ຖະແລງການ & ຄໍາຮ້ອງຂໍ Archives - Page 3 of 6 - Sombath Somphone

(ປາຣີ) ສະຫະພາບ ເອີຣົບ ຕ້ອງ ໝັ້ນໃຈ ວ່າ ຣັດຖະບານ ລາວ ໃຫ້ ຄໍາໝັ້ນ ສັນຍາ ຢ່າງ ນັກແໜ້ນ ໄນ ກອງປະຊູມ ດ້ານ ສິດິ ມະນຸດ ທີ່ຈະ ມີຂື້ນ ຣະວ່າງ ສອງ ຝ່າຍ, ນີ້ ຄື ຄໍາຖແລງ ໃນ ວັນນີ້ ຂອງ ສະຫະພັນ ສິດທິ ມະນຸດນາໆ ຊາດ (FIDH) ແລະ ຂະບວນການ ລາວ ເພື່ອ ສິດທິ ມະນຸດ (ຂລສມ) ກອ່ນໜ້າ ຜົບປະ ສົນທະນາ ດ້ານ ສິດທິ ມະນຸດ ຄັ້ງທີ່ 6 ລະວ່າງ ສະຫະພາບ ເອີໂຣບ ແລະ ສປປ ລາວ ຊື່ງ ຈະ ຈັດຂື້ນ ໃນ ວັນທີ່ 6 ພືສະຈິກາ ທີ່ ວຽງຈັນ. ກອ່ນ ການ ພົບພໍ້ ສົນທະນາ ເຖີງ ສະຖານະການ ດ້ານ ສິດທິ ມະນຸດ ລະຫວ່າງ ສອງຝ່າຍ ຄັ້ງນີ້, ສະຫະພັນ ສິດທິ ມະນຸດນາໆ ຊາດ (FIDH) ແລະ ຂະບວນການ ລາວ ເພື່ອ ສິດທິ ມະນຸດ (ຂລສມ) ໃດ້ ສເນີ ລາຍງານ ຣວ່ມ ຢ່າງ ທີ່ຖວນ ເຖີງ ການ ລວ່ງ ລະເມີດ ສິດທິ ມະນຸດ ໃນ ສປປ ລາວ ນັບ ຕັ້ງແຕ່ ການ ພົບປະ ຄັ້ງ ເດືອນ ພຶສະພາ 2014.

ຈຳເປັນ ທີ່ສຸດ ທີ່ ສະຫະພາບ ເອີໂຣບ ຕອ້ງ ຕັ້ງ ເງື່ອນໄຂ ໃຫ້ ທາງການ ສປປ ລາວ ຣັບຣອງ ວ່າງ ມາດຕະການ ຢ່າງ ຈະແຈ້ງ ແລ້ວ ໄປ ປະຕິບັດ ຕາມ ຕາຕະລາງ ທີ່ ຖຶກກໍານົດ ໃວ້ ເພື່ອ ໃຫ້ ເຫັນຜົນ. ຖ້າ ບໍ່ ດັ່ງນັ້ນ, ກອງປະຊູມ ກ່ຽວກັບ ສິດທິ ມະນຸດ ນີ້ ກໍ່ ຈະ ກາຍເປັນ ຂັນຕອນ ທີ່ ບໍ່ມີ ຄວາມໝາຍ ໂດຍ ປາສະຈາກ ຜົນ ອັນ ເປັນຕົນ ເປັນໂຕ. ທ່ານ ກາຣີມ ລາຮີດຊີ, ປະທານ ສະຫະພັນ ສິດທິ ມະນຸດນາໆ ຊາດ

ນັບຕັ້ງແຕ່ ເດືອນ ພືສະພາ ປີ 2014 ເປັນຕົ້ນມາ, ຣັຖະບານ ສປປ ລາວ ໄດ້ ລົງມະຕິ ຣັບຣອງ ເອົາ ກົດໝາຍ ອັນ ເຄັ່ງຄັດ ດັ່ງ ຂໍ້ ດໍາຣັດ 327 ເພື່ອ ເພີ້ມ ທະວີ ຂະບວນ ກົດໝາຍ ປາບປາມ.

ທາງການ ສປປ ລາວ ໄດ້ ຈັບຕົວ ແລະ ກັກຂັງ ຫລາຍ ບຸຄົນ ດວ້ຍກັນ ທີ່ໄດ້ ກ່າວ ຕິຕຽນ ຣັຖະບານ ຫລື ໄດ້ ກ່າວ ຊັດທອດ ເຖີງ ລະບົບ ການ ສໍ້ລາດ ບັງຫລວງ. ທາງການ ສປປ ລາວ ຍັງສຶບຕໍ່ ປາບປາມ ຊົນ ສາສນາ ກູ່ມນອ້ຍ ໂດຍ ໄດ້ ຈັບຕົວ ຊາວ ຄຣີສ ຕັ້ງ ຫລາຍ ຄົນ ດວ້ຍກັນ. Continue reading “ການສົນທະນາ ກັບ ສະຫະພາບ ເອີໂຣບ ດ້ານ ສິດທິ ມະນຸດ ຕອ້ງ ຕາມ ດວ້ຍ ພາກ ປະຕິບັດ”

November 13, 2015December 26, 2015

ຈົດໝາຍເຖິງຜູ້ເຂົ້າຮ່ວມກອງປະຊຸມໂຕະມົນ ຜູ້ໃຫ້ທຶນຕໍ່ລາວ 2015

5 ພະຈິກ 2015

ໃນຂະນະທີ່ບັນດາທ່ານກະກຽມກອງປະຊຸມໂຕະມົນລະດັບສູງ ໃນປີນີ້, ພວກຂ້າພະເຈົ້າຢາກຂໍໃຫ້ ທ່ານອ່ານ ແລະລະລຶກເຖິງບົດກ່າວທີ່ ສົມບັດ ສົມພອນ ໄດ້ຂຶ້ນສະເໜີໃນກອງປະຊຸມປະຊາຊົນ ອາຊຽນ ຄັ້ງທີ 9 ທີ່ນະຄອນຫຼວງວຽງຈັນ, ສປປ ລາວ, ສາມປີທີ່ຜ່ານມາ.

ການກ່າວຄັ້ງນັ້ນ ເປັນຄັ້ງສຸດທ້າຍຂອງສົມບັດ ກ່ອນທີ່ເພິ່ນຈະຖືກເອົາຕົວໄປຈາກຖະໜົນກາງເມືອງ ທີ່ບັນດາທ່ານຫຼາຍຄົນໃຊ້ເດີນທາງໄປວຽກຢູ່ທຸກມື້ທຸກວັນ.

ພວກຂ້າພະເຈົ້າຂໍໃຫ້ທ່ານ ກ່າວຄືນຄຳເວົ້າຂອງສົມບັດ ໃນການຂຶ້ນກ່າວຂອງທ່ານທີ່ກອງປະຊຸມ ໂຕະມົນ.

ທີ່ສຳຄັນກວ່ານັ້ນ, ພວກຂ້າພະເຈົ້າຂໍໃຫ້ທ່ານປະສານແນວຄວາມຄິດຂອງສົມບັດ ເຂົ້າໃນ ນະໂຍບາຍ ແລະໂຄງການຂອງພວກທ່ານໃນ ສປປ ລາວ ດ້ວຍ.

ຂອບອົກຂອບໃຈ

ActionAid International
Alliance Sud
Asian Federation Against Involuntary Disappearances
Asia Indigenous People’s Pact
ASEAN Parliamentarians for Human Rights
CCFD-Terre Solidaire
Corner House
Dharmajala
Human Rights Watch
Earth Rights
Equality Myanmar
Equitable Cambodia
FIAN International
FIAN Germany
FIAN Netherlands
Focus on the Global South
Food First
Forum Asia
Friends of the Earth International
Friends of the Earth USA
Global Witness
Indian Social Action Forum
Institute for Advanced Sustainability Studies
International Network of Engaged Buddhists
Justice for Peace Foundation
Lao Movement for Human Rights
Ramon Magsaysay Award Foundation
Re:Common
Mekong Watch
The School for Wellbeing
The Sombath Initiative
Social Action for Change
Spirit in Education Movement
Transnational Institute
War on Want

Continue reading “ຈົດໝາຍເຖິງຜູ້ເຂົ້າຮ່ວມກອງປະຊຸມໂຕະມົນ ຜູ້ໃຫ້ທຶນຕໍ່ລາວ 2015”

September 16, 2015

ບົດຄຳເຫັນ ສະແດງຄວາມເປັນຫ່ວງ ຕໍ່ ສປປ ລາວ ແລະ ACSC/APF 2016

ເຖິງ ຄະນະກຳມະການຂັ້ນພາກພື້ນຂອງ ACSC/APF 2015 ມາເລເຊຍ

Mr. Jerald Joseph, Malaysia, RSC Chair
Pengiran Datin Paduka Hajah Mariam Pg Hj Matarsat, Brunei Darussalam, RSC Member Mr. Pen Somony, Cambodia, RSC Member
Ms. Mida Saragih, Indonesia, RSC Member
Dr. Maydom Chanthanasinh, Lao PDR, RSC Member
Mr. Aung Myo Min, Myanmar, RSC Member
Mr. Eduardo C. Tadem, Philippines, RSC Member
Mr. Soe Min Than, Singapore, RSC Member
Ms. Wanun Permpibul, Thailand, RSC Member
Ms. Nguyen Thi Hoang Van, Vietnam, RSC Member
Ms. Reileen Dulay, Regional, RSC Member
Ms. Nalini Singh, Regional, RSC Member
Mr. Gus Miclat, Regional, RSC Member

ພວກຂ້າພະເຈົ້າ ທີ່ລົງລາຍເຊັນຂ້າງລຸ່ມນີ້ ແມ່ນອົງການຈັດຕັ້ງທາງສັງຄົມ, ເຄືອຂ່າຍ, ແລະພັນທະ ມິດ ລະດັບຊາດ, ພາກພື້ນ, ແລະສາກົນ ທີ່ເຮັດວຽກໃນບັນດາປະເທດເອເຊຍຕາເວັນອອກສຽງໃຕ້, ແລະທັງເປັນຜູ້ຊຸກຍູ້ຂະບວນການຈັດຕັ້ງກອງປະຊຸມອົງການຈັດຕັ້ງທາງສັງຄົມອາຊຽນ ແລະກອງປະ ຊຸມ ປະຊາຊົນອາຊຽນ (ACSC/APF) ຕະຫຼອດໄລຍະ 10 ຜ່ານມາ, ຈາກ 2005 ຫາ 2015. ພ້ອມ ກັນກັບທ່ານ, ພວກຂ້າພະເຈົ້າມຸ່ງໝັ້ນໃນການສົ່ງເສີມ ACSC/APF ໃຫ້ເປັນຂະບວນການທີ່ຂັບ ເຄື່ອນ ໂດຍອົງການຈັດຕັ້ງທາງສັງຄົມ, ມີອິສະຫຼະ, ແລະເປັນບ່ອນທີ່ເປີດຮັບເອົາການສ້າງຊຸມຊົນ ແລະຄວາມສາມັກຄີກັນລະຫວ່າງປະຊາຊົນເອເຊຍຕາເວັນອອກສຽງໃຕ້.

ເຖິງແມ່ນວ່າພວກຂ້າພະເຈົ້າໄດ້ສະແດງຄວາມມຸ່ງໝັ້ນຕໍ່ຂະບວນການ ACSC/APF ຜ່ານມາໂດຍ ຕະຫຼອດ, ພວກຂ້າພະເຈົ້າຍັງຢາກຂໍສະແດງຄວາມກັງວົນຕື່ມອີກ ຕໍ່ກັບສະພາບຄວາມເປັນປະຊາທິ ປະໄຕ ແລະສິທິມະນຸດໃນ ສປປ ລາວ, ແລະຄວາມຫຍຸ້ງຍາກທີ່ພວກຂ້າພະເຈົ້າມອງເຫັນໃນການ ຈັດກອງປະຊຸມ ACSC/APF ໃນ ສປປ ລາວ ໃນປີ 2016 ນີ້. Continue reading “ບົດຄຳເຫັນ ສະແດງຄວາມເປັນຫ່ວງ ຕໍ່ ສປປ ລາວ ແລະ ACSC/APF 2016”

September 12, 2015December 29, 2015

ພັນມື້ ຜ່ານມາ ກໍຣະນີ ການບັງຄັບໃຫ້ຖືກ ຫາຍສາບສູນ ຂອງທ່ານ ສົມບັດ ສົມພອນ ສແດງຢ່າງຈະແຈ້ງ ເຖີງການປອ່ຍປະລະເມີດ ສັນຍາສາກົນຂອງລັຖະບານ ສປປ ລາວ

FIDH: 11 ກັນຍາ 2015

ມື້ນີ້, ເປັນມື້ ທີ່ 1000 ຊື່ງ ທ່ານ ສົມບັດ ສົມພອນ ຜູ້ນໍ່າ ຊື່ດັງ ອົງການ ປະຊາສັງຄົມ ໃດ້ ‘’ຫາຍສາບສູນ’’ ທີ່ ປອ້ມຍາມ ຕໍ່າຫລວດ ແຫ່ງນື່ງ ຂອງ ຖນົນ ໃຫຍ່ນື່ງ ທີ່ ນະຄອນ ວຽງຈັນ. ພວກ ຂ້າພະເຈົ້າ, ອົງການ ທີ່ມີ ລ່າຍຊື່ ຢູ່ຂ້າງ ລູ່ມນີ້, ຂໍ ຣຽກທວງ ອີກຄັ້ງນື່ງ ຕໍ່ ລັຖະບານ ສປປ ລາວ ໃຫ ເພີ້ມທະວີ ຄວາມ ພະຍາຍາມ ໃນການ ສືບສວນ ຄະດີ ຫາຍສາບສູນ ໂດຍຖືກ ບັງຄັບ ຂອງ ທ່ານ ສົມບັດ ຢ່າງ ຣີບດວ່ນ, ຢ່າງ ມີຄວາມ ເປັນທັມ ແລະ ຢ່າງມີ ປະສິດທິຜົນ, ທັ້ງນີ້ ກໍ່ ເພື່ອໃຫ້ ຊາບເຖີງ ຊາຕາກັມ ຂອງ ຜູ່ກ່ຽວ ແລະ ວ່າງ ມາຕະການ ທາງຄວນ ເພື່ອ ໄຕ່ສວນ ແລະ ນໍາເອົາ ຜູ້ ອັບພິດຊອບ ໃນ ເລື້ອງນີ້ ຂື້ນ ສານ.

ໃນ ໂອກາດ ກອງປະຊູມ ສອບສວນ ເຖີງ ສະຖານະພາບ ດ້ານ ສິດທິ ມະນຸດ ໃນ ສປປ ລາວ ຄັ້ງທີ່ ສອງ ເມື່ອ ມົກະຣາ ປີ 2015 ທີ່ ສະຫະປະຊາຊາດ ເມື່ອງ Genève, 10 ປະເທດ ພາຄີ ໄດ້ ສເນີ ໃຫ້ ທາງການ ສປປລາວ ສືບສວນ ເຖີງ ກໍລະນີ ຂອງ ທ່ານ ສົມບັດ. ນອກຈາກນັ້ນ ຍັງ ມີ ອີກ 5 ປະເທໄດ້ ຍົກເອົາ ບັນຫາ ດັ່ງກ່າວ ຂື້ນມາ ກ່າວ.

ພວກຂ້າພະເຈົ້າ ມີຄວາມ ສະທ້ານ ຕົກໃຈ ທີ່ ທາງການ ສປປ ລາວ ບໍ່ ສາມາດ ໃຫ້ຂ່າວ ຫລື ຂໍ້ມູນໃດໆ ເຖີງ ຄວາມ ຄືບໜາ ຂອງ ການສືບສວນ ນັບ ຕັ້ງແຕ່ ວັນທີ 7 ມິຖຸນາ ປີ 2013 ເປັນ ຕົ້ນມາ. ການ ຫລົມເຫລວ ອັນນີ້ ຍັງຈື້ງ ຢືນຢູ່ ເຖີງແມ່ນວ່າ ທາງການ ສປປລາວ ໃດ້ ຖແລງ ເນື່ອງໃນ ກອງປະຊູມ ສະຫະປະຊາຊາດ ສອບສວນ ດ້ານ ສິດທິ ມະນຸດ ສປປລາວ (UPR) ຄັ້ງ ເດືອນ ມິຖຸນາ 2015 ວ່າ ກໍ່າລັງ ມີການ ສືບສວນ ຢ່າງ ເອົາໃຈໄສ່ ເຖີງ ຊາຕາກັມ ຂອງ ທ່ານ ສົມບັດ. ບໍ່ເປັນ ການພຽງພໍ ທີ່ ສປປ ລາວ ພຽງຈະ ຢືນຢັນ ວ່າ ຕົນ ກໍ່າລັງ ທໍາການ ສືບສວນ ຄະດີ. ເງື່ອນໄຂ ທີ່ ສປປ ລາວ ຈໍາເປັນ ຕອ້ງປະຕິບັດ ຕໍ່ ກົດໝາຍ ສາກົນ ກໍ່ແມ່ນ ຕອ້ງ ທໍາການ ສືບສວນ ຢ່າງ ຣີບດວ່ນ ແລະ ແຈ້ງໃຫ້ ຄອບຄົວ ຂອງ ທ່ານ ສົມບັດ ຊາບເຖີງ ຄວາມ ຄືບໜ້າ ຂອງ ການ ສືບສວນ ດັ່ງກ່າວ. Continue reading “ພັນມື້ ຜ່ານມາ ກໍຣະນີ ການບັງຄັບໃຫ້ຖືກ ຫາຍສາບສູນ ຂອງທ່ານ ສົມບັດ ສົມພອນ ສແດງຢ່າງຈະແຈ້ງ ເຖີງການປອ່ຍປະລະເມີດ ສັນຍາສາກົນຂອງລັຖະບານ ສປປ ລາວ”

August 11, 2015May 8, 2018

ອອກສຽງ!

ບໍ່ມີຫຍັງທີ່ຈະສ້າງຄວາມເຂັ້ມແຂງໃຫ້ກັບ ອຳນາດການປົກຄອງ ໄດ້ດີເທົ່າກັບ ຄວາມງຽບ (ຂອງປະຊາຊົນ).

ລີໂອນາໂດ ດາ ວິນຊີ

ໃນຂະນະທີ່ອຳນາດການປົກຄອງໄດ້ປິດສຽງຂອງສົມບັດ, ຂໍຄວາມກະລຸນາທຸກຄົນມາຊ່ວຍປະຄັບ ປະຄອງສຽງ ແລະວິໄສທັດຂອງເພິ່ນໄວ້ ເພື່ອປະເທດ ແລະປະຊາຊົນຂອງເພິ່ນ.

ທ່ານສາມາດຂຽນຈົດໝາຍເຖິງສົມບັດ. ລາຍລະອຽດສາມາດເບິ່ງໄດ້ທີ່ນີ້, ແລະຕົວຢ່າງທີ່ນີ້. ຂໍ້ຄວາມ ສັ້ນກໍ່ສາມາດສົ່ງໄດ້, ຄືດັ່ງຕົວຢ່າງເຫຼົ່ານີ້ທີ່ໄດ້ສົ່ງໃຫ້ ຕົ້ນໄມ້ບັນດານໃຈ.

ຈົດໝາຍ ແລະຂໍ້ຄວາມສັ້ນ ຄວນເປັນສິ່ງທີ່ກ່ຽວກັບສົມບັດ, ວຽກຂອງເພິ່ນ, ແນວຄວາມຄິດຂອງ ເພິ່ນ, ຫຼືຄວາມໝາຍຂອງສິ່ງເຫຼົ່ານີ້ສຳລັບທ່ານ. ການຂຽນອາດເປັນພາສາລາວ ຫຼືອັງກິດ. ຈົດໝາຍ ສາມາດຍາວໄດ້ເຖິງ 500 ຄຳ, ຂໍ້ຄວາມສັ້ນ 50 ຄຳ.

ຈົດໝາຍ ແລະຂໍ້ຄວາມສັ້ນຄວນສ່ອງແສງເຖິງວິທີການເຮັດວຽກຂອງສົມບັດ: ຂໍ້ຄວາມດ້ານບວກທີ່ ສະແດງເຖິງຄວາມເອົາໃຈໃສ່ ຈະໄດ້ຮັບການພິຈາລະນາເປັນພິເສດ ກວ່າອັນທີ່ເປັນດ້ານລົບ ຫຼືກ່າວ ໂທດ.

ຈົດໝາຍ ແລະຂໍ້ຄວາມ ຄວນສົ່ງຫາ [email protected]. ຖ້າເປັນໄປໄດ້, ກະລຸນາສົ່ງຊື່ເຕັມຂອງ ທ່ານມາພ້ອມ. ແຕ່ທ່ານກໍ່ສາມາດສົ່ງມາແບບນິລະນາມ ຫຼືໃສ່ນາມປາກກາກໍ່ໄດ້ຖ້າຈຳເປັນ.

ຈົດໝາຍ ແລະຂໍ້ຄວາມສັ້ນທີ່ຖືກຄັດເລືອກຈະໄດ້ຖືກນຳລົງເວັບໄຊ Sombath.org. ແຕ່ລາຍລະອຽດຂອງທ່ານຈະບໍ່ໄດ້ຖືກ ເອົາລົງ.

July 4, 2015July 29, 2015

ສປປ ລາວ ເຍາະ ເຍື້ອຍ ການ ສຳຫລວດ ສະຖານະພາບ ດ້ານ ສິດທິມະນຸດ ຂອງ ອົງການ ສະຫະປະຊາຊາດ

FIDH-LMHR: 03 ກໍລະກະດາ 2015

ປາຣີ, 3 ກໍລະກະດາ 2015: ການ ປະຕິເສດ ຂອງ ທາງການ ສປປລາວ ທີ່ ບໍ່ ຍອມ ຮັບເອົາ ຂໍ້ ສເນີ ຂອງ ກອງປະຊຸມ ສໍາຫລວດ ຄັ້ງ ຫຼ້າສຸດນີ້, ໄດ້ ເຮັດໃຫ້ ການ ສໍາຫລວດ ຂອງ ອົງການ ສະຫະປະຊາຊາດ ກາຍເປັນ ເລື້ອງ ຕະລົກໄປ, ອີງຕາມ ຄໍາຖແລງ ຂອງ ສະຫະພັນ ສິດທິມະນຸດ ນາໆ ຊາດ (FIDH) ແລະ ຂະບວນ ການລາວ ເພື່ອສິດທິ ມະນຸດ (ຂລສມ).

“ທ່າທີ ແບບ ປົກປ້ອງ ຕົນເອງ ແລະ ຂໍ້ ປະຕິເສດ ໂດຍ ທົ່ວໄປ ຂອງ ຣັຖບານ ສປປ ລາວ ເຮັດໃຫ້ ການ ສໍາ ຫລວດ ເຖິງ ສະຖະນະພາບ ຂອງ ສປປ ລາວ ເປັນ ເໝືອນ ສາກ ລະຄອນ ຕະລົກ. ກອງປະຊຸມ ສໍາຫລວດ ຄັ້ງແລ້ວນີ້ ໄດ້ ສະແດງ ໃຫ້ ເຫັນ ເຖິງ ການທີ່ ທາງການ ວຽງຈັນ ບໍ່ ປາຖນາ ຢາກຈະ ແກ້ໄຂ ບັນຫາ ສໍາຄັນ ດ້ານ ສິດທິມະນຸດ ເລີຍ’,” ທ່ານ ກາລີມ ລາຣິດຊີ້ ປະທານ ສະຫະພັນ ສິດທິມະນຸດ ນາໆ ຊາດ (FIDH) ໄດ້ກ່າວ.

ໃນວັນທີ 23 ມີຖຸນາ, ສປປ ລາວ ໄດ້ຮັບ ເອົາ ຂໍ້ ສເນີ 116 ຂໍ້ ໃນຈໍານວນ ທັງໝົດ 196 ຂໍ້ ທີ່ຖຶກ ນຳ ສເນີ ທີ່ ກອງປະຊຸມ ສຳຫລວດ ຄັ້ງທີ ສອງ ເມື່ອ ເດືອນ ມົກະຣາ 2015 ທີ່ ຜ່ານມາ. ອີງຕາມ ທ່ານ ທອງພັນ ສວັນເພັດ, ຜູ້ ຕ່າງໜ້າ ສປປ ລາວ ທີ່ ອົງການ ສະຫະປະຊາຊາດ ທີ່ ເມືອງ Genève, “ຂໍ້ ສເນີ ອື່ນໆ 80 ຂໍ້ ນັ້ນ ບໍ່ ໄດ້ຮັບ ການ ສນັບ ສນູນ ຢ່າງ ເຕັມສ່ວນ ຈາກ ທາງການ.”

ຄຳຕອບ ຂອງ ຣັຖບານ ສປປ ລາວ ບໍ່ ພຽງພໍ ແຕ່ ປະການໃດ ເລີຍ ກ່ຽວກັບ ກໍຣະນີ ຫາຍສາບສູນ ແບບຖືກ ບັງຄັບ. ສປປ ລາວ ໄດ້ ປະຕິເສດ ບໍ່ຍອມ ຮັບ ຂໍ້ ສເນີຍ ທີ່ວ່າ ຢາກໃຫ້ ມີການ ສືບສວນ ເຖິງ ກໍຣະນີ ຫາຍ ສາບສູນ ໂດຍຖືກ ບັງຄັບ ດັ່ງກ່າວ, ໂດຍ ທາງການ ສປປ ລາວ ຖືວ່າ “ບໍ່ມີ ມູນຄວາມຈິງ’.” ເມື່ອ ຕອບໄປ ຕອບມາ, ທາງການ ສປປ ລາວ ຮັບຮູ້ ກໍຣະນີ ຫາຍສາບສູນ ຂອງ ທ່ານ ສົມບັດ ສົມພອນ, ແຕ່ຮັບເອົາ ຂໍ້ ສເນີ ພຽງ 4 ຂໍ້ ໃນຈໍານວນ ທັງໝົດ 10 ຂໍ້ ທີ່ ຮຽກທວງ ໃຫ້ມີ ການ ສືບສວນ ເຖິງ ການຫາຍ ສາບສູນ. ເພື່ອໃຫ້ ເຫດ ຜົນ ຂອງ ການ ປະຕິເສດ ບໍ່ ຮັບເອົາ ຂໍ້ ສນີ 6 ຂໍ້ ກຽວກັບ ກໍຣະນີ ທ່ານ ສົມບັດ, ທາງການ ສປປ ລາວ ກໍ່ ໄດ້ ແຕ່ ທໍາການ ໂຄຊະນາ ແບບລ້າ ສມັຍ ໂດຍ ບໍ່ ໄດ້ ໃຫ້ ຂໍ້ມູນ ໃໝ່ ໃດໆ ທັງຊິ້ນ ເຖິງ ຊາຕາກັມ ຂອງ ທ່ານ ສົມບັດ. ທາງການ ສປປ ລາວ ໄດ້ ກ່າວ ວ່າ ຄະນະ ກັມະການ ສືບສວນ “ພ້ອມແລ້ວ ທີ່ຈະຮັບ ຄຳ ແນະນໍາ ຈາກທຸກໆ ຝ່າຍ ແລະ ວ່າ ທາງ ເຈົ້າ ໜ້າທີ່ ກຳລັງ ດໍາເນີນ ການ ສືບສວນ ໃນ ເວລາ ປັດຈຸບັນ.” Continue reading “ສປປ ລາວ ເຍາະ ເຍື້ອຍ ການ ສຳຫລວດ ສະຖານະພາບ ດ້ານ ສິດທິມະນຸດ ຂອງ ອົງການ ສະຫະປະຊາຊາດ”

July 3, 2015August 3, 2015

ຄຳຊີ້ແຈງຕໍ່ UPR: ເຫດຜົນເກົ່າ ເວົ້າໃໝ່ ຍັງຟັງຂັດໆ

The Sombath Initiative: 02 ກໍລະກົດ 2015

ເຫດຜົນເກົ່າ ເວົ້າໃໝ່ ທີ່ຍັງຟັງຂັດໆ: ຄຳຊີ້ແຈງຂອງລັດຖະບານລາວ ຕໍ່ຂໍ້ແນະນຳຈາກກອງປະຊຸມທົບທວນ ປະຈຳໄລຍະດ້ານສິທິມະນຸດ ຮອບທີ 2

ໃນວັນທີ 24 ມິຖຸນາ, ລັດຖະບານລາວ ໄດ້ປະກອບຄຳຊີ້ແຈງຕໍ່ 196 ຂໍ້ແນະນຳ ຈາກກອງປະຊຸມທົບທວນ ປະຈຳໄລຍະ ຮອບທີ 2 ທີ່ໄດ້ຈັດຂຶ້ນເມື່ອເດືອນມັງກອນ ທີ່ນະຄອນເຈນີວາ. [1]

ໃນນັ້ນກໍ່ບໍ່ຄ່ອຍມີຫຍັງໃໝ່. ອັນທີ່ອາດພົ້ນເດັ່ນກວ່າໝູ່ອາດແມ່ນວາທະສາດທີ່ເອົາມາເວົ້າຄືນ, ທີ່ຍັງຟັງຂັດໆ ຢູ່.

ສົນທິສັນຍາສາກົນວ່າດ້ວຍການຄຸ້ມຄອງບຸກຄົນທຸກຄົນຈາກການຖືກບັງຄັບໃຫ້ສູນຫາຍ (ICPPED)

ລັດຖະບານລາວ ໄດ້ຕົກລົງວ່າຈະໃຫ້ສັດຕະຍາບັນ (ratify, ຮັບຮອງນຳໃຊ້) ຕໍ່ ICPPED ໃນກອງປະຊຸມ UPR ຮອບທີ 1 ເມື່ອປີ 2010. ເຖິງແມ່ນວ່າ ສຸດທ້າຍຈະບໍ່ໄດ້ໃຫ້ສັດຕະຍາບັນ, ແຕ່ກໍ່ອີກເທື່ອໜຶ່ງໄດ້ຮັບ ເອົາຂໍ້ແນະນຳໃຫ້ເຮັດແນວນີ້ ຈາກເນເທີແລນ, ແຄນາດາ, ອາເຈນຕີນາ ແລະສະເປນ (ຂໍ້ທີ 20, 21, ແລະ 27).

ແຕ່ ລັດຖະບານລາວ ບໍ່ຍອມຮັບເອົາຂໍ້ແນະນຳ ຈາກອູຣູກວາຍ (ຂໍ້ທີ 22) ທີ່ຂໍໃຫ້ມອບສັດຕະຍາບັນ ຕໍ່ສົນທິ ສັນຍາ ໂດຍບໍ່ມີຂໍ້ແມ້ໃດໆ, ໂດຍຊີ້ແຈງວ່າ ຕົນ “…ຈະໃຫ້ສັດຕະຍາບັນໄດ້ກໍ່ຕໍ່ເມື່ອ ໄດ້ສຶກສາກ່ຽວກັບ ສົນທິສັນຍາ ຢ່າງລະອຽດເສຍກ່ອນ.”

ອິຕາລີ, ບຣາຊິລ, ເຢຍລະມັນ ແລະຝຣັ່ງ (ຂໍ້ທີ 23-26) ກໍ່ໄດ້ແນະນຳໃຫ້ມອບສັດຕະຍາບັນຕໍ່ສົນທິສັນຍາ, ໄປພ້ອມໆກັບການສືບສວນກໍລະນີທີ່ກ່ຽວຂ້ອງຢ່າງເປັນກາງ ແລະລະອຽດຖີ່ຖ້ວນ.

ຂໍ້ແນະນຳເຫຼົ່ານີ້ ກໍ່ບໍ່ໄດ້ຖືກຮັບເອົາ ຍ້ອນວ່າ “ກໍລະນີທີ່ຖືກກ່າວຫານັ້ນ ໄດ້ຮັບການສືບສວນໂດຍເຈົ້າໜ້າທີ່ ກ່ຽວຂ້ອງແລ້ວ ແລະເຫັນວ່າຂໍ້ກ່າວຫາດັ່ງກ່າວບໍ່ແມ່ນຄວາມຈິງ.”

ICPPED ມີທັງໝົດ 18 ໜ້າ, 7,234 ຄໍາ. ເວລາ 5 ປີ ນັ້ນເຫຼືອເຟືອສຳລັບການສຶກສາຢ່າງລະອຽດ, ໂດຍສະ ເພາະ ເມື່ອໄດ້ລົງນາມໄປກ່ອນໜ້າແລ້ວ.

ນອກນັ້ນ, ຖ້າພົບວ່າການກ່າວຫາທັງໝົດທີ່ກ່ຽວຂ້ອງກັບອາຊະຍາກຳເປັນເລື່ອງ ບໍ່ເປັນຄວາມຈິງ, ຍ້ອນ ຫຍັງ ຈຶ່ງເປັນໄປບໍ່ໄດ້ທີ່ຈະໃຫ້ສັດຕະຍາບັນຕໍ່ສົນທິສັນຍາໂດຍບໍ່ມີຂໍ້ແມ້?

ສົມບັດ ສົມພອນ

ໃນຂໍ້ແນະນຳຈາກເຢຍລະມັນ, ລັກຊຳເບີກ, ໂປແລນ, ປໍຕຸເກດ, ສວີເດັນ, ສວິດເຊີແລນ, ອັງກິດ, ອອສເຕຣເລຍ, ການາດາ, ແລະຟິນແລນ (ຂໍ້ທີ 25, 94-101, 151) ໄດ້ສະເພາະເຈາະຈົງຮຽກຮ້ອງໃຫ້ລົງມື ສືບສວນທັນທີ ໂດຍນຳໃຊ້ທີມງານເອກະລາດ ຕໍ່ກໍລະນີການຫາຍສາບສູນຂອງ ສົມບັດ ສົມພອນ.

ຂໍ້ແນະນຳບາງອັນແມ່ນໄດ້ຖືກຮັບເອົາ, ແຕ່ບາງອັນກໍ່ບໍ່ຖືກຮັບ ຍ້ອນວ່າ “…ມີບາງສ່ວນນໍາໃຊ້ພາສາ ຫຼືສຳ ນວນ ທີ່ຍັງບໍ່ສະແດງເຖິງຄວາມເປັນຈິງໃນ ສປປ ລາວ.” Continue reading “ຄຳຊີ້ແຈງຕໍ່ UPR: ເຫດຜົນເກົ່າ ເວົ້າໃໝ່ ຍັງຟັງຂັດໆ”

May 23, 2015December 29, 2015

ຈົດໝາຍເປີດ ເຖິງຄະນະກຳມະການຄຸ້ມຄອງ ກອງປະຊຸມອົງການຈັດຕັ້ງທາງສັງຄົມອາຊຽນ/ກອງປະຊຸມພາກປະຊາສັງຄົມອາຊຽນ (ACSC/APF)

22 ພຶສະພາ 2015

ສະມາຊິກຄະນະກຳມະການຄຸ້ມຄອງກອງປະຊຸມທີ່ຮັກແພງ,

ອີງຕາມສິ່ງທີ່ພວກເຮົາເຂົ້າໃຈ, ໃນຂະນະນີ້ ທ່ານກຳລັງປະເຊີນກັບການຕັດສິນໃຈ ວ່າຈະຈັດກອງ ປະຊຸມປະຈຳປີ 2015 ຂອງທ່ານທີ່ ສປປ ລາວ ຫຼືບໍ່. ພວກເຮົາຂໍສະເໜີປະສົບການ ແລະຄວາມເປັນ ຫ່ວງເປັນໃຍຂອງພວກເຮົາໃນເລື່ອງນີ້.

ຊ່ວງເວລາກ່ອນກອງປະຊຸມພາກປະຊາສັງຄົມເອເຊຍ-ຢູໂຣບ ຄັ້ງທີ 9 (AEPF9) ທີ່ໄດ້ຈັດຂຶ້ນໃນປີ 2012, ຫຼາຍຄົນໄດ້ຕັ້ງຄຳຖາມວ່າ ສປປ ລາວ ເປັນບ່ອນຈັດທີ່ເໝາະສົມບໍ່. ສ່ວນຄົນອື່ນ, ລວມທັງ ສົມບົດ ສົມພອນ, ຜູ້ທຳໜ້າທີ່ເປັນຜູ້ຮ່ວມຈັດຝ່າຍລາວ, ໂຕ້ວ່າ ເຖິງແມ່ນວ່າຈະມີສິ່ງທ້າທາຍຫຼາຍ ອັນ, ກອງປະຊຸມອາດເປັນໂອກາດອັນດີສຳລັບອົງການຈັດຕັ້ງທາງສັງຄົມລາວທີ່ຈະໄດ້ພັດທະນາ ຄວາມສຳພັນທັງພາຍ ແລະກັບຕ່າງປະເທດ.

ຕະຫຼອດໄລຍະຂອງຂະບວນການວາງແຜນ, ສະມາຊິກ AEPF ໄດ້ຮັບການຢືນຢັນຈາກລັດຖະບານ ລາວ ວ່າຈະບໍ່ມີການແຊກແຊງໃດໆທັງນັ້ນ. ເນື້ອໃນເອກະສານທີ່ແຈກຢາຍໃຫ້ກັບຜູ້ເຂົ້າຮ່ວມກໍ່ຍັງ ລະບຸວ່າ:

AEPF9 ແນໃສ່ຮັບປະກັນສະພາບແວດລ້ອມທີ່ປອດໄພ ທີ່ຜັກດັນການຮຽນຮູ້ ແລະການທົບທວນ, ແລະສະໜອງ ພື້ນທີ່ໃຫ້ກັບການແລກປ່ຽນທີ່ເປີດເຜີຍ, ເຄົາຣົບເຊິ່ງກັນ ແລະກັນ, ມີຄວາມຫຼາກຫຼາຍ, ແລະສ້າງສັນ. ພວກເຮົາສະໜັບສະໜຸນ ຄວາມສາມັກຄີ, ຄວາມເຫັນອົກເຫັນໃຈ, ແລະຄວາມເຂົ້າ ໃຈ, ໃນຂະນະທີ່ຮັບຮູ້ເຖິງຈຸດແຂງຂອງຄວາມຫຼາກຫຼາຍ ແລະຄວາມສາມັກຄີ ເພື່ອການພັດທະນາທີ່ ສັນຕິ ແລະຍືນຍົງ.

ໜ້າເສຍດາຍທີ່ຄວາມເປັນຈິງປາກົດອອກມາຕ່າງຈາກນັ້ນ. ພະນັກງານລັດຖະບານ ມີໜ້າຢູ່ທຸກງານ, ຫຼາຍຄັ້ງສວມບົດບາດເປັນປະຊາຊົນ. ຜູ້ເຂົ້າຮ່ວມຄົນລາວທີ່ກ່າວຄຳເຫັນຂອງຕົນ ຫຼາຍຄັ້ງຖືກຕໍ່ວ່າ ຫຼືຕຳໜິ, ແລະມີກໍລະນີໜຶ່ງທີ່ຖືກດ່າ ແລະຮັບຂໍ້ຄວາມຂູ່ເຂັ້ນ. ການແປພາສາຈາກພາສາລາວ ຫຼືເປັນ ພາສາລາວ ຫຼາຍຄັ້ງແມ່ນຖືກຄັດຈ້ອນ ຫຼືບິດເບືອນ, ແລະການແຈກຢາຍເອກະສານສຳຄັນກໍ່ຖືກ ຫ້າມ.
Continue reading “ຈົດໝາຍເປີດ ເຖິງຄະນະກຳມະການຄຸ້ມຄອງ ກອງປະຊຸມອົງການຈັດຕັ້ງທາງສັງຄົມອາຊຽນ/ກອງປະຊຸມພາກປະຊາສັງຄົມອາຊຽນ (ACSC/APF)”

May 19, 2015December 26, 2015

ລາງວັນພິເສດສຳລັບ ສົມບັດ

ມື້ນີ້ຂ້າພະເຈົ້າຢືນຢູ່ຕໍ່ໜ້າບັນດາທ່ານດ້ວຍຄວາມເຄົາລົບ ແລະ ດ້ວຍຄວາມໂສກເສົ້າເລັກນ້ອຍທີ່ເປັນ ຂ້າພະເຈົ້າຜູ້ທີ່ມາຮັບ ລາງວັນພິເສດເພື່ອສິດທິມະນຸດນີ້ ແທນທີ່ຈະເປັນ ສົມບັດ ຜູ້ເປັນສາມີຂອງຂ້າພະເຈົ້າ ເຊິ່ງໂອກາດແບບນີ້ຈະເຕັມປ່ຽມໄປ ດ້ວຍຄວາມສຸກ ແລະ ມີກຽດຫງ່າທີ່ສຸດຖ້າຫາກສົມບັດ ໄດ້ ມາຮັບລາງວັນນີ້ດ້ວຍຕົວລາວເອງ ແຕ່ກໍໜ້າເສຍດາຍທີ່ ສະຖານະການບໍ່ເອື້ອອຳນວຍ. ສົມບັດໄດ້ຖືກບັງຄັບໃຫ້ຫາຍ ຕົວໄປຕໍ່ໜ້າປ້ອມຕຳຫຼວດເມື່ອສອງປີກ່ອນ…

…ສົມບັດ ເວົ້າຕະຫຼອດວ່າການພັດທະນາ ແລະ ຄວາມກ້າວໜ້າບໍ່ສາມາດເກີດຂື້ນໄດ້ໂດຍການນຳໃຊ້ແຕ່ ຄວາມຮູ້ທາງວິຊາການ ແລະ ວິທະຍາສາດເທົ່ານັ້ນ ແຕ່ຕ້ອງມີຮາກຖານມາຈາກຄຸນຄ່າທາງຈິດໃຈ ກໍຄືຄວາມມີເມດຕາ, ຈິດໃຈທີ່ອ່ອນໂຍນ, ການເຄົາລົບນັບຖືຕໍ່ສິ່ງຊີວິດຕ່າງໆ (ທັງມະນຸດ ແລະ ສັດ) ແລະ ຕໍ່ທຳມະຊາດ.

ຈາກ ບົດກ່າວຂອງ ນາງ ອຶງ ຊຸຍມິງ ໃນງານມອບ-ຮັບ ລາງວັນກວາງຈູ ຈາກມູນນິທິສິບແປດພຶດສະພາ

January 20, 2015September 2, 2015

145 ອົງການ: ການບັງຄັບຫາຍສາບສູນ ຂອງສົມບັດສົມພອນ ເປັນໃຈກາງ ຂອງການ ປະຊຸມທົບທວນການປະຕິບັດ ວຽກງານດ້ານ ສິດທິມະນຸດສາກົນ ກ່ຽວກັບລາວ

The Sombath Initiative: 20 ມັງກອນ 2015

ພວກເຮົາທີ່ລົງລາຍເຊັນຂ້າງລຸ່ມນີ້ ຮຽກຮ້ອງມາ ຍັງທ່ານ ໃຫ້ພິຈາລະນາແກ້ໄຂ ການ ຫາຍສາບສູນຂອງສົມບັດສົມພອນ ຢູ່ໃນ UPR ກ່ຽວກັບ ສປປລາວ ຂອງວັນທີ 20 ມັງກອນ 2015 ທີ່ຈະມາເຖິງນີ້

ກ່ຽວກັບການຫາຍສາບສູນໂດຍບັງຄັບ ແມ່ນອາຊະຍາກຳ ທີ່ໜ້າຢ້ານກົວ ມັນເປັນສ່ວນ ນຶ່ງທີ່ບໍ່ຫຼາຍທີ່ຖືກຮັບຮູ້ໃນ ລະດັບສາກົນ ວ່າເປັນ ການບໍ່ມີເຫດຜົນ ຈັກດີ້ [1]

ອາຊະຍາກຳນີ້ ບໍ່ແມ່ນກະທົບແຕ່ຜູ້ຮັບເຄາະຮ້າຍ ມັນກໍແມ່ນອາຊະຍາກຳ ທີ່ກະທົບຕໍ່ ຄອບຄົວຂອງ ຜູ້ຮັບເຄາະຮ້າຍທີ່ ປັດສະຈາກເຫດຜົນ ການແກ້ໄຂບັນຫາ ຫຼື ບໍ່ມີພາຫາ ນະ ການຊ່ວຍແກ້ ແລະເຮັດໃຫ້ມີການຢ້ານກົວ ແລະ ການຂົ່ມຂູ່. ໃນເຫດຜົນອັນດຽວ ກັນນັ້ນ ກໍແມ່ນອາຊະຍາກຳ ຕໍ່ສັງຄົມຢ່າງກວ້າງຂວາງ ແລະ ເປັນສ່ວນນຶ່ງຂອງການ ທຳຮ້າຍທີ່ລາມອອກໄປ ແລະ ມີລະບົບການກະທົບຕໍ່ປະຊາຊົນພົນລະເຮືອນ ເປັນອາ ຊະຍາກຳ ຕໍ່ ມະນຸດຊາຕ

ສົມບັດສົມພອນຖືກຮັບຮູ້ຢ່າງກວ້າງຂວາງສຳລັບວຽກງານຂອງລາວ ທີ່ເປັນວຽກງານປະ ດິດສ້າງຂອງການດຳລົງຊີວິດ ແລະ ມີຜົນສຳເລັດຢ່າງໜ້າສັນລະເສີນໃນດ້ານກະສິກຳ ຍຶນຍົງ ການພັດທະນາຊຸມຊົນ ແລະ ມີຫຼາຍທາງເລືອກ ມີການປະກອບສ່ວນ ຂອງ ຄົນສ່ວນຫຼາຍ ແລະ ມີການສຶກສາໃຫ້ເຍົາວະຊົນ. ສົມບັດສົມພອນໃຫ້ຮັບການສັນລະ ເສີນ ຈາກຫຼາຍທາງ ລວມທັງ ໄດ້ຮັບຮາງວັນ ໄຣມົງແມັກໄຊໄຊ ໃນປີ 2005 ກ່ຽວ ກັບ ການເປັນຜູ້ນຳຊຸມຊົນ

ຍ້ອນວ່າມີການຮັບຮູ້ ແລະ ການເຄົາລົບນັບຖື ການຫາຍສາບສູນຂອງສົມບັດສົມພອນ ຈຶ່ງໄດ້ນຳມາຊຶ່ງ ຄວາມສົນໃຈທີ່ມີຄວາມໝາຍ ແລະ ການບໍ່ລົດລະ ອອກມາທົ່ວໂລກ [2] Continue reading “145 ອົງການ: ການບັງຄັບຫາຍສາບສູນ ຂອງສົມບັດສົມພອນ ເປັນໃຈກາງ ຂອງການ ປະຊຸມທົບທວນການປະຕິບັດ ວຽກງານດ້ານ ສິດທິມະນຸດສາກົນ ກ່ຽວກັບລາວ”