອງ ມີລານ ປະເທດ ອີຕາລີ ໄດ້ເວົ້າ ເຖິງ ທ່ານ ສົມບັດ ສົມພອນ. ໃນ ຖແລງ ການ ນັ້ນ ມີໃຈຄວາມ ວ່າ ຈະ ຄົບຮອບ 2 ປີ ໃນ ວັນທີ 15 ທັນວາ 2014 ທີ່ ທ່ານ ສົມບັດ ສົມພອນ ໄດ້ ຫາຍສາບສູນ ໄປ. ທ່ານ ສົມບັດ ເປັນໜຶ່ງ ໃນ ບັນດາ ຜູ້ຈັດຕັ້ງ ເວທີ ກອງປະ ຊຸມ ພາກ ປະຊາຊົນ ເອເຊັຽ ຢູໂຣບ ຄັ້ງ ທີ 9 ທີ່ ນະຄອນ ຫຼວງ ວຽງຈັນ ກ່ອນໜ້າ ເປີດ ກອງປະຊຸມ ອາແຊັມ ຄັ້ງທີ 10.

ຖແລງການ ຣະບຸວ່າ ສປປລາວ ເພິ່ງພາ ອາສັຍ ການ ຊ່ວຍເຫລືອ ນາໆຊາດ ຢ່າງ ຫລວງຫລາຍ ແລະ ກ່ອນໜ້າ ກອງປະຊຸມ ໂຕະມົນ ປະຈຳປີ ທີ່ ກຳນົດ ຈັດຂຶ້ນ ໃນ ເດືອນ ພຶສຈິກາ 2014 ນີ້ ຣັຖບານ ລາວ ກໍຂໍ ການສນັບ ສນູນ ທາງການເງິນ ຫລາຍ ເພີ່ມຂຶ້ນ ຈາກ ປະຊາຄົມ ສາກົລ. ແລະວ່າ ການບັງຄັບ ຄົນໃຫ້ ຫາຍສາບສູນ ບໍ່ເຄີຍຖື ເປັນບັນຫາ ພາຍໃນ ຂອງປະເທດ ໃດໆ ທັງນັ້ນ. ມັນຂັດກັບ ກົດໝາຍ ຣະຫວ່າງ ປະເທດ ແລະ ກໍຖືກັນ ຢ່າງ ກວ້າງຂວາງ ວ່າ ເປັນ ອາຊຍາກັມ ຕ້ານ ມວນມະນຸດ.

ທາງຄອບ ຄົວ ໝູ່ເພື່ອນ ແລະ ປະຊາຊົນ ແມ່ນ ມີສິດທິ ທີ່ ຈະຮູ້ ຄວາມຈິງ ຮູ້ວ່າມີ ຫຍັງເກີດ ຂຶ້ນກັບ ທ່ານ ສົມບັດ. ທ່ານ ສົມບັດ ແລະ ຄອບຄົວ ມີສິດທິ ທີ່ ຈະໄດ້ຮັບ ຄວາມ ຍຸຕິທັມ. ຖແລງການ ເວທີ ເອເຊັຽ ຢູໂຣບ ຂໍເຕືອນ ບັນດາ ປະເທດ ສະມາຊິກ ອາແຊັມ ກ່ຽວກັບ ພັນທະ ເຣື່ອງ ສິດທິມະນຸດ ທັງພາຍໃນ ແລະ ຣະຫວ່າງ ປະເທດ.

ພ້ອມດຽວກັນ ກໍຮຽກຮ້ອງ ຢ່າງຈິງໃຈ ເຖິງ ຣັຖບານ ລາວ ໃຫ້ ສືບສວນ ສອບສວນ ແລະ ຣາຍງານ ເຣື່ອງ ການ ຫາຍສາບສູນ ຂອງ ທ່ານ ສົມບັດ ໃຫ້ ມວນຊົນ ຮູ້ ແລະ ດຳເນີນ ຂັ້ນຕອນ ທາງ ກົດໝາຍ ຕໍ່ຜູ້ ກໍ່ ອາຊຍາກັມ ນັ້ນ ນຳດ້ວຍ. ເວທີ ພາກ ປະຊາຊົນ ເອເຊັຽ ຢູໂຣບ ຮຽກຮ້ອງ ໃຫ້ ປະເທດ ສະມາ ຊິກ ອາແຊັມ ຕິດຕາມ ການ ປະຕິບັດ ຄຳ ຮຽກຮ້ອງ ທີ່ວ່າມາ ນັ້ນ ເພື່ອ ຮັບປະກັນ ວ່າ ທ່ານ ສົມບັດ ແລະ ຄອບຄົວ ໄດ້ຮັບ ຄວາມ ຍຸຕິທັມ ຊຶ່ງ ແນ່ນອນ ກໍ ເປັນສິດທິ ຂອງ ພວກ ເຂົາເຈົ້າ ແລະ ໃຫ້ ທ່ານ ກັບຄືນສູ່ ຄອບຄົວ ຢ່າງ ປອດພັຍ.

Posted on

ຮັກສາວິໄສທັດຂອງສົມບັດໃຫ້ຍັງມີຊີວິດຢູ່

ບົດກ່າວຂອງ ທ່ານນາງ ອຶ້ງ ຊຸຍມິງ ທີ່ກອງປະຊຸມອາຊີເອີຣົບຄັ້ງທີ 10 (10th Asia-Europe People’s Forum)

ເມືອງມິລານ, ປະເທດອີຕາລີ, ລະຫວ່າງວັນທີ 10-12 ຕຸລາ 2014

“ເພື່ອກ້າວໄປສູ່ການ​ເປັນອາຊີ ແລະ ເອີຣົບທີ່ມີຄວາມຍຸດຕິທຳ ແລະ ມີການມີສ່ວນຮ່ວມ ຂອງ​ປະຊາຊົນ​ເພື່ອ​ປະຊາ​ຊົນ”

Shui Meng-AEPF10ສອງປີກ່ອນນີ້ ທີ່ກອງປະຊຸມ ພາກ ປະຊາສັງຄົມ (AEPF) ສົມບັດ ສົມພອນຜູ້ເປັນສາມີຂອງຂ້າພະເຈົ້າ ໄດ້ເຮັດໜ້າທີ່ເປັນໜຶ່ງໃນຄະນະຜູ້ຈັດ ກອງປະຊຸມລະດັບຊາດ ລາວໄດ້ຮັບ ກຽດຂື້ນກ່າວໃນພິທີເປີດຂອງ ກອງປະຊຸມດັ່ງກ່າວໃນນະຄອນຫຼວງ ວຽງຈັນ, ປະເທດລາວ. ຕອນນັ້ນ ລາວທັງຮູ້ສຶກດີໃຈ ແລະ ຕື່ນເຕັ້ນ ລາວໃຊ້ເວລາຫຼາຍເດືອນເພື່ອ ກະກຽມດ້ວຍຄວາມເຄັ່ງຄຽດເຄັ່ງຕິງ. ກອງປະຊຸມດັ່ງກ່າວໄຂຂື້ນໂດຍ ແມ່ນທ່ານຮອງນາຍຍົກລັດຖະມົນຕີເປັນຜູ້ກ່າວເປີດ. ຄັ້ງນັ້ນມີຜູ້ເຂົ້າຮ່ວມຈຳນວນບໍ່ຕຳ່ກວ່າ 1,000 ຄົນ ທີ່ເປັນທັງຕົວແທນຂອງກຸ່ມພາກປະຊາສັງຄົມ ແລະ ອົງກອນຕ່າງໆທົ່ວພາກພື້ນອາຊີ ແລະ ເອີຣົບ. ໃນຖານະ ເປັນຄົນລາວ ສົມບັດຮູ້ສຶກພາກພູມໃຈທີ່ປະ ເທດຂອງຕົນເອງສາມາດຫຼີ້ນບົດບາດເປັນເຈົ້າພາບກອງປະຊຸມ ພາກປະຊາສັງຄົມທີ່ຍິ່ງໃຫຍ່ດັ່ງກ່າວ.

ຫຼັງຈາກນັ້ນໃນໄລຍະວັນທີ 16-19 ຕຸລາ ໃນກອງປະຊຸມເຕັມໄປດ້ວຍຄວາມຂຸ້ນຂ້ຽວໃນການສົນທະນາ, ການໂຕ້ວາທີ, ການແບ່ງປັນ, ແລະ ແລກປ່ຽນບົດຮຽນເລື່ອງຄວາມທ້າທາຍ ແລະ ປະເດັນທົ່ວໄປກ່ຽວກັບ ຄວາມທຸກຍາກ, ບັນຫາສັງຄົມ, ຄວາມບໍ່ເທົ່າທຽມກັນ, ໜີ້ສິນ, ແລະ ໄພວ່າງງານ ທີ່ປະຊາຊົນທົ່ວໄປໃນປະເທດ ທັງໃນອາຊີ ແລະ ເອີຮົບໄດ້ພົບພໍ້. ກອງປະຊຸມມີບັນຍາກາດຟົດຟື້ນມີຊີວິດຊີວາ ແລະ ສ້າງສັນ ຜູ້ເຂົ້າຮ່ວມຕ່າງຫ້າວ ຫັນສະແດງຄວາມຄິດເຫັນ ແລະ ປະສົບການຂອງຕົນ ແລະ ເຮັດວຽກໜັກເພື່ອນຳສະເໜີອອກມາເປັນ “ວິໄສທັດຂອງປະຊາຊົນ” ເຊິ່ງເປັນທັງການແບ່ງປັນຄວາມຫວັງ ແລະ ແຮງບັນດານໃຈ ໃນຕອນທ້າຍໄດ້ຖືກນຳໄປ ຮຽບຮຽງເປັນຖະແຫຼງການຂອງກອງປະຊຸມ AEPF9 ສຳລັບນຳສະເໜີໃຫ້ກອງປະຊຸມຜູ້ນຳລະດັບສູງຂອງ ປະເທດຕ່າງໆ ໃນກອງປະຊຸມ ASEM ເພື່ອວິເຄາະ ແລະ ພິຈາລະນາການນຳໄປຈັດຕັ້ງປະຕິບັດໃນຕໍ່ໜ້າ.

aepf10logoຄະນະຈັດງານລະດັບສາກົນຍອມຮັບວ່າ ກອງປະຊຸມ AEPF9 ເປັນໜຶ່ງໃນບັນດາກອງປະຊຸມພາກປະຊາຊົນ ທີ່ໄດ້ຮັບຜົນ ສຳເລັດທີ່ສຸດເທົ່າທີ່ເຄີຍມີມາ. ຫຼັງຈາກກອງປະຊຸມໄດ້ປິດລົງ ຜ່ານໄປສອງເດືອນ ວັນທີ 15 ທັນວາ 2012 ສົມບັດ ສົມພອນໄດ້ ຫາຍຕົວໄປ. ລາວຖືກພົບເຫັນຄັ້ງສຸດທ້າຍຢູ່ທີ່ປ້ອມຕຳຫຼວດ ໃນນະຄອນຫຼວງວຽງຈັນ ໂດຍລາວຖືກ ຕຳຫຼວດເອີ້ນໃຫ້ຢຸດລົດ ແລະ ຖືກເອົາຕົວໄປໂດຍລົດກະບະຂາວຄັນໜຶ່ງ ເຫດການທັງໝົດທີ່ເກີດ ຂື້ນແມ່ນຖືກບັນທຶກໄວ້ໃນກ້ອງ ວົງຈອນປິດຂອງນະຄອນຫຼວງ ແລະໄດ້ມີການນຳໄປເຜີຍແຜ່ ເທິງອິນເຕີເນັດ (Youtube). Continue reading “ຮັກສາວິໄສທັດຂອງສົມບັດໃຫ້ຍັງມີຊີວິດຢູ່”

Posted on

ລຳດັບເຫດການຂອງຄວາມບໍ່ເອົາໃຈໃສ່

Question Markຜ່ານ​ໄປ​ແລ້ວ​ກວ່າ 600 ມື້ທີ່​ສົມບັດ​ຖືກ​​ເອົາ​ຕົວ​ໄປ ຈົນ​ມາ​ຮອດ​ປັດຈຸບັນ ຍັງ​ບໍ່​ມີຜົນ​ທີ່​ຈະ​ແຈ້ງຈາກ​ການ​ສຶບສວນ​ສອບ​ສວນ​ຂອງ​ເຈົ້າ​ໜ້າ​ທີ່.

​​ເກືອບ​ວ່າ​ທັນທີ​ທັນ​ໃດ ທີ່​ເຈົ້າ​ໜ້າ​ທີ່​ໄດ້​ສະຫຼຸບ​ວ່າພວກ​ເຂົາ​ບໍ່​ມີ​ສ່ວນ​ຮັບ​ຜິດ​ຊອບຕໍ່​ເລື່ອງ​ດັ່ງກ່າວ.

ນັບ​ຕັ້ງ​ແຕ່​ຕອນ​ນັ້ນ, ມີ​ການ​ລາຍ​ງານ​ຫຼາຍ​ສະບັບ​ທີ່​ມີ​ຂໍ້​ມູນ​ຈຳນວນ​ຫຼາຍ​ທີ່​ມີ​ລາຍ​ລະອຽດ​ກ່ຽວຂ້ອງ​, ການ​ປະ​ຕິ​ເສດ, ​ແລະ ອ້າງ​ວ່າ​ໄດ້​ຕັ້ງໜ້າ​ສືບ​ຕໍ່​ຢ່າງ​ຮີບ​ດ່ວນ ​ແລະ ​ເອົາ​ຈິງ​ເອົາ​ຈັງ.

ຮ່າງ​ເຫດການ ສຳຄັນໆ ທີ່​ເກີດ​ຂື້ນ​ຈົນ​ເຖິງ​ປັດຈຸບັນ​ນີ້ສາມາດ​ເບິ່ງ​ໄດ້​ຢູ່​ບ່ອນ​ນີ້. ຂໍ້​ມູນ​ອັບ​​ເດດ​ຈະ​ຖືກ​​ໂພສຂື້ນ​ຖ້າ​ຫາກ​ວ່າ​ມີ.

ໝູ່​ເພື່ອນ​, ​ເພື່ອນ​ຮ່ວມ​ງານ, ​ແລະ​ ອົງ​ກອນ​ຕ່າງໆ​ ຈາກ​ທົ່ວ​ໂລກທີ່​ມີ​ຄວາມ​ເປັນ​ຫ່ວງ​ເປັນ​ໄຍ​ໄດ້​ສືບ​ຕໍ່​ມີ​ຄວາມ​ຫວັງ​ວ່າ​ຈະ​ມີຜົນ​ຄວາມ​ຄືບ​ໜ້າ ​ແລະ ບໍ່​ເຍິ່ນ​ເຍີ້.

 

Posted on

ເຖິງສົມບັດ…ຈາກ ເບັນ ເອັດເວີດ

​ເຖິງ​ສົມບັດ,

ຂ້ອຍ​​ໄດ້​ລົມກັບ​ຊຸຍ​ມິ​ງມື້ວານ​ນີ້ກ່ຽວ​ກັບ​ແນວ​ຄວາມ​ຄິດ​ຂອງ​ເຈົ້າ​​​ເລື່ອງ​ການ​ສຶກສາ​ແບບ​ອົງ​ລວມ, “ການ​ສຶກສາ​ທີ່​ຈິດ​ໃຈ” ​​ເຊິ່ງ​ເປັນ​ພື້ນຖານ​ຂອງ​ການ​​ເສີມ​ສ້າງ​ລັດຖະບານ​ທີ່​​ແຂງ​ແຮງ; ​ເສີມ​ສ້າງ​ຄຸນ​ນະ​ທຳ​ໃນ​ໂຕ​ຄົນ ​ແລະ ຄວາມ​​ປະສານ​ກົມກຽວ, ​ແນວ​ຄວາມ​ຄິດ​ຂອງ​ບຸກຄົນ ​ແລະ ສັງຄົມ​ ກ່ຽວ​ກັບ​ການ​ເປັນ​ພົນລະ​ເມືອງ​ທີ່​ມີ​ຄວາມ​ຕື່ນ​ຕົວ, ​ແລະ ການ​​ເກື້ອ​ໜຸນ​ກັບ​ທຳ​ມະ​ຊາດ​​ແວດ​ລ້ອມ, ຄອບຄົວ, ​ແລະ ຊຸມ​ຊົນ ​ແລະ ສັງຄົມ. ​ແນວ​ຄວາມ​ຄິດ​ເຫຼົ່າ​ນີ້ ​ໄດ້​ສືບ​ຕໍ່​ເປັນ​ແຮງ​ຈູງ​ໃຈ ​ແລະ ​ຊີ້​ທິດ​ເປັນ​ແນວທາງໃນ​ການ​ຈັດການ​ສຶກສາ​ສຳລັບຂ້ອຍ​ໃນ​ນາມ​​ເປັນ​ອາຈານສອນໜັງສື. ດຽວ​ນີ້ ຂ້ອຍຍ້າຍ​ມາ​ຢູ່​ຮ່ອງ​ກົງ (Hong Kong) ​ແລະ ຮູ້ສຶກດີ​ຫຼາຍ​ທີ່​ໄດ້​ເຫັນ​ຄົນ​ຮຸ່ນ​​ໃໝ່ມີ​ຄວາມ​ຕື່ນ​ຕົວ ​​ມີ​ສ່ວນ​ຮ່ວມ​ໃນ​ນາມພົນລະ​ເຮືອນ​ທີ່​ມີ​ຄວາມ​ກະຕືລື​ລົ້ນ ​ແລະ ການ​ທີ່​ລະບົບ​ການ​ສຶກສາ ທັງ​ໃນ​ ​ແລະ ນອກ​ລະບົບ ​ໄດ້​ສິດ​ສອນ​ໃຫ້​ຄົນ​ໃຫ້ຮັບ​ຮູ້, ​ເປັນ​ກັງ​ວົນ, ​ແລະ ຕື່ນ​ຕົວ​ໃນ​ທຸກໆ​ດ້ານ​ຂອງ​ສັງຄົມ.

ມໍ່ໆ​ນີ້ກຸ່ມ​ນັກຮຽນ​ປີ​ທີ 9 ກຳລັງ​ເຮັດ​​ໂຄງການ​ວິ​​​ໄຈ​ກ່ຽວ​ກັບປະ​ເທດ​ລາວ ​ແລະ ສ່ວນ​ໃຫຍ່​ຂອງ​ບົດ​ນຳ​ສະ​ເໜີ​ຂອງ​ພວກ​ເຂົາ​ແມ່ນ​ກ່ຽວ​ກັບ​ວຽກ​ງານ​ຂອງ​ເຈົ້າ​ໃນ​ດ້ານ​ການ​ສຶກສາ ​ແລະ ພາກ​ປະ​ຊາ​ສັງຄົມ. ​ແນວ​ຄວາມ​ຄິດ​ທີ່​ພວກ​ເຂົາ​ໄດ້​ຮຽນ​ຮູ້​ໄດ້​​ເປັນ​ແຮງ​ບັນດານ​ໃຈ​ໃຫ້​ພວກ​​ເຂົາ​ຢາກ​ຊອກ​ຮູ້​ເພີ້​ມຕື່ມ, ​ເພື່ອ​ໃຫ້​ເຂົ້າ​ໃຈ​ວ່າພວກ​ເຂົາ​ພິ​ເສດ​ແນວ​ໃດ​ໃນ​ປະ​ເທດ​ຮ່ອງ​ກົງ ທີ່​ປະ​ເທດ​ອື່ນໆ ກຳລັງດີ້ນຮົນ​ເພື່ອ​ໃຫ້​ໄດ້ສິ່ງ ​ເຊິ່ງ​ເປັນ​ສິ່ງ​ທີ່​ພວກ​ເຂົາ​ມີ​ຢູ່​ໃນ​ປະ​ເທດ​ນີ້, ​ແລະ ພວກ​ເຂົາ​ກຳລັງ​ວາງ​ແຜນ​​ເຮັດ​ໂຄງການ​ເພີ້​ມຕື່ມ​ເພື່ອ​ເປັນ​ການຕິດຕາມ. ພວກ​ເຮົາ​ຈະ​ເດີນທາງ​​ໄປ​ປ​ະ​ເທດ​ລາວ​ໃນ​ລະດູ​ໃບ​​ໄມ້​ຫຼົ່ນ​ນີ້ ​ແລະ ​ໄດ້​ອອກ​ແບບ​ໂຄງການ “ການ​ອອກ​ແບບ​ເພື່ອ​ການ​ປ່ຽນ​ແປງ” (Design for Change) ​​ເພື່ອ​​ເປັນ​ກິດຈະກຳ​ຫຼັງ​ເລີກ​ຮຽນ​ໃນ​ໂຮງຮຽນ​ຂອງ​ພວກ​ເຮົາ ​ແລະ ພວກ​ເຂົາ​ຍັງ​ຈະ​ພາກັນ​ສ້າງ​ຄວາມ​ເຂົ້າ​ໃຈ ​ແລະ ລະດົມ​ທຶນ​ສຳລັບ​ UXO ຜູ້​ເຄາະ​ຮ້າຍ​ຈາກ​ລູກ​ລະ​ເບີດ​ໃນ​ປະ​ເທດ​ລາວ. ຂ້ອຍ​ຫວັງ​ວ່າ​ມັນ​ຈະ​ຊ່ວຍ​​ໃຫ້​ເຈົ້າຈະ​ຮູ້ສຶກອຸ່ນ​ໃຈ ວ່າ​ເຈົ້າ​ຍັງ​ຄົງ​ສືບ​ຕໍ່​​ເປັນ​ແຮງ​ບັນດານ​ໃຈ​ໃຫ້​ກັບ​ພວກ​ເຮົາ ​ແລະ ​ແນວ​ຄວາມ​ຄິດ​ຂອງ​ເຈົ້າ​ມີ​ຄວາມ​ໝາຍ​ຫຼາຍ ​ແລະ ​ເປັນ​ແນວທາງ​ສຳລັບ​ຄົນ​ຮຸ່ນ​ໃໝ່​ໃນ​ການ​ໃຊ້​ຊີວິດ​ປະຈຳ​ວັນ ​ແລະ ການ​ເຮັດ​ວຽກ, ທີ່ຢູ່​ເໜືອ​ຂອບ​ເຂດຊາຍ​ແດນ​ປະ​ເທດ​ລາວ.

ຂ້ອຍ​ລໍຖ້າ​ມື້ທີ່​ຈະ​ໄດ້​ລົມ​ກັບ​ເຈົ້າ​ກ່ຽວ​ກັບ​​ແຜນ​ເຫຼົ່າ​ນີ້​​ໃນມໍ່ໆ, ​ເພື່ອ​ສະ​ແດງ​ໃຫ້​ເຈົ້າ​ເຫັນ​ວ່າ​ໄວ​ໜຸ່ມ​ໄດ້​ເຮັດ​ຫຍັງ​ແດ່​ທີ່​ເປັນ​ຜົນ​ມາ​ຈາກ​ແຮງ​ບັນດານ​ໃຈ​ຈາກຂອງ​ເຈົ້າ ​ແລະ ຢາກ​ຈະ​ສົນທະນາ​ນຳ​ເຈົ້າ​ກ່ຽວ​ກັບ​ໂຄງການ​ທີ່​ໜ້າ​ຕື່ນ​ເຕັ້ນ​ອື່ນໆ ທີ່​ພວກ​ເຮົາ​ໄດ້​ວາງ​ແຜນ​ໄວ້.

​ເບັນ ​ເອັດ​ເວີ​ດ (Ben Edwards)

Posted on

ການຝ່າຝຶນພັນທະສາກົນ

ICJ-Legal Memorandum on SBລັດຖ​ະບານ​ແຫ່ງ ສປປ ລາວ ຍັງ​ໄດ້​ປະຕິ​ເສດ​ຕໍ່​ສາ​ທາ​ລະນະ ​ໂດຍ​ບໍ່​ຍອມຮັບ​ການ​ຊ່ວຍ​ເຫຼືອ​ຈາກ​ຜູ້​ຊ່ຽວຊານ​ຕ່າງປະ​ເທດ​​ເພື່ອ​ນຳ​ໃຊ້​ເຕັກນິກ​ເພື່ອ​ໃຫ້​ພາບ​ຈາກ​ກ້ອງ​ວົງ​ຈອນ​ປິດ​ທີ່​ບັນທຶກ​ນາ​ທີ​ທີ່​ສົມບັດ ສົມ​ພອນ “ຫາຍ​ຕົວ​ໄປ” ​ໃຫ້​ຈະ​ແຈ້ງ​ຂື້ນ, ນອກຈາກ​ຂໍ້​ເທັດ​ຈິງ​ທີ່​ວ່າ​ໄດ້​ມີ​ການ​ຍອມຮັບ​ກ່ອນ​ໜ້າ​ນີ້​ວ່າ​ຂາດ​ເຕັກນິກ​ທີ່​ຈະ​​ເຮັດ​ໃຫ້​ພາບ​ບັນທຶກ​ຈາກ​ກ້ອງ​ວົງ​ຈອນ​ປິດ​ແຈ້ງ​ຂື້ນ​ເພື່ອ​ໃຫ້​ສາມາດ​ລະບຸບຸກຄົນ ​ແລະ ລົດ​ທີ່​ປາກົດ​ໃຫ້​ເຫັນ​ໃນ​ນັ້ນ​ຊັດ​ເຈນ. ການ​ປະຕິ​ເສດ​ດັ່ງກ່າວ​ຂອງ​ລັດຖະບານ​ແຫ່ງ​ ສປປ ລາວ ​ໃນ​ການ​ໃຫ້ການ​ຮ່ວມ​ມື​ກັບ​ຜູ້​ຊ່ຽວຊານ​​ໃນການ​ວິ​ເຄາະ​ຫຼັກ​ຖານ ອາດ​ຈະ​ຖືກ​ຕີ​ຄວາມ​ວ່າ​ເປັນ​ການຝ່າ​ຝືນ​ພັນທະກໍລະນີ​ພາຍ​ໃຕ້ ICCPR, CAT ​ແລະ ມາດຖານຂອງ​ອະນຸ​ສັນຍາ ​ແລະ ຖະ​ແຫຼ​ງການ.

ຄະນະ​ກຳມະການ​ນັກ​ນິຕິສາດ​ສາກົນ (International Commission of Jurists) ​ໃນ “Legal Memorandum on the case of Sombath Somphone.” ຂ່າວ​ທີ່​ກ່ຽວຂ້ອງ​ສາມາດ​ເບິ່ງ​ໄດ້​ຢູ່​ບ່ອນ​ນີ້.

Posted on

ແດ່ ສົມບັດ… ຈາກ ບຣິດເຈັດ ຊີ

​ເຖິງ​ສົມບັດ,

ຈົດໝາຍ​ນີ້​ຂ້ອຍ​ຮ່າງ​ຂື້ນ​ຫຼາຍ​ຄັ້ງ​ໃນຄວາມ​ຄິດ​ຂອງ​ຂ້ອຍ. ມັນ​ເປັນ​ຈົດໝາຍ​ທີ່​ຂຽນ​ຍາກ, ຂ້ອຍ​ຢາກ​ບອກ​ເຈົ້າ​ດ້ວຍ​ໂຕຂ້ອຍ​ເອງ​ຖ້າ​ເປັນ​ໄປ​ໄດ້. ຂ້ອຍ​ບໍ່​ຈື່​ ວ່າ​ເຮົາ​ພົບ​ກັນ​ຄັ້ງ​ທຳ​ອິດ​ຕອນ​ໃດ,​​ ​ແຕ່​ຂ້ອຍ​ຈື່​ວ່າ​ເຮົາ​ນັ່ງ​ກິນ​ກາ​ເຟນຳ​ກັນ​ຫຼາຍ​ເທື່ອ​ຢູ່​ລະບຽງ​​ແຄມ​ທະ​ເລຢູ່​ທີ່​ພັກຂອງ​ຊຸຍ​ມິ​ງທີ່​​ເມືອງດິລີ (Dili) ​ເຊິ່ງ​ເປັນ​ບ່ອນ​ທີ່​ເຈົ້າ​ແລກປ່ຽນ​ພູມ​ປັນຍາ​ຂອງ​ເຈົ້າ​ໃຫ້​ຂ້ອຍ​ຟັງ​. ​ເຈົ້າ​ເລົ່າ​ໃຫ້​ຟັງ​ກ່ຽວ​ກັບສູ​ນປາ​ແດກ (PADETC) ​ແລະ ວຽກ​ງານ​ທີ່​ເຈົ້າ​ໄດ້​ເຮັດ​ຜ່ານ​ມາ. ຮອຍ​ຍິ້ມທີ່​ສະຫງົບ​​ ​- ​​​ແບບຄລາສິກ ສົມບັດ​ໃນ​ມາດ​​ສຸຂຸມ- ສື່​ໃຫ້​ເຫັນ​ເຖິງ​ຄວາມ​ອ່ອນ​ໂຍນ​ ​ແຕ່​ເຕັມ​ປ່ຽມ​ດ້ວຍຄວາມ​​ໜັກ​ແໜ້ນ​​ຂອງ​ເຈົ້າ​ທີ່​ມີ​ຕໍ່​ມຸມ​ມອງ​ກ່ຽວ​ກັບ​ຊີວິດ. ​ຕອນ​ນັ້ນລົມ​ຈາກ​ທະ​ເລ​ໄດ້​ພັດ​​ເອົາຊາຍ​ມາ​ຕິດ​ຢູ່​ປາກ​ຂອງ​ພວກ​ເຮົາ ຈື່​ໄດ້ວ່າ​ຕອນ​ນັ້ນເຈົ້າກຳລັງ​ນັ່ງ​ຮ່າງ​ແນວ​ຄິດ​ກ່ຽວ​ກັບ​ຄວາມສຸກ: ຫຼັງຄາ​ຂອງ​ຄວາFour Pillarsມສຸກ​ຕ້ອງ​ຢູ່​ເທິງ​ເສົາ​ຂອງ​ຈິດ​ໃຈ, ​ເສດຖະກິດ, ວັດທະນະທຳ, ​ແລະ ສິ່ງ​ແວດ​ລ້ອມ ​ໂດຍ​ມີ​ພື້ນຖານ​ສະ​ໜັບສະ​ໜູນ​​​ແມ່ນ​ການ​ສຶກສາ, ​ແນວ​ຄິດ​ນີ້​ເຮັດ​ໃຫ້​ເຈົ້າ​ໄດ້​ອຸທິດ​ຊີວິດ​ທີ່​ເຫຼືອ​ໃຫ້​ກັບ​ເພື່ອ​ນຮ່ວມ​ຊາດ​ລາວ​ຂອງ​ເຈົ້າ ​ເຊິ່ງ​ເຈົ້າກໍ​ໄດ້​ຮັບ​ໂອກາດ​ນັ້ນ. ​ເຈົ້າ​ເປັນຄົນ​ຂອງ​ແຜ່ນດິນ. ສິ່ງ​​ເຫຼົ່າ​ນີ້ ຊາວຕິ​ມໍ (Timorese) ສາມາດ​ຮັບ​ຮູ້​ໄດ້ທຸ​ກຄັ້ງ​ທີ່​ເຈົ້າ​ມາ​ຢາມ​ພວກ​ເຮົາ​ທີ່​ດິລີ (Dili). ຂ້ອຍ​ເປັນ​ລູກສິດ​ທີ່​​ໄດ້​ຮັບ​ສິດທິ​ພິ​​ເສດ ​ໂຊກ​ດີ​ທີ່​ຂ້ອຍ​ເປັນ​ຄົນ​ເປີດ​ຫູ ​​ແລະ ​ເປີດ​ໃຈ, ຂອບ​ໃຈ​ທີ່​ສຸດ.

ຫຼັງ​ຈາກ​ນັ້ນ ຂ້ອຍ​ໄດ້​​ເດີ​ນທາງ​ໄປ​ຢູ່​ປະ​ເທດ​ລາວ​ໜຶ່ງ​ເດືອນ ​ເພື່ອ​ສ້າງ​ສື່​ກ່ຽວ​ກັບ​ວຽກ​ງານ​ຂອງ​ສູນ​ປາ​ແດກ (PADETC) ​ເຊິ່ງ​ເປັນ​ໂອກາດ​ທີ່​ຂ້ອຍ​ໄດ້​​ເຂົ້າ​ໃຈ​ກ່ຽວ​ກັບປັດ​ສະຍາ​ຂອງ​ເຈົ້າ​ເລິກ​ເຊິ່ງຂື້ນ. ​ເລື່ອງ​ພູມ​ປັນຍາ​ທ້ອງ​ຖິ່ນ ​ເຈົ້າ​ໄດ້​ສົ່ງ​ເສີມ​​​​ໃນ​ສິ່ງ​ທີ່​ຈະ​ຊ່ວຍ​ໃຫ້​ຊຸມ​ຊົນໜຶ່ງໆ ພັດທະນາ​ຕົນ​ເອງ​ໄປ​ສູ່​ຄວາມ​ຍືນ​ຍົງ. ຂ້ອຍ​​ເຫັນ​ໃບ​ໜ້າຍີ້ມ​ແຍ້ມ​ເຈົ້າ​ແຈ່ມ​ໃສ​ຢ່າງ​ພາກພູມ​ໃຈ​​ໃນ​ຕອນ​ທີ່​ເຈົ້າ​ແນະນຳ​​ໃຫ້​ຮູ້ຈັກ​ກັບພະນັກງານ​ຄົນ​ຮຸ້ນ​ໃໝ່ ​ແລະ ອາສາ​ສະໝັກ​ໄວ​ໜຸ່ມ​ຂອງ​ເຈົ້າ. ພວກ​ເຂົາ​ແມ່ນ​ບັນດາ​ບຸກຄົນ​ທີ່​ເຈົ້າມີ​ຄວາມ​ຫວັງ​ວ່າ​ຈະ​ສາມາດ​ເຮັດ​ໃຫ້​ປະ​ເທດ​ລາວ​ເປັນ​ບ່ອນ​ທີ່​ໜ້າ​ຢູ່​ຫຼາຍ​ຂື້ນ.

​ແຕ່​ວ່າ​ມັນ​ບໍ່​ໄດ້​ເປັນ​ໄປ​ຕາມ​ທີ່​ເວົ້າ​ໄວ້​ສະ​ເໝີ​ໄປ. ຢູ່​ເຮືອນ​ຂອງ​ເຈົ້າ​ຂ້ອຍ​ເຄີຍ​ນັ່ງ​ຢູ່​ໂອນ​ຊາ​ເກົ່າໆ ​ແລະ​ຫັນ​ໜ້າ​ໄປ​ຫາ​ແມ່​ນ້ຳຂອງ ພ້ອມ​ທັງ​ເບິ່ງ​​ເພື່ອນ​ບ້ານ​ຂອງ​ເຈົ້າ​ກຳລັງ​ຫວ່ານ​ແຫ​ຈັບ​ປາ​ຢູ່​ທ່າມກາງ​ແສງ​ອາທິດ​ກຳລັງ​ຕົກ​ດິນ, ​ເຈົ້າ​​ເລົ່າ​ເຖິງ​ນ້ອງ​ທີ່​ເຈົ້າ​ເຄີຍ​ລ້ຽງດູ ​ແລະ​ຊ່ວຍ​ເຫຼືອ​ມາ. ​ເຈົ້າ​ເລົ່າ​ເຖິງຊີວິດ​ຂອງ​ເຈົ້າ​ຕອນ​ຢູ່ອີສ​ເວສ​ເຊັນ​ເຕີ (East West Centre) ​ເຊິ່ງ​ເປັນ​ບ່ອນທີ່​ຂ້ອຍ​ເອງ ຄັ້ງ​ໜຶ່ງກໍ​ເຄີຍ​ໄປ​ຮຽນ​ຢູ່​ທີ່​ນັ້ນ​ຄື​ກັນ. ຢູ່​ສະ​ຖານ​ທີ່​ດັ່ງກ່າວ ​ທີ່​ເຈົ້າ​ໄດ້​ພົບ​ກັບ​ຊຸ​ຍມິ​ງ ​ແລະ ຕົກ​ຫຼຸມ​ຮັກ​ກັບ​ລາວ. ​ເມື່ອ​ໃດ​ກໍ​ຕາມ​ທີ່​ພວກ​ເຈົ້າ​ທັງ​ສອງ​ຢູ່​ນຳ​ກັນ ຂ້ອຍ​ມັກ​ຈະ​ເວົ້າ​ຢອກ​ເລື່ອງ​ຜົມຫງອກຂອງ​ພວກ​ເຈົ້າທັງ​ສອງ ​ແລະ ຢອກ​ກັນ​ໄປ​ມາ ​ແລະ ຊຸຍ​ມິ​ງສະ​ແດງ​ອອກ​ດ້ວຍ​ຄວາມ​ຮັກ​​. ​ຕອນ​ທີ່​ລູກ​ຊາຍ​ຂອງ​ຂ້ອຍ​ໄດ້​ພົບ​ກັບ​ພວກ​ເຈົ້າ​ສອງ​ຄົນ​ຢູ່​ທີ່ສວນ​ລາບຣາດໍ​ (Labrador Park) ທີ່​ສິງກະ​ໂປ, ລາວ​ເອີ້ນ​ເຈົ້າ​ວ່າ “ລຸງ ຊົມ​ບັດ (Uncle Zombat)” ​ແລະ ​ເມຍ​ຂອງ​ເຈົ້າ “ປ້າ​ວໍ​ເຕີ (auntie Water).” ພວກ​ເຮົາ ​ຕົບ​ທ້າຍ​ການ​ທ່ຽວ​ຂອງ​ເຮົາ​ດ້ວຍ​ກະ​ແລ້​ມ ທີ່​ເປັນ​ນ້ຳ​ແຂັງ​ແຫ້ງ​ນຸ້ມໆ​ແຕ່​ມີ​ສີສັນ ​ແລະ ພວກ​ເຮົາ​ກໍ​ສັນຍາ​ວ່າ​ຈະ​ມາ​ພົບ​ກັນ​ອີກ. ຄຳ​ສັນຍາ​ນັ້ນ​ຍັງ​ຄົງ​ຢູ່. ພວກ​ເຂົາ​ອະທິຖານ​ວ່າ​ລຸງ​ຊົມ​ບັດ (Zombat) ຈະ​ກັບ​ມາ​ບ້ານ ​ປ້າ​ວໍ​ເຕີ​ຈະ​ບໍ່​ໄດ້​ຮ້ອງ​ໄຫ້​ອີກ​ຕໍ່​ໄປ. ພວກ​ເຮົາ​ຮັກ​ເຈົ້າ, ສົມບັດ.

ດ້ວຍ​ຄວາມ​ນັບຖື​ຢ່າງ​ສູງ,

ບຣິດ​ເຈດ, ນໍ​ແມນ & ​ເວລ (Bridgette, Norman & Val)