Author: rsbtws

Posted on

ຫ້າປີຂອງຄວາມງຽບ…

ຫ້າປີກ່ອນ, ສົມບັດ ສົມພອນ ໄດ້ໃຫ້ ປາຖະກະຖາຕໍ່ໄປນີ້ ໃນກອງປະຊຸມປະຊາຊົນອາຊີ-ເອີຣົບ.

ຈະມີຜູ່ໃຫ້ທຶນ, ນັກການທູດ, ຫຼືອົງການຈັດຕັ້ງທາງສັງຄົມ ຫຼາຍປານໃດໃນລາວ ທີ່ຈະເຜີຍແຜ່ຄຳເວົ້າຂອງເພິ່ນໃນມື້ນີ້?

 

 

 

ສິ່ງທ້າທາຍຕໍ່ການຫຼຸດຜ່ອນຄວາມທຸກຍາກແລະການພັດທະນາແບບຍືນຍົງ – ມຸມມອງຈາກປະເທດລາວ

ໂດຍ ອາຈານ ສົມບັດ ສົມພອນ 

ຜູ້ກໍ່ຕັ້ງແລະທີ່ປຶກສາໃຫ້ແກ່ສູນຝກຶ ອົບຮົມຮ່ວມພັດທະນາແບບມີສ່ວນຮ່ວມ (PADETC) 

ກອງປະຊຸມເວທີພາກປະຊາຊົນອາຊີ-ເອີຣົບຄັ້ງທີ 9  (AEPF9)

16-19 ເດືອນຕຸລາ ປີ 2012

ທີ່ນະຄອນຫຼວງວຽງຈັນ, ສ.ປ.ປ ລາວ 

ຮຽນພະນະທ່ານ. ດຣ. ທອງລຸນ ສີສຸລິດ, ຮອງນາຍຍົກລັດຖະມົນຕີ, ລັດຖະມົນຕີວ່າການກະຊວງການຕ່າງ ປະເທດ, ທີ່ນັບຖື;

ສະແດງຄວາມນັບຖືມາຍັງບັນດາຫມູ່ເພື່ອນ ແລະ ເພື່ອນຮ່ວມງານໃນ ສ.ປ.ປລາວ, ຈາກທະວີບອາຊີ ແລະ ເອີຣົບ;

ບັນດາທ່ານຍິງ ແລະ ທ່ານຊາຍທີ່ນັບຖືແລະຮັກແພງ…

ຂ້າພະເຈົ້າຮູ້ສຶກ ເປັນກຽດ ແລະ ມີຄວາມປິຕິຍິນດີ ເປັນຢ່າງຍິ່ງ ທີ່ໄດ້ຕ້ອນຮັບບັນດາທ່ານສູ່ປະເທດນ້ອຍໆ ຂອງພວກຂ້າພະເຈົ້າ ທີ່ມີປະຊາຊົນທີ່ມີນິໄສອ່ອນໂຍນ ແລະເຕັມດ້ວຍນ້ໍາໃຈອັນດີງາມ. ຂ້າພະເຈົ້າໄດ້ຮັບກຽດ ເປັນຕົວແທນຄົນລາວເຂົ້າຮ່ວມໃນກອງປະຊຸມພາກປະຊາຊົນ ອາຊີ- ເອີຣົບ ເພື່ອແລກປ່ຽນຄວາມຄິດເຫັນກັບ ບັນດາທ່ານ ໃນການເຮັດວຽກຮ່ວມກັນ ເພື່ອກ້າວໄປສູ່ການຫຼຸດຜ່ອນຄວາມທຸກຍາກ ແລະ ການສ້າງອະນາຄົດທີ່ ຍືນຍົງເພື່ອພວກເຮົາເອງ ແລະເພື່ອລູກຫຼານ. Continue reading “ຫ້າປີຂອງຄວາມງຽບ…”

Posted on

ປະເທດລາວ ນຳໜ້າອາຊຽນ ໃນດ້ານການຊ່ວຍເຫຼືອດ້ານການພັດທະນາຢ່າງເປັນທາງການ ຕໍ່ຫົວຄົນ

[et_pb_section bb_built=”1″ _builder_version=”3.0.67″][et_pb_row use_custom_gutter=”on” gutter_width=”2″ background_position_1=”top_left” background_position_2=”top_left” background_repeat_1=”no-repeat” background_repeat_2=”no-repeat” _builder_version=”3.0.67″][et_pb_column type=”1_3″][et_pb_text _builder_version=”3.0.76″ text_font_size=”20″ header_font_size=”75px” background_layout=”light” border_style=”solid” module_alignment=”left”]

ອັນດັບ

53

ຈາກ

155

ປະເທດ

ປະເທດລາວ ໃນດ້ານການຊ່ວຍເຫຼືອ ດ້ານການ ພັດທະນາຢ່າງເປັນທາງການ ຕໍ່ຫົວຄົນ

[/et_pb_text][et_pb_text _builder_version=”3.0.76″ custom_padding=”20px|||” background_layout=”light” border_style=”solid” module_alignment=”left”]

ຫມາຍ​ເຫດ​: ນີ້ແມ່ນອີກໜຶ່ງໃນຊຸດຫົວຂໍ້ວ່າດ້ວຍ “ປະເທດລາວ ໃນດ້ານຕົວເລກ”. 

ພວກເຮົາຍິນດີຮັບຄຳເຫັນ ແລະຄຳແນະນຳ.

[/et_pb_text][/et_pb_column][et_pb_column type=”2_3″][et_pb_text _builder_version=”3.0.76″ background_layout=”light” border_style=”solid” module_alignment=”left”]

ສປປ ລາວ ຖືກຈັດຢູ່ໃນອັນດັບທີ 53 ຈາກ 155 ປະເທດ ໃນດ້ານການຊ່ວຍເຫຼືອດ້ານການພັດທະນາ ຢ່າງເປັນທາງການ (ODA) ຕໍ່ຫົວຄົນ, ເຊິ່ງ ໝາຍຄວາມວ່າ ເປັນປະເທດທີ່ໄດ້ຮັບການຊ່ວຍເຫຼືອ ຫຼາຍທີ່ສຸດໃນອາຊີຕາເວັນອອກສຽງໃຕ້, ແລະໃນ ອາຊຽນ ໂດຍລວມ.

ODA ຖືເປັນການວັດແທກການຊ່ວຍເຫຼືອດ້ານການ ພັດທະນາ ເຊິ່ງລວມເອົາທັງການຊ່ວຍເຫຼືອລ້າ ແລະ ການສຳປະທານກູ້ຢືມ. ນິຍາມລະອຽດ ແມ່ນສາມາດ ອ່ານໄດ້ ທີ່ນີ້.

ໃນປີ 2014, ODA ທີ່ໃຫ້ຕໍ່ປະເທດລາວ ລວມເປັນ ເງິນ 70.62 ໂດລາ ຕໍ່ຫົວຄົນ, ເຊິ່ງຖືເປັນຈຳນວນ 1 ສ່ວນ 3 ສູງກວ່າປະເທດອາຊຽນ ອື່ນໆ. ODA ທີ່ ປະເທດອາຊຽນອື່ນໆ (ທີ່ໄດ້ຮັບການຈັດອັບດັບ) ໄດ້ ຮັບລວມມີ: ກຳປະເຈຍ = US$ 52.15 (ອັນດັບ 66), ຫວຽດນາມ = US$ 46.49 (ອັນດັບ 73), ພະມ້າ = US$25.83 (ອັນດັບ 100), ໄທ = US$ 5.19 (ອັນດັບ 133), ສິງກະໂປ = US$ 4.73 (ອັນ ດັບ 135), ມາເລເຊຍ = US$ 0.40 (ອັນດັບ 148), ອິນໂດນີເຊຍ = US$ -1.53 (ອັນດັບ 151).

ODA ໄດ້ເພີ່ມຂຶ້ນເຈັດເທົ່າ ໃນສາມທົດສະວັດທີ່ ຜ່ານມາ, ຈາກ US$ 10.05 ໃນປີ 1984 ມາເປັນ US$ 45.16 ໃນປີ 1994, ແລະ US$ 47.69 ໃນປີ 2004.

ບົດຫຍໍ້ກ່ຽວກັບການຊ່ວຍເຫຼືອຕ່າງປະເທດຕໍ່ລາວ ໂດຍອົງການ Mekong Watch ແມ່ນສາມາດອ່ານ ໄດ້ ທີ່ນີ້.

[/et_pb_text][et_pb_comments _builder_version=”3.0.67″ show_avatar=”off” show_reply=”on” show_count=”on” background_layout=”light” border_style=”solid” custom_button=”off” button_letter_spacing=”0″ button_icon_placement=”right” button_letter_spacing_hover=”0″ /][/et_pb_column][/et_pb_row][/et_pb_section]

Posted on

ສະພາຢູໂຣບ ລົງມະຕິ ປະນາມ ຣັຖບາລລາວ

ວິທະຍຸເອເຊຍເສລີ: 19 ກັນຍາ 2017ສະພາຢູໂຣບ ອະທິບາຍ ໃນມື້ວັນທີ 14 ກັນຍາ 2017 ທີ່ເມືອງ ສະຕຣາສບວກ ປະເທສ ຝຣັ່ງເສດ ເຣຶ່ອງການລະເມີດ ສິດທິມະນຸດ ຢູ່ ປະເທສລາວ ແລະໄດ້ລົງມະຕິ ປະນາມ ຣັຖບາລ ສປປລາວ ແລະຮຽກຮ້ອງ ໃຫ້ປ່ອຍ ຄົນງານລາວ 3 ຄົນ ທີ່ຖືກ ທາງການລາວ ຕັດສິນ ລົງໂທດ ຈໍາຄຸກ ເປັນເວລາດົນນານ ນັ້ນ ຢ່າງຮີບດ່ວນ ແລະ ບໍ່ມີເງື່ອນໄຂ.

ບັນດາຜູ້ເຂົ້າຮ່ວມ ກອງປະຊຸມ ສະພາຢູໂຣບ ຕ່າງກໍເວົ້າ ການລະເມີດ ສິດທິມະນຸດ ຢູ່ ສປປລາວ ເປັນຕົ້ນການເຮັດ ໃຫ້ ທ່ານ ສົມບັດ ສົມພອນ ຫາຍສາບສູນ, ການຈັບກຸມ ແລະຕັດສິນ ລົງໂທດ ຈໍາຄຸກ ຄົນງານລາວ 3 ທີ່ ກັບມາຈາກ ປະເທສໄທ ຢ່າງ ໜັກໜ່ວງ ຄື: ທ້າວ ສົມພອນ ພິມມະສອນ, ນາງຫລອດຄໍາ ທໍາມະວົງ ແລະ ທ້າວ ສຸການ ໃຈທັດ ທີ່ຖືກຈັບຕົວ ໃນຕົ້ນປີ 2016 ໃນຂໍ້ຫາ ວິພາກວິຈານ ພັກ-ຣັຖ ເຣື່ອງການ ສໍ້ຣາສບັງຫຼວງ, ການລະເມີດ ສິດທິມະນຸດ ຜ່ານທາງ ເຟສບຸກ ແລະ ໄດ້ເຂົ້າຮ່ວມ ການຊຸມນຸມ ປະທ້ວງ ຣັຖບານ ຢູ່ຕໍ່ໜ້າ ສະຖານທູດ ສປປ ລາວ ທີ່ບາງກອກ ປະເທດໄທ ໃນມື້ວັນທີ 2 ທັນວາ 2015. ຜູ້ແທນທ່່ານນຶ່ງ ທີ່ເຂົ້າຮ່ວມ ກອງປະຊຸມສະພາ ຢູໂຣບເວົ້າວ່າ:

“ທ່ານກ່າວວ່າ ຢູ່ລາວບໍ່ມີພຽງແຕ່ ກໍຣະນີ 3 ຄົນນີ້ ແຕ່ຍັງມີການບັງຄັບໃຫ້ ຫາຍສາບສູນ ຫລາຍຄົນ. ນຶ່ງໃນນັ້ນແມ່ນ ນັກເຄື່ອນໄຫວ ເພື່ອສິ່ງແວດລ້ອມ ຊຶ່ງ ທ່ານ ສົມພອນ ສັນຕິສຸກ ຜູ້ຄັດຄ້ານ ໂຄງການ ກະສິກັມ ໃຫຍ່ໆ ທີ່ບໍຣິສັດ ຕ່າງປະເທສ ລົງທຶນ”. Continue reading “ສະພາຢູໂຣບ ລົງມະຕິ ປະນາມ ຣັຖບາລລາວ”

Posted on

ລັດຖະສະພາຢູໂຣບ (2)

ລັດຖະສະພາຢູໂຣບ: 14 ກັນຍາ 2017

(Unofficial translation. English original is here)

P8_TA-PROV(2017)0350

ປະເທດລາວ, ໂດຍສະເພາະກໍລະນີຂອງ ສົມພອນ ພິມມະສອນ, ໂລດ ທຳມະວົງ, ແລະສຸກັນ ໄຈທັດ

ມະຕິລັດຖະສະພາຢູໂຣບ ຂອງວັນທີ 14 ກັນຍາ 2017 ຕໍ່ປະເທດລາວ, ໂດຍສະເພາະກໍລະນີຂອງ ສົມພອນ ພິມມະສອນ, ໂລດ ທຳມະວົງ, ແລະສຸກັນ ໄຈທັດ (2017/2831(RSP))

ລັດຖະສະພາຢູໂຣບ,

  • ໂດຍອີງຕາມ ມະຕິຕໍ່ປະເທດລາວ ສະບັບກ່ອນ,
  • ໂດຍອີງຕາມ ຜົນຂອງກອງປະຊຸມຄັ້ງທີ 8 ຂອງຄະນະກຳມະການຮ່ວມລະຫວ່າສະຫະພາບຢູໂຣບ ແລະ ສປປ ລາວ ທີ່ໄດ້ຈັດຂຶ້ນໃນວຽງຈັນ ໃນວັນທີ 17 ກຸມພາ 2017,
  • ໂດຍອີງຕາມ ບົດກ່າວຂອງຄະນະຜູ່ແທນຂອງສະຫະພາບຢູໂຣບ ຕໍ່ ສປປ ລາວ ທີ່ໄດ້ກ່າວໃນ ວຽງຈັນ ໃນວັນເສລີພາບສື່ໂລກ, 3 ພຶສະພາ 2017,
  • ໂດຍອີງຕາມ ຖະແຫຼງການສະຫະປະຊາຊາດ ວ່າດ້ວຍຜູ່ປົກປ້ອງສິທິມະນຸດ ປີ 1998,
  • ໂດຍອີງຕາມ ຖະແຫຼງການສະຫະປະຊາຊາດ ວ່າດ້ວຍສິທິມະນຸດ ວັນທີ 10 ທັນວາ 1948,
  • ໂດຍອີງຕາມ ສົນທິສັນຍາສາກົນ ວ່າດ້ວຍສິດດ້ານພົນລະເມືອງ ແລະການເມືອງ ປີ 1966,
  • ໂດຍອີງຕາມ ສັນຍາການຮ່ວມມືລະຫວ່າງ ສະຫະພາບຢູໂຣບ ແລະ ສາທາລະນະລັດ ປະຊາທິປະໄຕ ປະຊາຊົນລາວ ວັນທີ 1 ທັນວາ 1997,
  • ໂດຍອີງຕາມ ກົດບັດອາຊຽນ,
  • ໂດຍອີງຕາມ ລະບຽບ 135(5) ແລະ 123(4) ຂອງລະບຽບຂັ້ນຕອນ,

A. ໃນກໍລະນີທີ່ ໃນເດືອນມີນາ 2017 ກຳມະກອນລາວ 3 ຄົນຄື ທ້າວ ສົມພອນ ພິມມະສອນ, ທ້າວ ສຸກັນ ໄຈທັດ, ແລະນາງ ລົດ ທຳມະວົງ ໄດ້ຖືກລົງໂທດເປັນການຈຳຄຸກເປັນເວລາລະຫວ່າງ 12 ແລະ 20 ປີ ພ້ອມທັງປັບໄໝເປັນມູນຄ່າທຽບເທົ່າກັບຫຼາຍສິບພັນຢູໂຣ ດ້ວຍສາເຫດຈາກການວິຈານ ລັດຖະບານ ກ່ຽວພັນກັບການສໍ້ລາດບັງຫຼວງ, ການທຳລາຍປ່າໄມ້, ແລະການລະເມີດສິທິມະນຸດ, ໂດຍຜ່ານສື່ສັງຄົມອອນລາຍ ໃນຂະນະທີ່ເຮັດວຽກຢູ່ປະເທດໄທ; ໃນກໍລະນີທີ່ ທັງສາມຄົນຖືກກ່າວ ຫາວ່າມີສ່ວນຮ່ວມໃນການປະທ້ວງຕໍ່ຕ້ານລັດຖະບານ ຢູ່ນອກສະຖານທູດລາວໃນປະເທດໄທ ໃນ ເດືອນທັນວາ 2015;

Continue reading “ລັດຖະສະພາຢູໂຣບ (2)”

Posted on

ສາກົນທວງຖາມເຣື້ອງ ທ.ສົມບັດ ສົມພອນ

ວິທະຍຸເອເຊຍເສລີ: 30 ສິງຫາ 2017

ນທີ 30 ສິງຫາ ຢູ່ບາງກອກ ປະເທດໄທ ຈັດງານລຳລຶກ ວັນສາກົນ ເພື່ອ ຜູ້ເຄາະຮ້າຍ ຈາກການຖືກບັງຄັບ ໃຫ້ຫາຍສາບສູນ. (Note: The event was about enforced disappearance in Thailand, and did not address Sombath or Laos specifically.)

ເນື່ອງໃນວັນສາກົນ ເພື່ອຜູ້ເຄາະຮ້າຍ ຈາກການຖືກບັງຄັບ ໃຫ້ຫາຍສາບສູນ ວັນທີ 30 ສິງຫາ, ກຸ່ມອົງການ ສິດທິມະນຸດ ຍັງຄົງຮວມ ໂຕກັນ ເພື່ອ ທວງຖາມເລື້ອງ ທ່ານ ສົມບັດ ສົມພອນ ນັກພັທນາ ອາວຸໂສ ຂອງລາວ ຜູ້ທີ່ຖືກລັກພາໄປ ເປັນເວລາ ເກືອບ 5 ປີ.

ທ່າວ ຟິລ ໂຣເບິດເຊິນ, ຮອງຜູ້ອຳນວຍການ ອົງການສິ້ງຊອມ ດ້ານສິດທິມະນຸດປະຈຳເຂດ ເອເຊັຽປາຊິຝິກ ທີ່ມີຫ້ອງການຢູ່ບາງກອກ ປະເທດໄທ ໄດ້ກ່າວຕໍ່ ເອເຊັຽເສຣີ ວ່າ:

“ເຮົາກະເລີຍ ຕ້ອງວາງແຜນ ກັບຄອບຄົວ ຂອງທ່ານ ສົມບັດ ແລະກໍຂອງພັນທະມິດ ໃນພາກເອກຊົນ ແລະກໍພາກ… ສັງຄົມ ທັງຫຼາຍ  ທີ່ເຂົາຈະຮວມໂຕກັນ ເພື່ອຈະຜັກດັນ ໃຫ້ຣັຖບານ ທາງອີ່ຢູ໋, ອະເມຣິກາ, ອັອສເຕຣເລັຽ, ນິວ ຊີແລນດ໌, ຄານາດາ ແລະ ປະເທສອື່ນໆ ທີ່ກໍເປັນ ຄົນທີ່ລົງທຶນ ໃນປະເທສລາວ ຍົກປະເດັນ ນີ້ ຂຶ້ນມາ.”

ເຖິງເວລາຈະຜ່ານໄປ ແຕ່ກໍຍັງບໍ່ມີໃຜລືມ ທ່ານ ສົມບັດ ຍ້ອນວ່າ ທ່ານເປັນບຸກຄົນ ທີ່ມີບົດບາດໃນອາຊຽນ, ດັ່ງ ທ່ານ ຟິລ ໂຣເບິດເຊິນ ໄດ້ກ່າວຕື່ມອີກວ່າ:

“ຕ້ອງມີການຣະດົມ ແບບເຕັມທີ່ ເພາະວ່າ ບັນຫາ… ຖ້າມັນ ອີກຫຼາຍປີໄປ, ຣັຖບານລາວ ກໍຢາກໃຫ້ ທຸກຄົນລືມ, ເຂົາເວົ້າ ແບບນັ້ນ ໂດຍກົງ… ເຮົາກະເລີຍ ລືມບໍ່ໄດ້… ທ່ານ ສົມ ບັດ ສົມພອນ ເປັນເພື່ອນ, ເປັນອ້າຍ, ເປັນຄົນທີ່ສອນ, ເປັນຄຣູ, ເປັນອາຈານ… ມີຫຼາຍ ບົດບາດ ໃນສັງຄົມລາວ ແລະ  ສັງຄົມ ຂອງເອເຊັຽ ຕາເວັນອອກ ສ່ຽງໃຕ້, ເຮົາເຫັນວ່າເຂົາກໍຕ້ອງຮັບກຽດ ທີ່ຈະມີຄວາມຈິງ ຄວາມແຈ່ມ ແຈ້ງ ໃນສິ່ງທີ່ເກີດຂຶ້ນ ກັບເຂົາ ແລະ ແມ່ນໃຜ ເປັນຜູ້ກະທໍາ ໃຫ້ເຂົາ… ເປັນແນວນັ້ນນະ.”

ທ່ານ ສົມບັດ ສົມພອນ ນັກພັທນາອາວຸໂສ ດີເດັ່ນຂອງລາວ ເຈົ້າຂອງຣາງວັນ ແມັກໄຊໄຊ ອາວອດ ສາຂາການພັທນາຊຸມຊົນ ຖືກລັກພາ ຕົວໄປໃນວັນທີ 15 ທັນວາ 2012 ເວລາປະມານ 6 ໂມງແລງ ຢູ່ຕໍ່ໜ້າປ້ອມຍາມ ຕຳຣວດ ໃກ້ກັບໂຮງຮຽນ ການຊ່າງ ລາວເຢັຽຣະມັນ ຖະໜົນທ່າເດືອນ ເມືອງສີສັດຕະນາກ ນະຄອນຫລວງວຽງຈັນ. ອີງຕາມຫລັກຖານ ຈາກກ້ອງວົງຈອນປິດ.

ນອກຈາກນີ້ ໃນວັນທີ 30 ສິງຫາ ຢູ່ບາງກອກ, ປະເທດໄທ ຈະມີງານລຳລຶກ ວັນສາກົນ ເພື່ອຜູ້ເຄາະຮ້າຍ ຈາກການຖືກບັງຄັບ ໃຫ້ຫາຍ ສາບສູນ ໂດຍແມ່ນ ອົງການ ມູລນິທິ ວັທນະທັມຂ້າມຊາດ ຫລື CrCF, ສະມາຄົມ ທະນາຍຄວາມ ເພື່ອສິດທິມະນຸດ, ເຄືອຂ່າຍ ປະຕິ ຮູບທີ່ດິນ ພາກອີ່ສານ, ອົງການ ນິຣະໂທສກັມ ສາກົນ ປະເທດໄທ, ຫ້ອງການ ສິດທິມະນຸດ ຂອງ ສະຫະປະຊາຊາດ ປະຈຳ ປະເທດໄທ ເປັນຜູ້ຈັດ.

ໃນງານດັ່ງກ່າວ ບັນດາຜູ້ເຂົ້າຮ່ວມ ຈະເວົ້າເລື້ອງບັນຫາ ການບັງຄັບບຸກຄົນ ໃຫ້ຫາຍສາບສູນ ແລະ ຈະມີການອອກຖະແຫລງການ ຮ່ວມກັນ.

Posted on

ບໍ່ມີຂໍ້ແກ້ຕົວໃດທີ່ຖືກ ຕໍ່ການບໍ່ໃຫ້ສັດຕະຍາບັນຕໍ່ສົນທິສັນຍາວ່າດ້ວຍການປົກປ້ອງທຸກບຸກຄົນຈາກການບັງຄັບສູນຫາຍ

29 ສິງຫາ 2017: OHCHR

(ຂໍ້ສັງເກດ: ສປປ ລາວ ໄດ້ໃຫ້ຄຳໝັ້ນສັນຍາສອງຄັ້ງແລ້ວວ່າຈະໃຫ້ສັດຕະຍາບັນ ໃນການທົບທວນສາກົນເປັນໄລຍະ, ແຕ່ຍັງບໍ່ໄດ້ລົງມືປະຕິບັດເທື່ອ.)

ໃນເວລາທີ່ການບັງຄັບຫາຍສາບສູນ ເປັນສິ່ງທີ່ປະຕິບັດກັນທຸກພາກພື້ນ, ແລະກຳລັງແຜ່ຫຼາຍໃນຫຼາຍປະເທດ, ກຸ່ມຊ່ຽວ ຊານດ້ານສິທິມະນຸດຂອງອົງການສະຫະປະຊາຊາດ ຮຽກຮ້ອງໃຫ້ປະເທດສະມາຊິກ ໃຫ້ສັດຕະຍາບັນຕໍ່ສົນທິສັນຍາວ່າ ດ້ວຍການປົກປ້ອງທຸກບຸກຄົນຈາກການບັງຄັບສູນຫາຍ.

ເພື່ອເປັນການລຳລຶກເຖິງວັນຜູ່ຖືກເຄາະຮ້າຍຈາກການບັງຄັບຫາຍສາບສູນ ສາກົນ, ຊ່ຽວຊານອົງການສະຫະປະຊາຊາດ ເນັ້ນວ່າ: “ມັນເປັນສິ່ງທີ່ຮັບບໍ່ໄດ້ທີ່ຈົນຮອດປີ 2017 ແລ້ວ ການບັງຄັບຫາຍສາບສູນຍັງເປັນສິ່ງທີ່ເກີດຂຶ້ນຢູ່. ທຸກວັນ ເຮົາ ໄດ້ຂ່າວກໍລະນີບຸກຄົນຖືກຫາຍສາບສູນຈາກທົ່ວໂລກ. ເມື່ອສິ່ງນີ້ເກີດຂຶ້ນ, ຊີວິດຂອງຄົນທັງຄອບຄົວແຕກສະຫຼາຍເປັນ ຊິ້ນໆ, ແລະອົງປະກອບຂອງສັງຄົມກໍ່ຖືກທຳລາຍ. ສິ່ງນີ້ຕ້ອງຢຸດ, ແລະໂດຍການໃຫ້ສັດຕະຍາບັນຕໍ່ສົນທິສັນຍານີ້ ປະເທດສະມາຊິກຈະສາມາດເລີ່ມປູທາງໃຫ້ກັບການບັນລຸເປົ້າໝາຍອັນນີ້.” Continue reading “ບໍ່ມີຂໍ້ແກ້ຕົວໃດທີ່ຖືກ ຕໍ່ການບໍ່ໃຫ້ສັດຕະຍາບັນຕໍ່ສົນທິສັນຍາວ່າດ້ວຍການປົກປ້ອງທຸກບຸກຄົນຈາກການບັງຄັບສູນຫາຍ”

Posted on

ປະເທດລາວ ຍັງຈັດຢູ່ໃນແຖວທ້າຍໃນການຈັດ “ອັນດັບຄວາມເປັນປະຊາທິປະໄຕ” ຂອງວາລະສານ The Economist

[et_pb_section bb_built=”1″ _builder_version=”3.0.67″][et_pb_row use_custom_gutter=”on” gutter_width=”2″ background_position_1=”top_left” background_position_2=”top_left” background_repeat_1=”no-repeat” background_repeat_2=”no-repeat” _builder_version=”3.0.67″][et_pb_column type=”1_3″][et_pb_text _builder_version=”3.0.76″ text_font_size=”20″ header_font_size=”75px” background_layout=”light” border_style=”solid” module_alignment=”left”]

ອັນດັບ

151

ຈາກ

167 

ປະເທດ

ປະເທດລາວ ຈາກການຈັດ “ອັນດັບຄວາມເປັນ ປະຊາທິປະໄຕ“ ຂອງໜ່ວຍຂ່າວກຣອງ ຂອງ ວາລະສານ The Economist ປີ 2016

[/et_pb_text][et_pb_text _builder_version=”3.0.76″ custom_padding=”20px|||” background_layout=”light” border_style=”solid” module_alignment=”left”]

ຫມາຍ​ເຫດ​: ນີ້ແມ່ນຫົວຂໍ້ທີສອງໃນຊຸດຫົວຂໍ້ວ່າດ້ວຍ “ປະເທດລາວ ໃນດ້ານຕົວເລກ”. 

ພວກເຮົາຍິນດີຮັບຄຳເຫັນ ແລະຄຳແນະນຳ.

[/et_pb_text][/et_pb_column][et_pb_column type=”2_3″][et_pb_text _builder_version=”3.0.76″ background_layout=”light” border_style=”solid” module_alignment=”left”]

ປະເທດລາວ ຈັດຢູ່ໃນອັນດັບ 151 ຈາກ 167 ປະເທດ ໃນການຈັດ “ອັນດັບຄວາມເປັນປະຊາ ທິປະໄຕ” ຂອງໜ່ວຍຂ່າວກຣອງ ຂອງວາລະສານ The Economist ປີ 2016. ການຈັດອັນດັບນີ້ ຮວມເອົາ 60 ກຸ່ມຕົວຊີ້ວັດ ເຂົ້າເປັນຫ້າປະເພດ, ເຊິ່ງມີຄະແນນ ຈາກ 0 ຫາ 10 ສຳລັບແຕ່ລະປະເພດ

  • 8.00 ຫາ 10.00 = ປະຊາທິປະໄຕເຕັມຕົວ
  • 6.00 ຫາ 8.00 = ປະຊາທິປະໄຕທີ່ມີຂໍ້ ບົກພ່ອງ
  • 4.00 ຫາ 6.00 = ລະບອບການປົກຄອງ ແບບປະສົມປະສານ
  • 0.00 ຫາ 4.00 = ລະບອບການປົກຄອງ ແບບຜະເດັດການ

ຄະແນນລວມຂອງ ສປປ ລາວ ແມ່ນ 2.37 ເຊິ່ງເຮັດ ໃຫ້ປະເທດລາວ ຈັດຢູ່ໃນລະບອບການປົກຄອງ ແບບຜະເດັດການ:

ລະບອບການປົກຄອງແບບຜະເດັດການ ແມ່ນ ປະເທດທີ່ ການເມືອງແບບຫຼາຍຝ່າຍ ໄດ້ຫາຍ ສາບສູນໄປ ຫຼືມີຈຳກັດທີ່ສຸດ. ປະເທດເຫຼົ່ານີ້ ມັກຈະ ເປັນຜະເດັດການສົມບູນ, ອາດມີສະຖາບັນປະຊາ ທິປະໄຕ ຕາມທຳນຽມ ແຕ່ບໍ່ມີຄວາມສຳຄັນ, ການ ລະເມີດເສລີພາບພົນລະເຮືອນ ແມ່ນມີເປັນປົກກະຕິ, ການເລືອກຕັ້ງ (ຖ້າໄດ້ຈັດ) ແມ່ນບໍ່ມີເສລີພາບ ແລະ ບໍ່ເປັນທຳ, ສື່ ມັກຈະຢູ່ພາຍໃຕ້ການຄຸ້ມຄອງຂອງລັດ ຫຼືຄວບຄຸມໂດຍກຸ່ມທີ່ມີສ່ວນກ່ຽວຂ້ອງກັບລະບອບທີ່ ປົກຄອງຢູ່, ລະບົບຕຸລາການ ແມ່ນບໍ່ມີອິສະຫຼະ, ແລະມີການກວດສອບຢູ່ທຸກຢ່າງ ແລະມີການ ປາບປາມການວິຈານລັດຖະບານ.

ປະເພດທັງຫ້າ, ແລະຄະແນນຂອງປະເທດລາວ ມີຄື:

  • ຂະບວນການເລືອກຕັ້ງ ແລະຄວາມມີຫຼາຍ ພັກ = 0.83
  • ການເຮັດວຽກຂອງລັດຖະບານ = 2.86
  • ການມີສ່ວນຮ່ວມດ້ານການເມືອງ = 1.67
  • ວັດທະນະທຳການເມືອງ = 5.00
  • ເສລີພາບພົນລະເຮືອນ = 1.47

ມີພຽງແຕ່ສິບ ໃນ 167 ປະເທດ ເທົ່ານັ້ນ ທີ່ຈັດຢູ່ ອັນດັບຕ່ຳກວ່າປະເທດລາວ ໃນດ້ານເສລີພາບ ພົນລະເຮືອນ, ແລະມີພຽງສອງ ປະເທດທີ່ຕ່ຳກວ່າໃນ ດ້ານການມີສ່ວນຮ່ວມດ້ານການເມືອງ.

ໃນຂະນະທີ່ເກົາຫຼີເໜືອ ຖືກຈັດຢູ່ໃນອັນດັບຕ່ຳທີ່ສຸດ ໃນລາຍການ, ປະເທດລາວ ຖືກຈັດຢູ່ໃນອັນດັບຕ່ຳ ທີ່ສຸດໃນປະເທດອາຊີຕາເວັນອອກສຽງໃຕ້. ອັນດັບ ຂອງປະເທດເພື່ອນບ້ານ (ພ້ອມຄະແນນ) ລວມມີ:

  • ຈີນ = ອັນດັບ 136 (3.14)
  • ຫວຽດນາມ = ອັນດັບ 131 (3.38)
  • ພະມ້າ = ອັນດັບ 113 (4.20)
  • ກຳປູເຈຍ = ອັນດັບ 112 (4.27)
  • ໄທ = ອັນດັບ 100 (4.92)

ຄະແນນຂອງປະເທດລາວ ມີການປ່ຽນແປງໜ້ອຍ ຫຼາຍ ນັບແຕ່ໄດ້ມີການຈັດອັນດັບໃນປີ 2006. ຕັ້ງແຕ່ປີນັ້ນ ຈົນເຖິງ 2011 ຄະແນນຂອງປະເທດ ຄົງ ຢູ່ທີ່ 2.10. ໃນປີ 2012, ໄດ້ຫຍັບຂຶ້ນເປັນ 2.32 ກ່ອນທີ່ຈະຕົກລົງໄປທີ່ 2.21 ໃນປີ 2015, ແລ້ວຫຍັບ ຂຶ້ນມາເປັນ 2.36 ໃນປີ 2016.

[/et_pb_text][et_pb_comments _builder_version=”3.0.67″ show_avatar=”off” show_reply=”on” show_count=”on” background_layout=”light” border_style=”solid” custom_button=”off” button_letter_spacing=”0″ button_icon_placement=”right” button_letter_spacing_hover=”0″ /][/et_pb_column][/et_pb_row][/et_pb_section]

Posted on

ປະເທດລາວ ຈັດຢູ່ໃນແຖວທ້າຍ ຂອງລາຍການ “ປະເທດທີ່ດີທີ່ສຸດສຳລັບທຸລະກິດ” ຂອງວາລະສານ Forbes

[et_pb_section bb_built=”1″][et_pb_row _builder_version=”3.0.76″ use_custom_gutter=”on” gutter_width=”2″][et_pb_column type=”1_3″][et_pb_text _builder_version=”3.0.76″ text_font_size=”20″ header_font_size=”75px” background_layout=”light” border_style=”solid” module_alignment=”left” saved_tabs=”all”]

ອັນດັບ

134

ຈາກ

139

ປະເທດ

ປະເທດລາວ ຈາກການຈັດອັນດັບ “ລາຍການ ປະເທດທີ່ດີທີ່ສຸດສຳລັບທຸລະກິດ” ຂອງວາລະສານ Forbes ປີ 2017

[/et_pb_text][et_pb_text _builder_version=”3.0.76″ custom_padding=”20px|||” saved_tabs=”all” background_layout=”light” border_style=”solid”]

ຫມາຍ​ເຫດ​: ນີ້ແມ່ນຫົວຂໍ້ທໍາອິດໃນຊຸດຫົວຂໍ້ວ່າດ້ວຍ “ປະເທດລາວ ໃນດ້ານຕົວເລກ”

ພວກເຮົາຍິນດີຮັບຄຳເຫັນ ແລະຄຳແນະນຳ.

[/et_pb_text][/et_pb_column][et_pb_column type=”2_3″][et_pb_text _builder_version=”3.0.76″ background_layout=”light” border_style=”solid”]

ວາລະສານ Forbes ໄດ້ຈັດອັນດັບປະເທດລາວ ເກືອບຕ່ໍາສຸດໃນລາຍການ ປະເທດທີ່ດີທີ່ສຸດສຳລັບ ທຸລະກິດ ສຳລັບປີ 2017. ມີແຕ່ເວເນຊູເອລາ, ຢີເມັນ, ໄຮຕິ, ແກມເບຍ, ຊາດ ເທົ່ານັ້ນທີ່ຖືກຈັດຢູ່ຕ່ຳ ກວ່າ. ປະເທດເພື່ອນບ້ານຄື ກຳປູເຈຍ ຖືກຈັດຢູ່ທີ 123, ຈີນ ຢູ່ທີ 102, ຫວຽດນາມ ທີ່ 98, ແລະໄທ ທີ່ 67. ສະວີເດັນ, ນິວ ຊີແລນ, ແລະຮ່ອງກົງ ຖືກຈັດຢູ່ ສູງທີ່ສຸດ.

ປະເທດລາວ ຍັງຖືກຈັດຢູ່ໃນອັນດັບຕ່ຳຫຼາຍ ທາງ ດ້ານຕົວຊີ້ວັດຮອງ ໃນດ້ານເສລີພາບການຄ້າ (ອັນດັບ 124), ເທັກໂນໂລຈີ (ອັນດັບ 120), ລະບຽບລັດ (ອັນດັບ 123), ການປົກປ້ອງນັກລົງທຶນ (ອັນດັບ 127), ການສໍ້ລາດບັງຫຼວງ (ອັນດັບ 127), ແລະເສລີພາບສ່ວນບຸກຄົນ (ອັນດັບ 128). ອັນດັບ ທີ່ລາວ ໄດ້ຖືກຈັດສູງທີ່ສຸດແມ່ນດ້ານຜົນໄດ້ຮັບທາງ ການຕະຫຼາດ, ທີ່ອັນດັບ 87.

ເນື້ອໃນກ່ຽວກັບປະເທດ ທີ່ປະກອບໃສ່ໃນການຈັດ ອັນດັບມີຄື:

ລັດຖະບານລາວ, ໜຶ່ງໃນປະເທດຄອມມູນິສ໌ ພັກດຽວ ທີ່ເຫຼືອບໍ່ພໍເທົ່າໃດປະເທດ, ໄດ້ເລີ່ມຫັນຈາກການ ຄຸ້ມຄອງແບບລວມສູນ ແລະສົ່ງເສີມທຸລະກິດ ເອກະຊົນ ໃນປີ 1986. ການຂະຫຍາຍຕົວເສຖະກິດ ສະເລ່ຍຢູ່ທີ່ 6% ຕໍ່ປີ ໃນຊ່ວງປີ 1988-2008 ຍົກ ເວັ້ນໃນຊ່ວງຕົກຕ່ຳໄລຍະສັ້ນ ທີ່ມີສາເຫດມາຈາກ ວິກິດການເງິນເອເຊຍ ທີ່ເລີ່ມໃນປີ 1997. ການ ຂະຫຍາຍຕົວຂອງປະເທດລາວ ໃນຊ່ວງຫຼັງນີ້ ຖືວ່າ ເປັນອັນໜຶ່ງທີ່ໄວທີ່ສຸດໃນເອເຊຍ ແລະສະເລ່ຍ ເກືອບ 8% ຕໍ່ປີ ໃນທົດສະວັດຜ່ານມານີ້. ເຖິງແນວ ນັ້ນ, ປະເທດລາວ ຍັງຄົງເປັນປະເທດທີ່ມີການ ພັດທະນາໂຄງລ່າງພື້ນຖານຕ່ຳ, ໂດຍສະເພາະໃນ ເຂດຫ່າງໄກ. ມີລະບົບຫົນທາງແບບພື້ນຖານ ເຊິ່ງ ກຳລັງໄດ້ຮັບການປັບປຸງ, ແລະມີສາຍໂທລະຄົມ ພາຍໃນ ແລະຕ່າງປະເທດທີ່ຈຳກັດ. ໄຟຟ້າສະໜອງ ໃຫ້ໄດ້ 83% ຂອງປະຊາກອນ. ກະສິກຳ ທີ່ກວມເອົາ ການປູກເຂົ້າໃນພື້ນທີ່ຮາບພຽງເປັນສ່ວນຫຼາຍ ນັບ ເປັນປະມານ 25% ຂອງຜະລິຕະພັນພາຍໃນ ແລະ 73% ຂອງວຽກ. ເສຖະກິດລາວ ອີງໃສ່ການສົ່ງອອກ ຊັບພະຍາກອນທຳມະຊາດທີ່ຕ້ອງໃຊ້ການລົງທຶນສູງ. ເສຖະກິດຂອງປະເທດ ໄດ້ປະໂຫຍດຈາກການລົງ ທຶນໂດຍກົງຈາກສາກົນທີ່ມີຊື່ສຽງໂດ່ງດັງ ໃນດ້ານ ເຂື່ອນໄຟຟ້າຕາມລຳແມ່ນ້ຳຂອງ, ການຂຸດຄົ້ນທອງ ແດງ ແລະຄຳ, ການຕັດໄມ້, ແລະການກໍ່ສ້າງ. ແຕ່ ບາງໂຄງການເຫຼົ່ານີ້ ໄດ້ຮັບການວິຈານກ່ຽວກັບຜົນ ກະທົບທາງສິ່ງແວດລ້ອມ. ປະເທດລາວ ໄດ້ຮັບ ສະຖານະ ຄວາມສຳພັນດ້ານການຄ້າປົກກະຕິ ກັບ ສະຫະລັດ ໃນປີ 2004 ແລະໄດ້ຍື່ນຂໍຮ່ວມ Generalised System of Preferences ໃນປີ 2013 ພາຍຫຼັງທີ່ໄດ້ຖືກຮັບເຂົ້າເປັນສະມາຊິກຂອງ ອົງການການຄ້າໂລກ. ປະເທດລາວ ໄດ້ເລີ່ມເປັນ ປະທານອາຊຽນ ໃນເດືອນມັງກອນ 2016. ປະເທດ ລາວ ກຳລັງຢູ່ໃນຂະບວນການຈັດຕັ້ງປະຕິບັດລະບົບ ພາສີມູນຄ່າເພີ່ມ. ລັດຖະບານ ເບິ່ງຄືຈະເອົາໃຈໃສ່ຕໍ່ ການຍົກລະດັບຊື່ສຽງຂອງປະເທດ ຕໍ່ໜ້ານັກລົງທຶນ ຕ່າງປະເທດ ແລະໄດ້ສ້າງເຂດເສຖະກິດພິເສດທີ່ ເຕັມໄປດ້ວຍອັດຕາພາສີທີ່ໜ້າດຶງດູດ, ແຕ່ກຳລັງ ແຮງງານທີ່ມີໜ້ອຍ ຍັງຄົງເປັນອຸປະສັກຕໍ່ການລົງ ທຶນ. ປະເທດລາວ ຍັງສືບຕໍ່ມີປັນຫາ ດ້ານສິ່ງແວດ ລ້ອມທຸລະກິດ ເຊິ່ງລວມມີການຂຶ້ນທະບຽນທຸລະກິດ ທີ່ຍາກລຳບາກ, ຊ່ອງຫວ່າງລະຫວ່າງນິຕິກຳ ກັບ ການຈັດຕັ້ງປະຕິບັດ, ແລະລະບຽບການແກ້ໄຂຂໍ້ ຂັດແຍ່ງທີ່ບໍ່ຈະແຈ້ງ.

[/et_pb_text][et_pb_comments _builder_version=”3.0.76″ show_avatar=”on” show_reply=”on” show_count=”on” background_layout=”light” border_style=”solid” custom_button=”off” button_letter_spacing=”0″ button_icon_placement=”right” button_letter_spacing_hover=”0″ /][/et_pb_column][/et_pb_row][/et_pb_section]

Posted on

ຖແລງການສິດທິມະນຸດ ຢູ່ລາວ

ຜູ້ຕາງໜ້າຣັຖບານ ອອສເຕຣເລັຽ ກໍໄດ້ພົບພໍ້ກັບ ມາດາມ ອື້ງ ຊຸຍ-ເມັ່ງ ພັລຍາ ທ່ານ ສົມບັດ ສົມພອນ

ວິທະຍຸເອເຊຍເສລີ: 03 ສິງຫາ 2017

ຣັຖບານອອສເຕຣເລັຽ ໄດ້ອອກຖແລງການ ຜ່ານເວັບໄຊທ ຂອງກະຊວງ ການຕ່າງປະເທສ ແລະການຄ້າ ເມື່ອວັນທີ 2 ສິງຫາ 2017 ນີ້. ໃນນັ້ນໄດ້ກ່າວເຖິງ ຣາຍລະອຽດ ຂອງກອງປະຊຸມຮ່ວມ ຣະຫວ່າງ ເຈົ້າໜ້າທີ່ ດ້ານສິທທິມະນຸສ ຂອງຣັຖບານ ອອສເຕຣເລັຽ ແລະ ຂອງ ຣັຖບານລາວ ພາຍຫລັງທີ່ ທັງ 2 ຝ່າຍໄດ້ ພົບພໍ້ກັນທີ່ ນະຄອນຫລວງ ວຽງຈັນ ເມື່ອວັນທີ 18 ແລະ 19 ກໍຣະກະດາ ທີ່ຜ່ານມາ.

ຜູ້ແທນດ້ານສິທທິມະນຸສ ທີ່ຕາງໜ້າໃຫ້ຣັຖບານອອສເຕຣເລັຽ ອັນມີທັງ ດຣ. Lachlan Strahan, ແລະ ດຣ. ທິມ ສຸດພົມມະສານ ໄດ້ພົບ ພໍ້ ດຣ. ບຸນເກີດ ສັງສົມສັກ, ຣັຖມົນຕີຣ ປະຈຳສຳນັກງານ ນາຍົກຣັຖມົນຕຼີ ແລະ ປະທານ ຄນະກັມມະການ ດ້ານສິທທິມະນຸສ ແຫ່ງຊາຕ ລາວ ທີ່ເປັນຫົວໜ້າ ຄນະຜູ້ແທນ ຣັຖບານລາວ, ໄດ້ປຶກສາຫາລື ກັນໃນວຽກງານ ດ້ານສິທທິມະນຸສ ຫຼາຍຢ່າງ ແລະທັງຮຽກຮ້ອງຣັຖບານ ລາວ ໃຫ້ນັບຖືສິທທິມະນຸສ, ສິດທິ ໃນການເຊື່ອຖື ສາສນາ ຕາມຫລັກການສາກົນ ທີ່ ຣັຖບານລາວ ໄດ້ຮ່ວມເປັນພາຄີ ໃນສົນທິ ສັນຍາ ຕ່າງໆ.

ນອກຈາກນີ້, ທາງການອອສເຕຣເລັຽ ຍັງຮຽກຮ້ອງ ໃຫ້ທາງການລາວ ແກ້ໄຂບັນຫາ ບຸກຄົນທີ່ຖືກບັງຄັບ ໃຫ້ຫາຍສາບສູນ ໂດຍສະເພາະ ກໍຣະນີ ທ່ານ ສົມບັດ ສົມພອນ, ນັກພັທນາຊຸມຊົນ ດີເດັ່ນທີ່ຖືກບັງຄັບ ໃຫ້ຫາຍສາບສູນ ເມື່ອທ້າຍປີ 2012, ຈົນມາຮອດມື້ນີ້ ກໍຍັງບໍ່ທັນ ມີຄວາມຄືບໜ້າໃດໆ ໃນການສືບສວນສວບສວນ. Continue reading “ຖແລງການສິດທິມະນຸດ ຢູ່ລາວ”

Posted on

ສາກົນຮຽກຮ້ອງໃຫ້ ສປຊ ກົດດັນ ຜູ້ນໍາລາວ

ວິທະຍຸເອເຊຍເສລີ: 01 ສິງຫາ 2017

ສະຫາພັນສາກົນ ເພື່ອ ສິດທິມະນຸດ ຫລື FIDH ຮ່ວມດ້ວຍ ຂະບວນການ ລາວ ເພື່ອ ສິດທິມະນຸດ LMHR ໄດ້ອອກ ຖແລງການຮ່ວມ ຮຽກຮ້ອງ ໃຫ້ສະຫະປະຊາຊາດ ກົດກັນ ຣັຖບານລາວ ໃຫ້ແກ້ໄຂບັນຫາ ສິດທິມະນຸດ ທີ່ຍັງຄ້າງຄາ ຢູ່ໃນລາວ ກ່ອນການທົບທວນ ດ້ານ ສິດທິມະນຸດ ຂອງ ອົງການ ສະຫະປະຊາຊາດ ໃນປີນີ້.

ຂໍ້ຄວາມໃນຖແລງການດັ່ງກ່າວ ຣະບຸວ່າ ຣັຖບານລາວ ຕ້ອງໄດ້ທົບທວນ ແລະແກ້ໄຂ ສະພາບການ ດ້ານ ສິດທິມະນຸດ ຂອງຕົນຢ່າງ ຈີງຈັງ ແລະເລັ່ງລັດ ບາດກ້າວໄປ ໃນທາງທີ່ຖືກຕ້ອງ ເພື່ອສະແດງໃຫ້ອົງການ ສະຫະປະຊາຊາດ ເຫັນວ່າ ສປປລາວ ຈິງຈັງໃນການ ປະຕິບັດ ຕໍ່ຄຳຮຽກຮ້ອງຂອງສາກົນ ໃນບັນດາດັ່ງກ່າວ ດັ່ງທ່ານ Andrea Giorgetta ຜູ້ອຳນວຍການ ສະຫະພັນສາກົນ ເພື່ອສິດທິ ມະນຸດ ປະຈຳຂົງເຂດ ເອເຊັຽ ກ່າວຕໍ່ເອເຊັຽ ໃນຕອນນຶ່ງວ່າ:

“ທ່ານວ່າ ພວກທ່ານເປັນຫ່ວງກ່ຽວກັບ ການຂາດຄວາມໂປ່ງໃສ ຄວາມຮັບຜິດຊອບ ແລະ ຄວາມຫລົ້ມແຫລວ ໃນການປະຕິບັດ ຕໍ່ກົດ ເກນຂອງ ສະຫະປະຊາຊາດ ທາງດ້ານ ສິດທິມະນຸດ ແລະວ່າພວກທ່ານ ເປັນຫ່ວງກ່ຽວກັບ ການຈັບກຸມບຸກຄົນທີ່ ສະແດງອອກ ໃນ ເຄືອຂ່າຍ ອິນເຕີແນັດ ທຸກຮູບແບບ ໃນລາວ”.

ຖແລງການຍັງຣະບຸຕໍ່ໄປວ່າ ບັນຫາ ທີ່ຫນ້າເປັນຫ່ວງ ກ່ຽວກັບ ສິດທິມະນຸດ ໃນລາວ ທີ່ຍັງບໍ່ຖືກແກ້ໄຂ ໃນນັ້ນຮ່ວມດ້ວຍ ການຂາດ ການບັງຄັບໃຊ້ ກົດເກນ ກ່ຽວກັບ ສິດທິມະນຸດ ສາກົນ, ການລົງໂທດ ຜູ້ຕ້ອງຫາ ບໍ່ສົມກັບຄະດີ ແລະ ບໍ່ຜ່ານຂະບວນການ ຍຸຕິທັມ, ການທຳຮ້າຍ ຮ່າງກາຍນັກໂທດ, ການຈັບກຸມຄຸມຂັງ ຜູ້ວິພາກວິຈານຣັຖບານ ໃນເຄືອຂ່າຍອີນເຕີແນັດ, ການບີບບັງຄັບໃຫ້ຫາຍສາບສູນ, ຂາດການສືບສວນ, ສະພາບການ ໃນທີ່ກັກຂັງ ຫລື ໃນຄຸກ ຂາດມາຕຖານ ສາກົນ,

ການຕັດສີນຄະດີ ຂອງສານທີ່ບໍ່ຍຸຕິທັມ ບໍ່ເຄົາຮົບນັບຖື ສິດທິມະນຸດ ສິດທິ ການປາກເວົ້າ ສິດທິ ການສະແດງອອກ ສິດທິ ການຊຸມນຸມ ແບບສັນຕິ ແລະສິດທິ ອົງການຈັດຕັ້ງ ທາງສັງຄົມ ແມ່ນບໍ່ມີເລີຍ ຮ່ວມທັງສິດທິ ຖືສາສນາ ຂອງຊົນກຸ່ມນ້ອຍ ໃນລາວ. ສິດທິ ດັ່ງກ່າວ ທັງຫມົດນີ້ ທາງການລາວ ຕ້ອງໄດ້ແກ້ໄຂ ກ່ອນ ການທົບທວນ ດ້ານ ສິດທິ ມະນຸດ ຂອງອົງການ ສະຫະປະຊາຊາດ ດ້ານ ສິດທິມະນຸດ ໃນປີນີ້.